رسيل: محترمة نفسي عدل بس انت مو محترم من تجي تاخذني من نص اهلي انت وعصابتك شنو معناها هاااا شنو معناهاااا خطف هذا لو مو خطف، تحت تهديد السلاح اخذتوني، ماريدكم ولا اريد اشوف شكولاتكم كوة هيه كوة شخص كاره يسمع حتى طاريكم تجيبوه بنصكم غصب ليششش ها ليشش...
احجي بعياط وارجف جسمي كله يختض .
مروان: هاااا تريدين اعوفج هناك وتلعبين لعب بكيفج لا اب على راسج ولا ام موووووو...
يصيح وخازرني .
رفعت اصبعي بوجها وهددت...
رسيل : خلي يكون بعلمك وعلم الكل اني سنة كاملة سنةةةة تعرف شكد ١٢ شهر اني باقية بيت خالو وبنصهم انام واطب واطلع ويه ولد خاالي وازيدك من الشعر بيت انخطبنه عن حب ، ويجي ياخذني غصب عليك وعلى الكل وارجع وياه واتزوجة واشوف يا رجال بيكم يمنعني.
جان يهفني براشدي صفر اذني ؛ اختل توازني ، اكو كرسي ورايه كعدت عليه لان ردت اوكع،
ضربني لو ردتها من الله حتى اهجم عليه ، كمت وركضت عليه واضرب بصدرة حيل ؛
رسيل : قذر مجرم ، حقير ، عصابات صايرين ، تخطفون وتقتلون ، شنو فرقكم عن اللي قتل بابا شنو فرقكم ، انتو ارهاب اي ارهاب ، اذا صار شي على حسام اله افنيكم والله اقتلكم كلكم ، خلو ابالكم اني هنا عبوة وزرعتوها بداخل بيتكم على غفله تنفجر، خافو مني ولتأمنون ابد، نامو وفتحو نص عين لان اللي راح اسويه راح يخليكم تتندمون بكد شعر راسكم لان جبتوني هنا .
ضليت اصيح اصيح الى ان فقدت الوعي ووكعت بالكاع. ما احس بأي شي بس ابالي حسام شصار بيه ورايه ...
(بغداد الساعة الحادية عشر صباحآ)
مروان: هذا شبيه هيج يسوق سكران الطريق شعرضه ليش يكسر علينه .
ياسر: اطبك على صفحة نشوف شنو سالفته .
طبك السيارة ونزلو من امد راسي من الجامة ،اشوفه حسام يا كلبي جاي ورايه كمت اضرب على وجهي راح يضربوه وفعلا تلازمووو وياه، فتحت باب السيارة اريد اعيط اريد صوتي يطلع ماكو الى ان انثارت طلقة وشفت حسام وكع صرختتتت حسااااااااااااام .
نزلت اركضضض شفت الاسحلة متوجهة علية شمرت نفسي فوكاه.
رسيل: كتلوني وياه حضنته وابجي ، لزمت وجها وين انضربت شو شوفني كمت اكلب بجسمه بيه دم بس ماعرف الضربه وين بالضبط رجعت على وجها ابوس بيه ، متأذي كلي شنو يوجعك كله من ورايه اذا صار بيك شي ما اسامح نفسي .
حسام: فدوة الج اهم شي سمعت صوتج ورجعتي كلشي مابيج، رسيل تحبيني..
رسيل: اا... توني اريد احجي وانجريت حيل التفتت واشوف حازم كمت اضرب وادفر بيه واغلط .
رسيل : كلب انت ضربته مو شفتك انت حقير حيوان ، شرمخته ملخته تملخ .
شفتهم توجهو على حسام ، ضربت بطنه بعكسي هدني وركضت ادفع بيهم واصرخ،
أنت تقرأ
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
