العروس في الثوب الاسود

تكمله

من هو هذا الرجل؟ وما هي حقيقه المرأة الصينيه وما هو الدور الذي يلعبه السيد غرانت... في الجزيرة ... وكيف انتهى الصراع الطويل المرير بين جين والرجل القوي؟

كملتها وضحكت ، هاي رسيل ومروان ، مو جين وغرانت ، بس الفرق اني انصدمت بيه بيت جدو مو بالمطار ضحكت ، وطلعت فتت للحماام توضيت وصليت ، جبت القران كعدت اقره صارلي هواي مقاريه .

بديت اقره وجريتها للسبعه الصبح باوعت مكمله خمس اجزاء، الله شلون شعور حلو وراحه نفسيه فعلا القران شفاء للصدر ، حسيته مثل الاسفنجه امتص الألم والغضب اللي بداخلي .

لميت السجادة ومددت والنومه نومه ماحسيت اله نور فوك راسي.

نور: كافي تسخت كومي يلا اليوم ايهم ياخذج تفتحون ايدج بلكت لاحمه .

رسيل: وين بعدلي اسبوع اقل شي ..

نور: امشي كومي بدلي بلكت مابيها شي حت اطلع قهر كلبي بيج اله اخذ اجازة اسبوع واخلي الشغل براسج.

رسيل: ماشي هههههه .

كمت غسلت وتوضيت ورحت صليت الظهر والعصر طبك لان راحت عليه،،بدلت ونزلت لكيت ايهم يشرب جاي ، هو ومدنك ، حجه

أيهم: روحي اكلي تأخرنه .

رسيل: ماشي ..
رحت صبيت تمن ومركه باميه مسوين مو كلش احبها صبيت بس المي وكعدت اكل ، ورة عشر دقايق اجه ايهم كال .

ايهم: كملتي ..

رسيل: اي بس اغسل ..

ايهم: يلا واكفلج بالباب .

طلع غسلت وطلعت وراه اريد اصعد شفت مروان جاي من بعيد يمشي وبصفه الجلب .

انتضره ايهم لحد ما وصل يمه .

مروان: ها وين ؟
يحجي ويمسد بيده للجلب .

أيهم: اودي رسيل علمود ايدها .

مروان: هممم

أيهم: محتاج شي

مروان: سلامتك ...

رفع ايده ومشى اباوع بالمرايا عليه يلعب ويه الجلب يرفع ايده ليفوك والجلب يكمزله .

صار بعيد علينه وصلنه لشارع العام ، وشغل ايهم المسجل مال سيارة طلعت اغنيه لهيثم يوسف اسمها

اسأل انا
خلصت الموسيقي وبده يغني أيهم وياه

أسال انا ياليل ودتنه دنيانا

أسال انا ياطير ينطينه جنحانه

جرحك حبيبي كبر طوله وي طول السفر

تعبت محطات العمر وداعها البجانه

أسئل حبيبي شوكت تجمعنه الولايات

غربه ودموع وسفر خلص عمرنا وفات

كافي يدنيا كافي كافي الم مو كافي