Unicode
ကလေးတစ်ယောက်ရဲ့လက်ကိုဆွဲကာ ပွဲခန်းမထဲ ၀င်လာတဲ့
အမျိုးသားတစ်ယောက်ရဲ့ အရှိန်အဝါမှာ ထင်းခနဲ ။
ကြည့်ရုံနှင့် အေးစက်တည်ကြည်နေတဲ့ ထိုအမျိုးသားရဲ့
မျက်လွှာထက်မှာ အပြုံးမမည်တဲ့ အပြုံးလေးတစ်ပွင့်က
ခပ်ယေးယေးပေါ်လွင်နေသည် ။ အများအမြင်မှာတော့
ထိုလူရဲ့ ချေမိုးနေတဲ့ မျက်နှာထားက လက်ဖြားခါ
ရလောက်တဲ့ အထိပင် အေးစက်တင်းမာနေသည် ။ သူတို့သတိမထားမိသည်ကထိုအမျိုးသားရဲ့
ဘေးက အကောင်ပေါက်လေးမျက်နှာထားကိုပင် ။
အပေါ်က လူနှင့်မခြား တင်းမာနေတဲ့
ထိုကလေးရဲ့ မျက်နှာ အရိပ်အကဲဟာလည်း တင်းမာမာ ။
" ဟဲ့...ဟိုမှာကြည့်စမ်း "
မျက်စပစ်ကာ ပြောလာတဲ့ အမျိုးသမီးရဲ့ စကားကို
တစ်ဖက်အမျိုးသမီးက သဘောပေါက်ဟန်ဖြင့်
လှည့်ကြည့်ကာ...
" Ohh!
Soo Cute!"
" Single Father များလား...တို့တော့ သူ့အကြောင်း
စုံးစမ်းမှ ဖြစ်တော့မယ် ။ "
" ဟဲ့...အဲတာက DLT ရဲ့ CEO ဒေး ဆိုတဲ့လူလေ
အရမ်းချေတာနော်...နောက်ပြီး သူကလူပျိုပါ
အဲ့ကလေးက ဘယ်ကပါလိမ့်..."
" I တော့ You တို့ပြောတာ ဂရုမစိုက်ပါ ။
ဒီပွဲလာရတာ သိပ်ကို ထိုက်တန်တာပဲ...အဆင်တွေအများကြီးလေ ။"
" တို့လည်း အဲ့တာတော့ ထောက်ခံတယ်ဟေ့ "
တစ်ဖက်ဝိုင်းအတွင်းမှ အမျိုးသမီးများရဲ့ တီတီတွတ်တွတ်စကားသံတွေအား
ဗီလိန်မကြားသလို လျစ်လျူရှုလိုက်၏ ။
မမြင်ဖူးသလို အထူးအဆန်းပုံစံများဖြင့် သူတို့အား ဝေ့၀ိုက်
ကြည့်နေသူများအား ဗီလိန် ခပ်မဲ့မဲ့ ပြုံးလိုက်ရင်း နှုတ်က
တိတ်တဆိတ် ရေရွတ်မိသည်မှာ...
" စိတ်ပျက်စရာတွေ..."
ထို့နောက် ဗီလိန်သည် မီးတောင်ငယ်လေးရဲ့ လက်ဖဝါး
သေးသေးလေးတွေအား ဆုပ်ကိုင်လိုက်ရင်း
ခင်ကျင်းထားတဲ့ ကောဇောနီထက်ဝယ် ခန့်ညားထည်ဝါစွာ
လျှောက်လှမ်းနေခဲ့ရင်း သူငယ်ချင်းဖြစ်သူအား
ဝေ့ဝိုက်ရှာလိုက်မိ၏ ။
ဒီကောင်တွေ ဘယ်တွေများ ရောက်နေပါလိမ့် ။
" ဗိုက်ဆာနေပြီလား ချစ်.."
YOU ARE READING
Villain(ဗီလိန္) (Completed)
Romance" ဆေးလိပ်သောက်တတ်တဲ့ ဒေါက်တာကို ဆေးလိပ်မသောက်ဖို့ပြောနေရတာ ဒီကမ္ဘာမှာ ကိုယ်တစ်ယောက်သာ ရှိမယ်ထင်ပါရဲ့" start_13.6.2022🌿
