رسيل: تحمليني حبابه بس هالسؤال .
نور : اعرف سؤالج وعليمن تحوصين ، ليش أيهم ضرب مروان .
رسيل: صح ليش تضاربواا
نور : من حركتي نفسج، أيهم تخبل ، نزعج ثوبج بساع ودخل علينه تفاجأنه ،جان محاوطج ويمشي سريع ، وصلج للحمام وصاح على وحده من عماتج حت تسبحج ، بوراها رجع شاف مروان واكف ، هم جان مخروع عليج وخايف ، واحد يحجي الحك .
رسيل: بلكت يحس بذنب السواه ويجوز مني، بلكت هذا سبب.
نور: شاف أيهم وكاله ...
مروان : هاي خوما متأذيه ..
ايهم : انت شتشوف ...
سكت مروان وصفن ، أيهم ما تحمل وكعله بوكسات ، الكل مصدوم بالصار ، هاي شنو وشجاي يصير ، كام مروان وضربه بوكس على وجها وتلازمو ، ناس تضرب بناس ،
أيهم عاط بعلو صوته...
ايهم : بسببك حركت نفسها كتلك لا تجيبها للبيت وتبلينه بيها ما سمعت كلامي ماسمعتني دومك تمشي اللي براسك وعلى هواك، مروان هاي حياة بشر مو شغل وأثاث تودي وتجيب بيه من مكان لمكان.
مروان: انه اعلمك اذا ما خليتك تزوع دم بسيطه.
وعافنه وطلع ، وانه جيتج للحمام اخذت الشامبو وكتلها لعمه انه اسبحج.
رسيل: وين راح ؟
نور: ما اعرف
رسيل: لعد جدو شلون تخربط ؟
نور: جان طالع برة ورجع ، استلمته عمه شيماء تشكيله منج بنت ابنك هيج سوت صخمت وجوهنا وخلت الزلم تتلاطش ، وعمة صبريه هم حجتله على ابو شوف شنو بيها ، وتريد ترجع بساع لبغداد وتتزوج ، ومن ماكدرت كامت وحركت روحها .
لطمت على وجهي حيل.
رسيل: عززززة بعينهم ان شاءالله كامو يحجون بشرفي هلمرة.
نور: شعبالج الناس ترحم، عبالج راح يبجون عليج ويكولون خطيه حركت روحها من الضغوط العليها لو لان تحب ابوها وراح منها ، حبيبه انتي بمجتمع المرة عدهم نار واي شي يبدر منها يحرك عوائل كامله.
سكتت راسي راح ينفجر ، حالتي هسه مثل الراد يكحلها وعماها. استغفر الله ربي .
نور: اروح انه اعشي الفيلق الجوة كلها متانيه انزل ، وبطيت عليهم( تأخرت) .
رسيل: اخذي راحتج .
مرت ساعه وجابتلي الاكل، كعدت اكل لان ميته جوع ، كملت كمت غسلت ودخلت لغرفه أيهم باردة جانت ثلج مددت ونمت ، بدة جسمي يون مدري الحرك مدري الكسر .
كمت على كيفي رحت لغرفتي جبت المسكنات ورجعت ، شربت الكبسول ومددت نمت رأسن حتى مفكرت بأي شي .
حسيت بليل باب الغرفه انفتح دخل ضوه خفيف من الهول باوعت هذا ايهم سويت روحي نايمه ، تقرب مد ايده تلمس كصتي ومرر اصابعه على خدي كشت روحي انكلبت على الجهة الثانيه هو فز وطلع بسرعه وسد الباب...
أنت تقرأ
العروس في الثوب الاسود
عاطفية#العروس_في_الثوب_الاسود #مقدمه لم يكن يومآ الحُزن قضيتي ! بل قضيتي كيف اتخلص منه ! الحزن هو شعور بالعجز يشعر به المرء لكنه لايدوم . احيانا يغرقنا الحزن حتى نعتاد عليه وننسى أن في الحياة أشياء جميلة ممكن أن تسعدنا . عادة ما يشعر الناس بالحزن لا يفع...
