Unicode
" အခြေအနေက စိုးရိမ်စရာ မရှိတော့ဘူး ဗီလိန် ၊
ဒါပေမဲ့ ဒီရက်ပိုင်း အနားယူရမယ်နော် ၊ လိုအပ်တဲ့
ဆေးတွေကတော့ ဇေ စီစဉ်ပေးလိမ့်မယ် "
" ဟုတ်...ဒါနဲ့ "
အခန်းအတွင်း ဝေ့ဝိုက်ရှာနေသူအား ရတိ ခါးထောက်ခါ
သက်ပြင်း ချလိုက်ပြီး...
" ဒီမှာ ဒေး!
ငါတို့ကို ရှိရဲ့လားလို့ထင်သေးရဲ့လားဟမ် ၊
အဲ့မျက်လုံးကြီး နှစ်လုံးပွင့်ကတည်းက ဦးယံ ဦးယံ နဲ့
တကယ်...အမြင်ကပ်ဖို့ကောင်းတယ် "
ရတိ စိတ်မရှည်စွာဖြင့် ကုတင်ပေါ်က ဗီ့အား
လက်ညိုးထိုးကာ ခပ်ဆတ်ဆတ် ဆိုလိုက်သည် ။
ဟုတ်တယ်လေ ။ သတိရလာပြီဆိုကတည်းက
လာကြည့်တဲ့သူတိုင်း ဦးယံ ဘယ်မှာလဲပဲမေးနေတာ ။ သူငယ်ချင်းဖြစ်တဲ့ သူတို့ကိုတောင် သူ့စိတ်ထဲရှိတယ်လို့ ထင်မှာမဟုတ်ဘူး ။တကယ်ပဲ စိတ်တိုဖို့ကောင်းတဲ့ ကောင် ။
" အစ်ကိုဇေက မင်း စသတိရကတည်းက ရှိနေတာပါ ။
မင်းလုံးလုံးသတိရကာမှ ငါတို့ကို လာခေါ်ပြီး
ထွက်သွားတာ ။ နောက်ပြီး မျက်နှာလည်း သိပ်မကောင်း... "
" ဒက်ဒီကို စိတ်ဆိုးနေတာ "
လှစ်ခနဲ ထွက်လာသည့် ချစ်မ၀လေးစကားကြောင့်
အားလုံး မျက်လုံးအပြူးသားဖြစ်သွား၏ ။
" ပါးပါးက ဒက်ဒီ နေမကောင်းကတည်းက နေ့တိုင်း
ဒက်ဒီအနားမှာပဲ ငိုနေတာလေ...ဟွန်း တကယ်တော့
ပါးပါးက သိပ်သနားဖို့ကောင်းတာ ဒက်ဒီ "
ဗီ့မျက်နှာလေး ရုတ်ချည်းညှိုးသွား၏ ။
ဘေးကကြည့်နေသည့် ရတိကတော့ မျက်စောင်းတထိုးထိုးနှင့်ပင် ။
ထို့အတူ ဆေးဗူးနှင့်အပေါက်ခံရသည့် ကဓံကတော့
အသက်မပါသည့် အပြုံးနှင့်ပင် ။
မသိရင် သူ့ပါးပါးကပဲ အမှန်...
" ခေါ်ပေးပါ့လား ရတိ ငါသူ့ကို အရမ်းတွေ့ချင်နေလို့ "
ရတိ သွေးပင် တက်ချင်သွားသည် ။
" ဘာလဲ ဒီမှာ ခေါင်းပေါက်ထားတဲ့ ဒဏ်ရာတောင်
မကျက်သေးဘူး နောက်ထပ် ဒဏ်ရာသွားယူအုံးဆိုတဲ့
သဘောလားဟမ်! "
ESTÁS LEYENDO
Villain(ဗီလိန္) (Completed)
Romance" ဆေးလိပ်သောက်တတ်တဲ့ ဒေါက်တာကို ဆေးလိပ်မသောက်ဖို့ပြောနေရတာ ဒီကမ္ဘာမှာ ကိုယ်တစ်ယောက်သာ ရှိမယ်ထင်ပါရဲ့" start_13.6.2022🌿
