ဗီလိန်အားကယ်တင်ခြင်း(System)

Arc 3.10

ကျေးမူတစ်ယောက် သူ့ရဲ့စိတ်ကောက်နေတဲ့ပိုင်ပိုင်ကို အစွမ်းကုန်ချော့နေရသည်။

' ပိုင်ပိုင်လေးရေလို့ ငါကလေ နည်းနည်းလေးပဲပြောင်းလိုက်တာကိုနော် အမှတ်မဖြတ်ပါနဲ့လို့နော် ချစ်ဘူးလားလို့ဟင် '

[ ဂါးးး ရုပ်ကြမ်းကြီးနဲ့လာနွဲ့ပြမနေနဲ့ ဟွန့် ဒီတစ်ခါနောက်ဆုံးဖြစ်ပါစေ နောက်တစ်ခါဆိုရင်ကတော့ host ကိုလင်ပေးစားပြီးအခန်းထဲက ၇ရက်လောက်ထွက်မရအောင်လုပ်လိုက်မယ် ]

ပိုင်ပိုင်လေးရဲ့ ချိန်းခြောက်သံအဆုံး ကျေးမူသူ့ကိုယ်သူတောင်သတိမထားမိပဲ နောက်ပေါက်ကိုလက်နဲ့ပိတ်ထားမိသည်။

' အဟမ်း သိပါတယ်ကွာ မင်းကလဲ အခုလောလောဆယ်တော့ သျှမ်းကို ညစာစားပွဲလာအောင်လုပ်ရမယ် '

[ သူကလာမှာ ဇာတ်လိုက်တို့ရဲ့လှုပ်ရှားမှုတွေကိုခြေရာခံနေရတာမလို့ လာကိုလာမှာ ပြီးတော့ သျှမ်းကိုတကယ်ကြီး ရွှန်းနဲ့ပေးစားမလို့လား မတန်ဘူးနော် host ]

' ဟ မင်းကလဲ မူလကိုယ်ကသျှမ်းကြောင့််သေတာလေ '

[ ဗီလိန်လာသတ်သွားတာလေ သျှမ်းနဲ့မှမဆိုင်တာ ]

' ဗီလိန်ကအားတိုင်းလာသတ်နေမှာမဟုတ်ဘူးလေ သျှမ်းကအလုပ်အပ်လို့ သူကလုပ်ပေးလိုက်လို့အသတ်ခံရတာကို '

[ ထားပါ ဘာပဲ​ဖြစ်ဖြစ် သျှမ်းနဲ့ရွှန်းနဲ့မလိုက်ဘူး သျှမ်းက uke လေးဆိုတော့ seme ကြီးရှာပေးလိုက် ရွှန်းကတော့သူ့ထိုက်နဲ့သူကံဖြစ်ပါစေ လက်စားတွေချေမနေနဲ့]

' အဲ့တာဆို သျှမ်းကိုမင်းတာဝန်ယူလိုက် '

[ ဘာ! ]

' မဟုတ်ဘူးလေ ငါပြောတာက သျှမ်းကိုလင်ပေးစားဖို့မင်းတာဝန်ယူလိုက်လို့ပြောတာ ဟဲဟဲ '

..........................

ခန်းနားကြီးကျယ်လှတဲ့အိမ်ကြီးတစ်လုံး ထိုအိမ်တစ်ခုလုံးတွင်အမဲရောင်ဆေးတွေကအပြည့်အနှက်နေရာယူထားသည်။ ထိုအိမ်ရဲ့ပိုင်ရှင်ကဘယ်သူဘယ်ဝါဆိုတာ မည်သူမှမသိကြ။ ထိုအိမ်ရဲ့အမည်ကိုတော့ လူအများက မရဏစံအိမ်လို့ခေါ်ကြသည်။  လူအများရဲ့ပြောစကားအရ မရဏစံအိမ်ရဲ့ ပိုင်ရှင်ဟာ ရက်စက်ကြမ်းကြုတ်တယ်ဆိုတာပါပဲ။