العروس في الثوب الاسود

تكمله

مروان: عمي حجي أيهم صح  والصح ما ينزعل منه شابة حديثة ليش طالعة بهليل .

صادق: ولكم هاي بنتي اني مربيها شدتحجون انتو لتخبلوني اني عندي ثقه بيها وهيه وحسام اخوان ورابين سوة .

مروان: والناس تعرفهم اقارب مو اخوان والناس عليها الظاهر والكلمة اللي تمس البنية تمس كل اهلها ....

الجد : أنه مامرتاح لهذا الاطرم جنه يحبها للبنت ويلوب عليها.

ابوك كام يعيط عليهم

محمد : شنو هالحجي عيب هم ابيتي وهم تتهمون ابني بالباطل..

وعمك وكع وضغطه علك كله بسبب تصرفكم الغبي .

عمة تحجي ومستمرة ،،اندفعت باب البيت دخل بابا عصبي  وقميصه بيه دم مبين خشمة نازف لزم حسام من ياخته ..

صادق: انت ماتفتهم ماعندك عقل سويتلي حجايه شكبرها بهليل البنات شعليك بيهن وجبتهن هنا .

حسام: خفت عليهن شنو بنص الزلم كاعدات يفترن كلت هنا يباتن واني ابات بالهول قابل سويت جريمه.

صادق: مو هذا خوفك اللي عم عليك وعليه وعلى البنات صارت مشكله بسبب طيشك وقله العقل وسوء التصرف بناتي اني كيفي اخليهن بنص الزلم احركهن يعودن الي مو الك لا انت حريص اكثر مني عليهن ولا تحبهن بكدي .

صارت مشاده كلامية بين بابا وحسام وكلمن يحس بروحه هو الصح الى ان دخلو ولد عمي وجدو .

الجد: صادق اضن بيتك اولى نكعد بيه من بيت العالم خلهم  ياخذون راحتهم .

صادق: كل الهلة بيك حجي ...

اباوع على ولد عمي علي لو بيدهم ياكلوه لحسام وهو  بعد اضرب منهم .

راحت عمة جرت حسام جر ميقبل يروح وبابا سد الباب وراهم ،،،
صعدت فوك اركض مالي نفس اشوفهم بعد ولا اسمع اصواتهم شنو من عقل عدهم كل تصرف نسويه يخلون علامة كدامة..

مرت ٣ ايام اني فوك ما انزل اله يطلعون مرات بس جدي يضل لان مابيه حيل يطلع يفتر انظف واكمل كلشي واصعد فوك من يجون ومعليه لا بغده ولا بعشا الظاهر همه ياكلون برة لو مرات عمة تدز غده الى أن فد يوم احتاجيت حمام بليل ردت انزل ومترددة خاف اشوف واحد بيهم جنت لابسه تراك  ونزلت على كيفي حتى محد يسمع دخلت للحمام وبعدين رحت للمطبخ ردت اسوي لفة جعت بدون عشا لحد الان .

جان اسمع صوت ورايه التفتت واشوف أيهم.............

يتبع.........

العروس في الثوب الاسود

البارت الرابع والعشرون

نخافُ من كلام الناس لأننا في مجتمع

يصدق مايسمع فقط .

مهما كانت نيتك صافية!

لن تنجو من ضنون الناس السيئة...

_______

باوعتله وكتله..

رسيل: مضيع شي ؟

رفع حاجبه وكال...

أيهم: وياية ؟

رسيل: أكو احد غيرك هنا ...

أيهم : شجاي تسوين..

رسيل: جعت وداسوي لفه مثل مدتشوف ..

ايهم : ممممم بالعافيه..

رسيل : الله يعافيك.

أيهم: أنتي ياصف ؟

رسيل: رابع عام..

أيهم: شلونج بالدراسة ..

رسيل: زينة...

أسوي باللفة واحجي وياه بدون ما ارفع عيني ..

ايهم : ليش متنزلين من احنه موجودين ترة مناكل بشر ..

رفعت عيني لكيته متكتف ومرتاج على اطار الباب..

أسيل: ما احب اختلط ويه ناس غربه ...

أيهم:  احنه مو غربه ولد عمج و جدج ..

أسيل: بالنسبة الي غربه ما اعرفكم ماصار كم يوم من تعرفت عليكم .

أيهم: ليش احسج ضايجة ؟

رسيل: مضايجة...

أيهم: ليش تحجين بنتر...

نفخت بنفاذ صبر..

رسيل: شتريد انت ...

أيهم: ما رايد شي سلامتج ..

رسيل: شويه اريد افوت ..

أيهم: ليش هيج تفترين بلا حجاب مو تدرين بيت بيه شباب .

رسيل: مو شغلك وخر ...

أيهم: لا تشمرين بالحجي عيب من باب الأدب تجاوبين 
ب أدب مثل ما انه احجي وياج بأحترام وما متجاوز .

رسيل: شوف حتى ابرد كلبك وأروي فضولك أني مو محجبة وعادي البس هيج لبس وحتى اطلع بيه بالشارع تمام هسه ممكن اروح انام، لو سمحت وخر عن طريقي...

أيهم: حتى لو مو محجبة المفروض ما تلبسين هيج لبس كدامنه عيب...

رسيل: اذا تستحرم غض البصر وبعدين كلت نايمين وبسرعه اصعد.

أيهم : وهذا أنه كاعد وشفتج غير تنتبهين على نفسج ..

رسيل: منتبهة وشكرا لان نبهتني، مرة ثانيه انزلك بعباية.

أيهم: شو تستهزئين لازم ماعاجبج الحجي..

رسيل: ترى حرت وياك احجي تكلي تحجين معلك ومتحترمين اكلك صار تكلي تستهزئين .

أيهم: أي تستهزئين مبين من طريقة كلامج ...

رسيل: من تعرف أستهزء ليش متعب نفسك ومتعبني وياك اكلك اريد انام وهاي اللفه انت اكلها بالعافيه عليك.  

خليت اللفه على الميز ودفعته وفتت اجه ورايه جرني من ايدي حيل التفتت عليه خزرته..

رسيل : ايدي وخر..

ايهم : من احاجيج جاوبي بأدب وبطلي صلافه عيب عليج...

نتر ايدي حيل وراح للأستقبال...

صعدت نمت وحلفت ما انزل بعد اله يروحون مر الاسبوع واجة يوم الكعدة انصب الجادر بالباب والرياجيل كلها واكفة وشايلين اسلحه وكلهم لابسين  دشاديش زيهم هذا ،، حتى بابا هم لبس مثلهم .