Unicode
" ကျွီး! "
ဒုန်းစိုင်းမောင်းနှင်လာတဲ့ကားက နေရာတစ်နေရာသို့
ထိုးရပ်ချလိုက်၏ ။ ကားပေါ်မှ ခက်ထန်သည့်
မျက်နှာပိုင်ရှင် ဗီလိန်သည် ကားပေါ်ကနေ
အမြန်ဆင်းလိုက်ကာ ဘေးဘီဝဲယာသို့ တစ်ချက်
လှည့်ကြည့်လိုက်သည် ။
" ဘာတွေ ဖြစ်ကုန်တာလဲ..."
ဗီ ခြေလှမ်းတွေ ထင့်သွား၏ ။
ဒါဟာ ဘယ်လိုဖြစ်ပျက်ခဲ့သလဲဆိုတာ ပြောစရာပင်
မလိုအောင် ရုပ်ပျက်ဆင်းပျက် သေဆုံးနေကြသူတွေက
အရှင်းသားပင်မလား ။
" ဒေး...ဟိုကောင်ရော "
" မသိဘူး..."
ဗီ့ရဲ့ အသံမှာ အနည်းငယ် တုန်ရင်နေသည် ။
ခြေလှမ်းတွေကလည်း ထိုနေရာမှ ဆက်လှမ်းဖို့ပင်မရဲ ။
ရင်တစ်ခုလုံး စို့တက်လာသလိုလို အမည်မသိတဲ့
လှိုက်တက်မှုက သူ့စိတ်ကို အောက်ဆုံးထိ ဆွဲချနေသလိုလို ။
တကယ် ခန့်မှန်းရခက်သည် ။
" အ...ကျွတ်! "
အရှေ့ဘက်တစ်နေရာမှ ညည်းညူသံသဲ့သဲ့ ။
ရတိ အာရုံစိုက်ကာ ထိုနေရာသို့ ခပ်ဖြည်းဖြည်း
တိုးကပ်သွားလိုက်၏ ။
သတိ ၀ီရိယ ရှိသင့်တယ်မလား...
" ဟင်...ကဓံ "
ရတိဘက်က စိုးရိမ်တကြီးဆိုလာသည့်စကားကြောင့်
ဗီသည် ရတိရှိရာနေရာစီသို့ ဦးတည်ကာ
ခြေလှမ်း ကြဲကြဲဖြင့် လျှောက်လာ၏ ။
ထို့အတူ မြင်လိုက်ရသည်က ကားဘေးတွင်
အရုပ်ကြိုးပျက် လဲနေသူနှင့် ကားကိုကျောမှီကာ
ထရန် ကြိုးစားနေသည့်သူ ။
" ကဓံ့!
ဘယ်လို..."
" ကလေးက ဟိုလူတွေနောက် ပါသွားတယ် ဒေး "
ဗီ့ဘက်က စကားပင်မဆုံးသေး ကဓံ့ဘက်က
ထွက်ကျလာသည့် အဆုံးအစမရှိသည့်စကား ။
" ဘာ!
ဘယ် ဘယ်သူ့နောက်လဲ..."
ကဓံ့ရဲ့ ပုခုံးကို ဆုပ်ကိုင်ကာ စိုးရိမ်တကြီး
မေးလာသည့် ဗီ့ရဲ့အသံမှာ အနည်းငယ်
ဒေါသသံစွက်သည် ။
မျက်နှာဟာလည်း သိသိသာသာတင်းမာလာကာ
နားထင်ကြောတွေပင် တင်းကားနေသည်ထိ ။
ကဓံ ခပ်ကြောင်ကြောင်သာ ငေးကြည့်နေမိ၏ ။
VOCÊ ESTÁ LENDO
Villain(ဗီလိန္) (Completed)
Romance" ဆေးလိပ်သောက်တတ်တဲ့ ဒေါက်တာကို ဆေးလိပ်မသောက်ဖို့ပြောနေရတာ ဒီကမ္ဘာမှာ ကိုယ်တစ်ယောက်သာ ရှိမယ်ထင်ပါရဲ့" start_13.6.2022🌿
