العروس في الثوب الاسود

تكمله

رسيل: الحمدلله شكو ماكو

ثائر: ماكو شي على حطت ايدج تونستي

رسيل: كلشششش فوك متتصور ياربي يوم النه ونفرح مثل فرحتهم .

ثائر : الله يسمع منج .

رسيل: شبيك ثأوري ليش ضايج..

ثائر: ليوين عمي يضل مسافر

رسيل: جريت نفس ، ماعرف حالي حالك ، لتفكر خليها للوكت الله يحلها .

ثائر : الله كريم

اني اعرفه علمود ريناد كاعد يحوص عليها متعلمين كله سوة كعدتهم وسوالفهم من همة وصغار لهذا حس بفراغ جبير من بعد ما راحت رغم يحجي وياها بالتليفون بس شويه ويسدوه لان الاتصال غالي .

رسيل: عمه عمتووو عماتي ..

زهرة: اليوم عصافيرج طايرة خير..

حجتها وتضحك

رسيل: والله عمة فد ونسه اله بشده مكانج خالي صار شكد ما فرحانه هيج فرحه .

اجاني صوته ..

حسام: الله يخليني الج وافرحج دووم

رسيل: ههههه اي والله الله يخليك النه جنت محتاجه اغير جو .

حسام: الحمدلله ، بهاي المناسبه صبيلنه غده من وره حذائج متريكنه .

رسيل: هههه صار بس ابدل وانزل.

صعدت بدلت ونزلت صبيت الغده وخليته على الميز وكعدنه ناكل اني وياه .

حسام: شوكت تعطلون .

رسيل: المفروض قبل اسبوع بس بعد الكيمياء ما مكمليها .

حسام: كم فصل بعد

رسيل: ثنين

حسام: حيل يرادلج سبوع لاخ كعدي عيني واني اقريج

رسيل: هااا انت هيج تكول

حسام: اي لان بعد ماتلحكين

رسيل: وامتحاناتك شلون خاف صعبه عليك

حسام: معليج ادبرها ، هسه انام وارتاح شويه واكعد اسويلج جدول توب .

رسيل: هاهيه متفقين .

تغدينه وغسلت مواعين الغده وصعدت نمت جريتهة من الخمسه لحد التسعه ونص نمت نومه عميقه يمكن اكثر مرة انام بيها هيج مرتاحه من سنين ، كعدت ، نزلت جوة هدوووء ماكو احد يمكن نايمين هههه صار العكس اني انام همة كاعدين اكعد ينامون ، لان يكعدون من الصبح ، داروح للمطبخ اشوفلي شي اكله دك التليفون ، طبعا هاي الفترة كلها بين يوم ويوم جدي يخابر يسأل على ابويه ويوميه ننطيه عذر شكل يوم مسافرر يوم بالمحل يوم نايم طبعا هذا الشي بطلب من بابا مقبل اهله يعرفون بسفرته ومن سألناه ليش رفض يحجي .
شلته..

رسيل : الوووو.

اجاني صوته المزعج .

مروان: يابه شلون الصحه الاحواال الاموررر ..