محمد: خوفك من الزعاطيط ليش مكاعد تسمع بغير مناطق بدت الطائفيه وناس تشيل ناس خويه هاي شغله مابيها شقه وضحك روح للبصرة لو تسافر للاردن يم علاء بكيفك بعد بس مال اخليك هنا تحلم.
صادق: ما اروح لأي مكان يكتلوني خلي يكتلوني وما اريد اسمع حجي زايد وكام عافنه و طلع.
وجان نسمع صوت طلق قوي وقريب طلعنه نركض مثل المخابيل وجان نشوف بابا.............
يتبع .....
العروس في الثوب الاسود
البارت الثلاثون
بابا كاعد بالكاع وايده على اذانه سادها من الصوت ، خالو من شاف بابا مابيه شي ركض عليه وكع بنص الطرمة كام بابا عليه .
صادق: الله الله شبيك يمعود عدت سلامات ...
خالو تربع بالكاع وكام يبجي واحنه حاضنين بابا ونبجي .
صادق: شبيكم يمعودين عليش هالبجي هياتني ما متت
محمد: اخ اخ لك ليش هيج تسوي بينه اذا متخاف على نفسك خاف علينه والله نموت وراك لك اني ماعندي غيرك بالدنيا انت اخويه وصديقي...
يبجي بصوت اعلى من صوت البجي مالتنه.
كومة بابا وغسله برة اكو بوري بالطرمة انتجى خالو على الحايط منتهي الوجه اصفر ليمون متت قهر على حالته .
دخل حسام
حسام: ولد الكلب مزرفين سيارتك
صادق: مالتي
حسام: اي ولكيت هاي الورقه عليها
اخذها بابا منه وقراها ضل ينافخ بضجر ونفاذ صبر .
محمد: حسام شنو مكتوب بالورقه
حسام: كاتبين صار كم مرة نحذرك هاي المرة الضربه بسيارتك مرة ثانيه بيك .
محمد : والورقة مال قبل شهر شمكتوب بيها
صادق: كاتبين لخاطر بنتك ما نقتلك كدام عينها شيل واطلع من المنطقة احسن الك، نريد نظفها من الروافض .
محمد: لا اله الا الله، كام يضرب على راسه ؛ لك صار سنين كاعدين منعرف البيت اللي مقابيلنه سني لو شيعي هاي اني وياك مو طوائفنه تختلف وعايشين سوة فد يوم اجيت تدخلت بصلاتك كتلك ليش ما تتجتف مثلنه اجيتني انت وكتلي سبل ايدك .
هاي بالجديد كم كوا....... وابن كلب طلع هاي السوالف و يتحكم بمصير الناس عيني متبقى هنا لو اعرف اشيل وياك ومن باجر اعرض بيتي وبيتك للبيع وحجايه متحجي .
مد ايده بابا وكومه من الكاع .
صادق: كوم ارتاح وبعدين نحجي
همة ويمشون لداخل البيت خالو كله..
محمد : ما ارتاح ولا يهدالي بال اله احل شغلتك .
كعدو بالهول وضلو يتناقشون بابا مستبعد فكرة روحتنه للبصرة نهائي .
محمد: مبقالك حل غير السفر
صادق: ليش اسافر اشيل خو لغير منطقه
محمد: لا تضل رايح جاي علينه متكعد راحه سافرلك سنه يم علاء ونشوف الوضع بلكت يستقر وربك يسهلها وترجع لبيتك .
صادق: دوامي شلون دوام البنات هاي رسيل سادس خطيه ليش تروح عليهم السنه .
محمد: تروح عليهم سنه ولا يروح ابوهم منهم شتكولون بنات .
رسيل: طبعا اني مستعده اعوف الدنيا كلها واجي وياك .
ريناد: بابا اني هم اجي وياكم ..
محمد: ماعندك حجه بعد هذا هو واذا على دراستهم نشوف هناك بلكت يكملون نخابر علاء؟ويشوفلنه الوضع.
حسام: ليش رسيل متبقه هنا وتكمل السادس حرامات مادام بلشت بالدروس مالتها.
محمد: شكو بيها هم خوش فكرة اخليها بنص كلبي وبيدي اوديها واجيبها .
صادق: شلون حجي هذا اعوف بنتي وحدها واروح لا عيني لا طبعا ما اقبل.
محمد: وليش كاعده بالشارع ومتقبل لو متأمن بينه .
صادق: يلا بله اني وين كايل هيج لو تكولني كوة ،
مامتعود بناتي ساعه يضلن بعيدات عليه مو قصه ما أمن لو ماعندي ثقه بيكم عيب هالحجي محمد.
زهرة: خصم الحجي تبقه رسيل تكمل هنا وبعيوني اخليها واللي يوديها ويجيبها محمد وحسام.
اباوع على بابا حاير يباوع عليه وعليهم .
الله يحيرهم مثل ما حيروك ويحرك كلوبهم مثل ما حركو كلبنه ويفرق جمعهم مثل ما راح يفرقونه .
صادق: هذا هو خلي اخابر علاء واشوف الوضع هناك شنو وضع المدارس الشغل .
خابر بابا وضلو تقريبا ساعه يحجون على الاجراءات وشيسوي بابا .
اتفق وياه يأجرله شقة على ما يروح حتى راسن يستقرون بيها .
خلال اسبوع واحد راح خالو لمدرسة ريناد وجاب اوراقها من المدرسة وبابا اخذ اجازة سنه بدون راتب وشرح الهم سبب الاجازة ، وحضرو جنط السفر واني عيوني تفتر عليهم شلون راح افاركهم صعبة والله صعبة .
انتبه بابا عليه وعاف البيده واجه كعد يمي .
صادق: ليش ما تجين ويانه وهناك كملي دراسه لو عوفي هاي السنه ومن نرجع كمليها.
افرك بيدي واحجي وياه ..
رسيل: بابا منو يكول يرجع الوضع طبيعي خليني هنا اكمل هاي السنه واجي اكمل دراسه هناك اذا ضل الوضع موزين.
صادق: والله مو هينه عليه اعوف قطعه من كلبي هنا واسافر لغير بلد وانتي مابيه .
كام يبجي واني ابجي ردتها حجه اطلع القهر البكلبي.
مسح وجها وكال...
صادق: كومي بابا نامي شوفي وجهج صار شكدوته واني هم راح انام ورايه سفر.
رسيل: عادي انام يمك اليوم، حجيتها بخنكة
صادق: اليوم الجلاليق للصبح تشتغل على ابوج هههه يلا كومي غسلي وتعالي نامي .
نمت يم بابا وحاضنته حيل كضيت الليل كله اباوع عليه اريد عيوني تشبع منه شوف ...
صادق: نامي عاد مو حفظتي وجهي على الغيب ..
رسيل: شو كاعد ..
أنت تقرأ
العروس في الثوب الاسود
Romance#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
