Unicode
" ကျေးဇူးပါ မမိုး ကျွန်တော်ကို ကူညီပေးတဲ့အတွက် "
" မလိုတာ ဇေရယ်...မမိုးနဲ့ဇေက ပြောစရာလူတွေကြ
သြော်...ဒါနဲ့ ဘယ်နေ့လောက် ရွှေ့မလဲ...မမိုး
လာခဲ့ပေးမယ်လေ ။ ချစ် ကိုလည်းမတွေ့တာကြတော့
လွမ်းလှပြီ..."
" ခုလာမည့် Sunday လောက်ဖြစ်မယ်ထင်တယ် မမိုး ။
ကျွန်တော် ဒီတိုက်လေးကို တော်တော်သဘောကျတယ် ။
မမိုးတို့တွေနဲ့လည်းနီးတော့ ကျွန်တော်အလုပ်သွားရင်
ချစ်ကို လာအပ်လို့တော့ဖြစ်တယ်မလား "
" ဖြစ်တာပေါ့ရှင်...ဒါနဲ့ ဟိုဘက် တိုက်ကလူနဲ့တော့
သွားမပတ်သက်နဲ့ဇေ...အဲ့လူက မဖော်ရွေဘူး ။
အိမ်နီးချင်းဖြစ်တဲ့ မမိုးတို့နဲ့တောင် စကားမပြောဘူးသိလား။
မာနကလည်း ရှယ်ကြီး..."
မျက်နှာချင်းဆိုင် တိုက်နက်ကြီးအား လက်ညိုးထိုးကာ
အပြစ်ဆိုနေသော မမိုးကတော့ အရင်ကအတိုင်း
နဲနဲမှပင် မပြောင်းလဲ ။ မမိုးက ဇေတို့ လုပ်အားပေးသွားခဲ့တဲ့
နယ်ဘက်ကရွာလေးတစ်ရွာရဲ့ ကျောင်းအုပ်ဆရာမလေး
တစ်ဦးပင် ။ အပြောကောင်း သဘောကောင်းမို့
ခင်ခင်မင်မင်ရှိပြီး ဇေ့အား သူ့မောင်လေး တစ်ဦးကဲ့သို့ပင်
ချစ်ခင်သည် ။ ခုလည်း ကျောင်းဆရာမအလုပ်ကထွက်ကာ
ပြင်းဦးလွင်က သူ့ရဲ့ဘိုးဘွားပိုင် သစ်သီးခြံများအား ဦးစီးနေသည်ဟု အဆက်အသွယ်ရရင်း ပြောဖြစ်သည်မို့
ဇေ နေထိုင်ရန် အိမ်တစ်လုံး ရှာပေးဖို့ အကူအညီ
တောင်းခဲ့လေခြင်း ။ ဘယ်အချိန် ကြရောက်မလဲ
မသိတဲ့ အန္တရာယ်အတွက် သူကြိုတင်ပြင်ဆင်
ထားသင့်တယ်မလား ။
ဆေးရုံက သူတို့သားအဖအတွက် သီးသန့်အခန်းလေးအား
မစွန့်ခွာချင်ပေမယ့် ဇေမတတ်နိုင်ပါ ။ သားရဲ့ အသက်
အန္တရာယ်က ရှိသေးတယ်လေ ။ ထို့နောက် ဇေ အတွေးတွေကို
ခဏရပ်ကာ မမိုးအားပြုံးပြလိုက်ရင်း...
" မမိုးတော့ မရိုးဘူးနော်...ဟီး ဟီး "
" ဒီကောင်လေးနှယ်...ဒီကအကောင်း ပြောနေတာကိုကွယ် "
" အဲ့တိုက်က လူကိုသဘောကျနေတာမလား ။
သိတယ်နော် ဟင်း ဟင်း "
" အမလေးဇေရယ်...သဘောကျဖို့နေနေသာသာ
မတော်တဆ အကြည့်ချင်းဆုံမိရင်တောင်
ကိုယ့်အသက်ကို ကိုယ်ပြန်ကြည့်နေရတယ် ။ "
ВЫ ЧИТАЕТЕ
Villain(ဗီလိန္) (Completed)
Любовные романы" ဆေးလိပ်သောက်တတ်တဲ့ ဒေါက်တာကို ဆေးလိပ်မသောက်ဖို့ပြောနေရတာ ဒီကမ္ဘာမှာ ကိုယ်တစ်ယောက်သာ ရှိမယ်ထင်ပါရဲ့" start_13.6.2022🌿
