العروس في الثوب الاسود

تكمله

زهرة: جرت حسرة ، كلبي مامرتاح الهم من يوم الجوي وكلبي لعبني خصوصا هذا مروان ابد مو هين ومبين صاحب مشاكل.

حسام:مو هين على نفسه ميخوف جلبي .

محمد: كافي اكلو

الكل سكت وساد الهدوء .....

ثاني يوم ورة الغده كعدت اني وحسام سوينه جدول مرتب كل ماده اسبوع ورتبنه عدد الساعات اللي اقرة بيها وفترات الاستراحه اللي هيه للاكل والنوم .

طبعا النوم نص ساعه الضهر وبس مو هواي .

ذبيت روحي على الدراسة من الصبح ساعة ستة ابلش لحد العشرة وانام شهيدة .

وصلت للكيمياء كملتها ضلت الفصلين الاخيرات نزلت على حسام دكيت الباب اجاني صوته . تعالي، يعرف اني لان الوحيدة بلبيت ادك الباب يلا افوت .

مديت راسي

رسيل: عندك شي

حسام: لا بس دا اقره ماده الامتحان مال عكب باجر

رسيل: اخذ راحتك اجي غير وقت..

حسام: تعالي معليج ..

دخلت وكعدت يمه ، قرب الميز مال دراسه خلاه بالنص وخليت عليه الكتاب مالتي .

وبده يشرحلي واني صافنه عليه على شعره المايل على شكار ملامحه الرجوليه لحيته .
انتبه عليه ابتسم ودنك .

حسام: مضيعه شي بوجهي ...

ارتبكت
رسيل : هااا لا

حاصرته الضحكه ويحجي

حسام : كولي حلو لا

رسيل: هاي شبيك شو صاير مدري شلونك

حسام:اني الشبيه لو انتي اقريج وعيونج طايره ههههه

شلت الكتاب وسديته ..

رسيل: شو جيبه مو صوجك اروح اني اقره احسلي

هو يجر بالكتاب واني اجر عثرت و وكعت بحضنه ،

ضل صافن عليه ، ارتبكت ونفسي تخربط اول مرة اصير بهيج موقف هو ذبلت عيونه وحار شيسوي .... كمت عدلت نفسي وكعدت

حسام: احم . جيبي اكمل وين وصلنه .

رسيل: خليها باجر نعست .

حسام: ماشي براحتج ...

طلعت والتفتت عليه شفته صافن عليه ، درت وجهي وصعدت ، سديت الباب وضليت افتر بالغرفه وافرك وجهي بيدي ، جريت نفس قوي اريد بس اهدء ،
اش اش كافي رسيل ، هذا حسام اخوج لتفكرين بشي ثاني كمت اضرب وجهي اريد اصحى .

من الفشله يومين منازله جوة من هو موجود اتحجج بلدراسه وهو هم ما صعد فوك.

ورة يومين صعد ثائر

ثائر : رسيل عمو على التليفون يريد يحجي وياج

رسيل:اي جيت ، كمت بدلت ملابسي على السريع ونزلت ، بغرفتي مرات البس برمودات والردن كيمونه لان حار الفوك جهنم صح اكو مبرده بس متنجرع .

اخذت التليفون وحجيت ويه بابا

رسيل: هلو بابا حبيبي شلونك

صادق: اني زين حبيبه ابوج انتي شلونج

رسيل: تعبانه بابا احس خلصت طاقتي

صادق: ما ضل شي سباعيه وتجين هنا يمي ونلتم

رسيل: يارب يارب هسه غير اخلص بسرعه

صادق: تخلص تخلص هاي السنه كلهة خلصت ضلت على هاي الكم يوم

رسيل: اي صح ؛ ريناد واران يمك اسلم عليهم

صادق: انطيني خالج اول عندي شغله وياه بعدين احجي ويه اخوتج براحتج .

رسيل: اوك

اخذ التليفون خالو مني وحجه ويه بابا

محمد: ليش ياخويه ، مو حرامات ، شعجب ، ادري مو كاعد انت ، صدك تحجي قابل غريب ، واذا يزوج ابنه قابل شنو ، براحتك لتصير عصبي هاهيه .
الله وياك . سد التيلفون واستلمناه شنو ماشنو

محمد: يكول بيع البيت والسياره على خرابها شكد متجيب ودزلي فلوسهن اريد اشتري شقه هناك وافتح شغله خلصت فلوس.

زهرة: ليش مو كاعد ويه بيت علاء ..

محمد: يكول عيب وزحمه ويريد يزوج ابنه

رسيل: خالو بالبدايه بابا مو كعد بشقه وحدهم اول مسافرو.

محمد: اي بس بعدين صاحب الشقه صعد السعر وخالج علاء رفض ابوج ينطيه وكله اله تجي يمنه منو اكو عندي حتى تستحي وكعد ابوج وياهم.

رسيل: وهسه شنو راح تبيع بيتنه

محمد: شسوي هذا ابوج وهاي سوالفه عنودي وراسه يابس .
...
خالو عرض بيتنه للبيع ما قبل يعرضه عد دلال كال يكسر بسعره،،،، يوميه ناس جايه شرايه اخر شي اجه رجال ومرته من المنطقه حيل عجبهم البيت واخذوه هو واثاثه ،  بطلب من بابا الاثاث غير عن سعر البيت .

رحنه اني وعمة زهرة جبنه الملابس الباقيه وغراض بابا والبومات الصور وكم غرض لماما معتزين بيهن . وطلعنه ودعت بيت الطفوله بيت الفرح بيت الامان واللمه الحلوة ودعت ضحكاتنه سديت الباب وانسد كلشي حلوووو وياها..........

العروس في الثوب الاسود

البارت الثاني والثلاثون

انباع البيت وخالو حول الفلوس لبابا ، اشترى بيهن شقة هناك وفتح شغل ، واستقرو نوعا ما ،
كملت فترة المراجعة وبلشت الامتحانات ،

اليوم عندي امتحان اسلامية واكفة كبال المدرسة انتظر يفتحون الباب حتى ندخل .

حسام: تعاي كعدي لتدوخين ..

رسيل: لا خليني واكفة هسه شويه وندخل

حسام: هسه ليش هالرجيف ترة امتحان عادي حاله حال السنين الراحت.

رسيل: ما اعرف ليش هيج خايفه حتى بطني كامت تلويني .

حسام: اقري ايات وبلشي وهاج هاي الورقه بيها دعاء اقريه قبل ما تتوزع الدفاتر .

رسيل: خاف عبالهم برشومة ويطردوني ..

حسام: شوفيها الهم اول ماتدخلين يقروها وينطوياج .

رسيل: ماشي ، اخذتها منه وخليتها بالمحفظة ، وما بقت ايه ماقريتها .

حسام: انفتحت الباب ...

رسيل : صدك ...

حجيتها و مشيت سريع اجه ورايه...

حسام: لحظه رسيل ..

رسيل: ها ...