Unicode
Zawgyi
' ဗီ...ကယ်ပါ '
စိတ်ထဲ ရေရွတ်နေမိသည်မှာ ထိုနာမ်စားတစ်ခုပင် ။
>>>>>>>>>>>>
" ကျွတ်!
ဆေးရုံကို ဖုန်ဆက်ကြည့်တော့လည်း ပြန်သွားတာ ကြာပြီတဲ့!
တောက်စ်...ဘယ်တွေရောက်နေတာလဲကွာ!
လူကို ရူးအောင်လုပ်နေတယ်..."
လမ်းအကွေ့အ၀ိုက်တွေကို ကျော်ဖြတ်ကာ ကားအားနှေးကွေးစွာ မောင်းနေခိုက် မျက်လုံးထဲ ရိပ်ရိပ် ရိပ်ရိပ် မြင်လိုက်ရတဲ့ ကားဖြူလေးကြောင့် ဗီလိန် ကားကို အရှိန်ခနသပ်လိုက်သည် ။ နောက်ပြီး ထိုကားအဖြူလေးနားမှာ
ရစ်သီ ရစ်သီ လုပ်နေတဲ့လူသုံးယောက်မျှကိုလည်း ဗီလိန်
တစ်ဆက်တည်းမြင်လိုက်ရ၍ အံကိုခပ်တင်းတင်းကြိတ်ကာ
နားထင်ကြောတွေ တင်းကားနေအောင်ထိ
မျက်ခုံးကို တွန့်ကွေးနေအောင် ကြုတ်ချလိုက်မိသည် ။
'ဒါဟာ ဘယ်လို အခြေအနေမျိုးလဲ!'
ပတ်ဝန်းကျင်တစ်ခုလုံး အမှောင်ထု ဖုံးလွှမ်းနေသည်မို့
အရာရာကို ကောင်းကောင်းမမြင်ရပေမယ့် ထိုကားဖြူလေး
ကိုတော့ သူတန်းပြီး မျက်မှန်းတမ်းမိသည် ။
နှစ်ယောက်မရှိ သူ့ပျော်ရွှင်ခြင်းလေးရဲ့ ကားဆိုတာ ။
သို့ပေမဲ့ ထိုကားအနားမှာ ရစ်သီရစ်သီ လုပ်နေတဲ့
လူတစ်ချို့ကြောင့် ဗီလိန် ကားစတီယာတိုင်ကို
လက်နှစ်ဖက်ဖြင့် တင်းကြပ်စွာ ဆုပ်ကိုင်လိုက်ပြီး
တတ် တစ်ချက်ပြင်းပြင်း ခေါက်လိုက်မိသည် ။
တောက်စ်!!!
" ရာရာစစ ငါ့လူကိုများ..."
ဗီလိန် ပါးစောင်ကို လျှာထိုးသွင်းလိုက်ရင်း ခပ်မဲ့မဲ့ပြုံးလိုက်ကာ
ကားကို မိုင်ကုန်အရှိန်မြှင့်လိုက်သည် ။
အရင်က ပဟေဋိဆန်တဲ့ မျက်ဝန်းနက်တွေအစား
မာကြောခက်ထန်လှတဲ့ အနီရောင် မျက်ဝန်းတစ်ဆုံဟာ
မီးတောက်များသဖွယ် တဟုန်းဟုန်း ။
"မထိသင့်မှန်း ၊ ထိသင့်မှန်းမသိ အဲ့လို လက်ရဲဇက်ရဲ
နိုင်တဲ့လူတွေလောက် သတ်ပစ်ချင်စရာကောင်းတာမရှိဘူး!!!"
ဗီလိန် ကားကို ထိုလူတွေအနားသို့ ဒုန်းဆိုင်းမောင်းဖို့
ပြင်လိုက်တုန်း ရုတ်တရက် အပေါ်ကို မြှောက်ဝေ့လိုက်သော ထိုလူသုံးယောက်ထဲမှ တစ်ယောက်ရဲ့ လက်တစ်စုံ ။
သေချာတာက ကားမှန်ကို ဦးတည်ကာ ရိုက်ဖို့
ပြင်နေတဲ့ထိုလက် ။ ဗီလိန် ဒေါသထွက်သည်ထက်ပို၍
ထိုလူတွေအား ကားဖြင့် ညက်ညက်ကြေအောင် တိုက်သတ်
ပစ်လိုက်ချင်သည်အထိ ။
BẠN ĐANG ĐỌC
Villain(ဗီလိန္) (Completed)
Lãng mạn" ဆေးလိပ်သောက်တတ်တဲ့ ဒေါက်တာကို ဆေးလိပ်မသောက်ဖို့ပြောနေရတာ ဒီကမ္ဘာမှာ ကိုယ်တစ်ယောက်သာ ရှိမယ်ထင်ပါရဲ့" start_13.6.2022🌿
