العروس في الثوب الاسود

تكمله

فتحنه الباب ودخلنه علك الضوه وكعد على ميز الكومبيوتر.

أيهم: راح اسويلج ايميل نتراسل انه وياج خاف خطوط ما احصل ومالحكت اجيبلج موبايل من ارد ان شاءالله اشتريلج واحد.

رسيل: اوك

أيهم: راح اسمي face moon

رسيل: الله حلو وجه القمر

أيهم: اي ومن تراسليني مرات ارد بسرعه ومرات ايام ما اكدر لان مشغول فد انتي كتبيلي على طول طمنيني عليج وعلى الوضع وانه شوكت ما افرغ اقرة .

شلع الوايرات من الكهرباء وشاله...

رسيل: هاي شنو ليش شلته منا.

أيهم: اخليهن بشقتي حت تراسليني منه بين ما ارجع ..

رسيل: ايهم ابقه هنا شكو عليه وما اطلع ابد..

أيهم: ما تحتاجين حمام ما تجوعين، انتي ماحاسه بخطورة الوضع تعرفين شوق هسا عباره عن قنبله وعلى ساعه تنفجر وخوفي لا تنفجر عليج.

رسيل: عفيه خوفتني ..

أيهم: انه اريد اخوفج لان الوياج كارهينج ومابيهم واحد هين .

سكتت و رجعنه للشقه رتب الكومبيوتر وعلمني عليه ، كعدت جربت كدامه شلون اشغله وشلون اراسل وشلون اطفيه ضليت بالنص ساعه .

ايهم : ها تمام هسه ..

رسيل : اي عاشت ايدك.

ايهم : ما محتاجه شي لو عاجبج شي اجيبه وياي..

رسيل : سلامتك..

ايهم : اكو عشا لا ..

رسيل : هسه اسوي ..

رحت سويت اكل كعدنه ناكل وساكتين وراها راح للهول طفى الضوة ونام واني كفيت المطبخ ورحت للغرفه ..
نمت والصبح من كعدت رايح مسافر ملحكت عليه كلش انقهرت.

كمت فتت للحمام وطلعت رحت للمطبخ خليت القوري على النار وجبت كوب اريد اخلي شكر لكيت ورقه فتحتها مكتوب .

لا تخلين ملح ههه وبالعافيه مقدما )

ضحكت والله عليه سوالف اخذت الورقه وضميتها بالكاونتر حتى متتبللل .. شربت جاي مشتهيت اتريك
ورة ساعتين هيج جعت كلت اسوي لفه اي شي واكل ، فتحت الثلاجه وهم لكيت ورقه .

(انسه رسيل تسوكتلج كلشي مخضر ولحم كون من اجي الكاج مكملته )

اخذت الورقه وكعدت على صفحه بجيت اني شنو احس تجاها ليش هيج كلبي كاعد يوجعني ليش دك طبول من قره حروفه الكاتبها ...

ضميتها ويه الورقه الثانيه وكمت طلعت لحم وسويت مخلمه لخاطره  اكلت كلش زين ورحت على الحاسبه حتى اكتبله ، اول ماكعدت عليها  لكيت ورقه .

( رسيل، ابد لتطلعين ولتخلين بالي وعلى طول راسليني مو تنسين)

اخذت الورقه وخليتها على كلبي فرحت كلش ،
احب خوفه واهتمامه بيه..