Even Replace ( Completed )

Ep - 27

ရှန့်ကုန်း သူနဲ့ ကိုကြီး လည်း ရိပေါ် တို့ ထိုင်တဲ့ စားပွဲနဲ့ တစ်ဝိုင်းကျော်နားမှာ ထိုင်လိုက်ကြသည်။ သူကသာ နှုတ်ကနေ ဝမ်ရိပေါ် လို့ အသံထွက်သွားပေမယ့် ဝမ်ရိပေါ်က သူ့ကို တစ်ချက်ပဲ ကြည့်ပြီး သူ့လက်ပေါ်က ကလေးဆီကိုပဲ ပြန်ဂရုစိုက်နေပါတယ်။

' အသိတွေလား ...'

ရှန့်ကုန်း ရေခွက်ထဲ ရေထည့်ပြီး သူ့ကို လှမ်းပေးလာတဲ့ ကိုကြီး ကို ပြုံးကြည့်လိုက်ပြီး ...

' ကျောင်းတက်တုန်းက အသိတွေပါ။ မတွေ့တာ ကြာသွားတော့ ကျနော့်ကို မမှတ်မိတော့လို့ထင်တယ်။ အဲ့ဒါကြောင့် ပြန်မနှုတ်ဆက်တာ။ အဟင်းးးး ...'

' အင်း။ ဒါဆိုလည်း နောက်တွေ့လည်း နှုတ်မဆက်နဲ့တော့လေ။ သူ့ပုံစံက ကြည့်ရတာ အချိုးမပြေဘူး။ မာန အရမ်းကြီးမယ့်ပုံနဲ့။'

ရှန့်ကုန်း ကိုကြီးသာ ဝမ်ရိပေါ်က သူ့ကို အရမ်းချစ်ခဲ့မှန်း သိရင် ခုလို ပြောမှာ မဟုတ်ဘူးဆိုတာကိုတော့ စိတ်ထဲမှာပဲ ပြောဖြစ်လိုက်ပါသည်။

' ဟုတ်။ နောက်ဆို လမ်းတွေ့ရင်တောင် နှုတ်မဆက်တော့ဘူး။'

' အင်း။ ဒါမှမဟုတ် ဆိုင် ပြောင်းလိုက်မလား။'

' အာ ... မပြောင်းတော့ဘူး။ ကိုကြီး ဗိုက်ဆာနေပြီမလား။ ကျနော်တို့ ဆက်ဆံရေးက ခုလို တွေ့ရင် တစ်ယောက်ယောက်က ရှောင်ထွက်သွားရတဲ့ထိ လိုအပ်တဲ့ ဆက်ဆံရေး မဟုတ်ခဲ့ပါဘူး။'

' အင်း ဒါဆိုလည်း သဘောပဲ။'

~~~~~~~~~~~~

ရိပေါ် သူတို့မှာထားတဲ့ ဟော့ပေါ့ ရလာတော့ အချိုပဲ လုပ်လာပေးတဲ့ အကန့်မှာ ရှောင်း အတွက် နည်းနည်း ဖယ်ပေးပြီး အစပ် စပ်ပေးလိုက်သည်။

' ရှောင်း ... မင်း အစပ် စားမှာမလား။'

' မစားချင်တော့ဘူး။ မင်းပဲ စားတော့။ ကလေးကို ငါ့ကို ပေး။'

ရိပေါ် ပြောလည်း ပြော သူ့ အနား ထ လာပြီး ကလေးကို ခေါ်သွားလိုက်တဲ့ ရှောင်းကြောင့် ခုန ရှန့်ကုန်း သူ့နာမည် ခေါ်လိုက်တာကြောင့် ဖြစ်မယ်ဆိုတာ သိလိုက်သည်။

အဲ့ဒါကြောင့်မို့ သူ ရှန့်ကုန်း ကို ပြန်တောင် မနှုတ်ဆက်ခဲ့ပါ။ ပြီးတော့ ဟိုကလည်း သူ့အမျိုးသားနဲ့ လာတာပဲဟာကို။ စိတ်ကလည်း ကောက်လွယ်လိုက်တာ။