٤٧_____٤٨
عروس في الثوب الاسود
البارت السابع والاربعون
التفتنه ثنينه على مروان واكف باب الشقه ، اني انسطرت بالكلمة اللي سمعتها، معقوله أيهم يحبني زين ليش هيج فرحت من كالها ليش عبالك جنت منتضرته يحجيها، ليش عبالك اول مرة اسمعها مع العلم اني سامعتها من حسام اول مرة، ليش محسيت بهيج احساس من كالها الي. ليش كلشي اختلف.
مروان: وين بالج صارلي ساعه ارطن.
اباوعله على وكفته وعاقج الحاجب
رسيل: اسفه مسمعتك ، التفتت على أيهم، يمشي ايده على لحيته بقلق وعين عليه وعين على مروان موقف ابد مننحسد عليه ومنو لزمنه بيه مروان.
مروان: امشي ولي لغرفتج يلااا،
استغربت هدوءة كلت هسه يكسرني تكسر،
رحت مشيت وصلت يمه اريد اعبر الباب جان يكفحني على راسي، ويحجي يقلد على صوتي
مروان: كلمن يشوف الناس بعين طبعه ، وعيب تفكر بهيج شغلات مروان ، قبل الله علويه جنتو تصلون.
باوعتله ردت اضحك بس مو وكتها خاف انعلس.
متنعرف ردة فعله شنو هسه هو عصبي كاعد يتشاقه بس لا مو شقه وجهه مكلوب.
رسيل: صدك مو اللي ابالك اني بس ردت اشكره على،....
ردت اكله لان راح ارجع للدوام، جان اسمع صوت أيهم حجه وسكتني
أيهم: لان جبتلها ملابس حبت تشكرني وانفعلت شويه.
حجاها بضحكه .
مروان: شكو منها انتي مثل اخته ، مو أيهم !!!!!
حجاها بصيغه تأكيد
التفتت على أيهم اشوف ردة فعله شنو،و شراح يكول .
باوعلي ودنك ،
أيهم: أي اكيييد
تفاجأت ليش هيج كال ؟؟؟ هسه مو كال احبج لو اني سمعت غلط ، عقجت حاجبي انتبه عليه، ورجع باوع على مروان.
أيهم: محتاج شي فوت ليش واكف بالباب .
مروان: نازل يم الحجي عود تعال نصفي الحسابات من سافرت صارت خربطه ، والقوائم اليمك جيبها وتعال.
التفت عليه وحجه بصوت ناصي بس اني اسمعه،
مروان: حركات المياعه جوزي منها وانتبهي على لبسج وتصرفاتج ترة واصله لهنا منج.
ويأشر على خشمه .
عفته ومشيت لغرفتي ، كلش انقهرت من أيهم، ليش سكت من كله مثل اختك معقوله يخاف من مروان، ؛ لا لا مو شغله يخاف من مروان؛ شنو السبب لعد راسي راح ينفجر .كمت لفيت شعري ونزلت جوة اساعد نور خطيه وحدها ، شفتهم كاعدين بالهول وكدامهم طبله وعليها اوراق ويكتبون منتبهو عليه اصلا من نزلت .
أنت تقرأ
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
