Unicode
" ပါးပါးကလည်း...ချစ်ကတိပေးတယ် ။
နောက် ပါးပါးမသိပဲ ဘယ်မှမသွားတော့ဘူးနော် "
" မင်းက မင်းဒယ်ဒီနဲ့တကြောထဲ!
အပြစ်တစ်ခု ကျူးလွန်တိုင်း ငါ့ကို ကတိပေးဖို့ပဲ
ငါ့ခံစားချက်ကြ နည်းနည်းမှကို အရေးမလုပ်ကြတာ "
ဒေါသမီးသည် ဦးတည်ချက်ပြောင်းသည်ထင်ပါရဲ့ ။
ဘာစကားမှ ၀င်မပြောပဲ ငြိမ်နေသည့် ဗီ့ထံ
မြှားဦးက လှည့်လာခဲ့ပြီ ။ ဗီလိန် ထိုအခန်းထဲကသာ
ထ ထွက်ပြေးချင်စိတ်တွေ ပေါက်လာ၏ ။
ဒေါက်တာဇေတို့ ရစ်မိသွားရင် လိုက်ကိုမမှီတော့ဘူးဆိုတာ
သူ ကောင်းကောင်းသိတာပေါ့ ။
တကယ်ဆို ချစ် Pilok ဘက်ခိုးထွက်သွားတဲ့
ကိစ္စကို သူ ဦးယံကို မညာခဲ့သင့် ။ ခုတော့...
အင်း ဖြစ်သမျှအကြောင်းခေါင်းတည်ပြီးရှင်းရမှာက
သူ့ကိစ္စဖြစ်သွားချေပြီ ။ နောက်များ ဘယ်ကိစ္စမှ
ဗီတို့ ဖုံးကွယ်မထားတော့ပါ ။ ခုတစ်ခါနဲ့တင်
တော်တော်ကို လုံလောက်ပါပြီ ။ နောက်များ ဦးယံမကြိုက်တာ
ရှောင်ဖို့ရာ သူ့မှာသာ တာဝန်ရှိ၏ ။
" မောင်ရှင်းပြပါ့မယ် ဦးယံရယ် ။
သားက ၁၆ပြည့်ပြီးပြီလေ ။
ကိုယ်တို့က နေရာတိုင်း ချုပ်ချယ်ဖို့မှ မသင့်တာ ။
သူလည်း ဆုံးဖြတ်နိုင်စွမ်းရှိနေပြီလေ "
" ဟုတ်ပါတယ် ပါးပါးရယ် ၊ ချစ်က ၁၆ပြည့်ပြီးပြီလေ
ချစ်ဆုံးဖြတ်နိုင်ပါပြီ "
ဗီ့ရဲ့စကားကို သံယောင်လိုက်ကာ
ထောက်ခံလာသည့် သားဖြစ်သူချစ်မ၀အား
ဇေ မျက်မှောင်ကျုံ့ကာ ကြည့်လိုက်ရင်း_
" ထွက်သွားကြ!!
အရာရာကို ပေါ့ပျက်ပျက်သဘောထားနေကြတာ ။
စေတနာကို စေတနာမှန်းမသိ သွားကြ
ငါ့အခန်းထဲ မလာကြနဲ့..."
" ဦးယံ မောင်ကလေ "
" သွားကြလို့..."
ဇေက ဒေါသထွက်စွာ အော်လိုက်တော့
နှစ်ယောက်သား ငြိမ်ကုတ်သွားကာ ဗီက_
" အင်းပါ အင်းပါ မောင်သွားပါ့မယ်နော် ။
ဟိုကောင်...လာ သွားမယ် "
" အား!!
နာတယ် ဒယ်ဒီရဲ့ "
ဗီ သည် ဆက်ခွန်ရဲ့ နားရွက်အား ဆွဲကာ
အခန်းအပြင်သို့ ထွက်လိုက်၏ ။
မဟုတ်လျှင် ဦးယံရဲ့ ဒေါသလှိုင်းသည်
သူ့အပေါ်သို့ မည်သို့မည်ပုံ
လှိုင်းထန်နေအုံးမည်ကမသိ ။
ခုတောင် နားထင်ကြောတွေ တင်းကားနေပြီ ။
တကယ် ဘယ်လိုချော့လို့ချော့ရမှန်းကို မသိတော့ဘူး ။
ESTÁS LEYENDO
Villain(ဗီလိန္) (Completed)
Romance" ဆေးလိပ်သောက်တတ်တဲ့ ဒေါက်တာကို ဆေးလိပ်မသောက်ဖို့ပြောနေရတာ ဒီကမ္ဘာမှာ ကိုယ်တစ်ယောက်သာ ရှိမယ်ထင်ပါရဲ့" start_13.6.2022🌿
