هاج هاي من بيبي ؛ تكول اصيله والنعم منج؛ درت وجهي عليها ابتسمتلها وردتلي الابتسامه.
ما اعرف ليش هيج مستغربين الناس مع العلم قبل جنه نجي وماما تصلي مثلي محد ينتبه ومصادفتها هيج مواقف.
مدري شكد مر وقت اني كاعده ومرجيه راسي على الحايط برودة تخبل والريحه مال الحضره رهيبه تشرح الصدر ، لهناك واسمع اسمي بالمكبرات الصوتيه .
الزائرة: رسيل صادق حميد ذويكم في الانتظار الرجاء التوجه لغرفه الاستعلامات .
ضل يعيد ب أسمي واني شلون الفاقده ما اريد اروح اجتني افكار شيطانيه انهزم وارجع لبغداد ،وكلت ليش ما اسويها والله وكمت ، لفيت الجادر على وجهي دنكت وامشي سريع حتى محد يشوفني افوت من باب اطلع من الثانيه وصلت لباب الخروج اي طلعت واخيرا كمت اتلفت وامشي يارب محد يشوفني يارب ، نزعت الجادر شمرته اكو دجه بره خليته عليها ، امشي وافكر شلون اوصل لبغداد منو يساعدني زين هسه صار العصر خاف ما الحك ارجع وين ابات وشلون اخذ سيارة وحدي والطريق يخوف بليل، هلمرة زاد خوفي لا بيه ارجعلهم ولا بيه اكمل البديت بيه ، اني وافكر دايخه بزماني جان انجر من ايدي من قوة الجرة حسيت كتفي انخلع.
التفتت واشوف مروان يرجف من الاعصاب وبصفه رغد تباوعلي مخنزرة . اول ما درت وجهي عليهم ضربني راشدي .وجرني مشى وكمت امشي وراه اباوع على ايده دمراتها كلها طالعه ، نمشي وبعد ، لعد شكد ماشيه وما ادري بروحي ، وصلنه بمكان همه متفقين علية وجان يدفعني بنصهم ردت اوكع اله شويه .
مروان: عينكم عليها ،حسابج بعدين مو هسا .
ضليت ارجف من الخوف والكل يفور من الاعصاب ضايجين والخلق مكلوبه . جان تجي عمه صبريه من بعيد تمشي يمكن هيه هم جانت تدور .
صبريه: هااا من لكاها.
رغد: انه ومروان .
صبريه: بحضن من (منو) لكيتوها .
نور: عمه عيب هالحجي .
صبريه: تعلميني العيب ، شوفيها وي من متفقه لحتى تشرد وعافها وشرد ضحك عليها ، هاي بنت المضيفه من امها جانت يوميه بحض واحد وتبات على ابو سفر وتضل اسبوع شهر ،والمكرود صادق نايم على اذانه.
التفتت للامام ،كتله سيدي هاي كدامك وهيج تحجي بشرفي وشرف امي اريدك انت تردها .
صبريه: شوف شوف شتدردم ، شكاعد ترطنين انتي وهم الج عين تحجين بعد الصار.
نور: ليش شنو الصار عمه حجيج كله ماله داعي وحرام عليج هلمرة تحجين على مرة ميته هاي بدال ماتترحمين عليها .
صبريه: انه ما اترحم لكح.....
عاد متحملت عطت بيها
رسيل: كلمن يشوف الناس بعين طبعه لو مو انتي هيج متحجين على ماما شمعرفج بيهن لو ما معاشرتهن.
أنت تقرأ
العروس في الثوب الاسود
Romansa#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
