الهَواجس

الحـلقة الثـالثة عشر

الكـاتبة شهـد 🖤

نحـــــــن العراقيون
حين نُعبّر عن شيٍء ما نقول
" يرد الروحــ "
نحـــنُ نعيش بوصفنا أمواتًا

____________________________

رونـد

اجه اتصال لحمزة طلع بعد مگالي..

"حضري نفسج والبسي سيت النوم الأسود "

گلبت وجهي من سوالفه متأكدة ماراح يتقرب مني مجرد كلام عباله اخاف منه ..
سمعت نغمة الرسائل بموبايلي توقعت صديقتي اجيت فتحت الموبايل وشفت الي نشف الدم بجسمي..

ايد مشرحة بموس ومكتوب اسمي بيها رجفة سرت بجسمي كله خوف ورعب مريت بيه جمدني..

انفتحت الباب وحمزة يحجي وياي واني جسمي بمكان وعقلي وروحي بمكان ثاني والرجفة لازمتني انتبه حمزة لوضعي ..

-روند شبيج
-الو شبيج لج داحاجيج

شافني مارديت عليه سحب الموبايل من ايدي وبهت من المنظر الي شافه وضل دقايق صافن بوجهي واني كذالك ماعرف شنو اگول او شنو اتصرف ..

-منو هذا

-ماعرف

-يعني مجرح نفسه وكاتب اسمج ومتعرفي منو

-اي

-گومي جيبي وصلة مال مسح وتعاي

باوعتله مستغربة منه شبيه هذا ..

-اي شبيج حتى تلمعين الگرون مالتي

رغم الوضع الي يخوف ضحكت بخفة وهزيت راسي على سوالفه ..

گعد ع الجرباية بصفي وموبايلي بأيده دخل للبرامج كلها فتشها ورجع للفيس الي اجت منه الرسالة فتح الحساب الي وصلتني منه حساب وهمي وانقفل اول مافتحت الرسالة..

رجع يباوعلي وهو قريب مني عيونه تتنقل من عيوني لشفايفي انحرجت من الوضع نزلت راسي بسرعة ..

نطق بهدوء -رفعي راسچ

مارديت عليه مد ايده رفع راسي تجنبت اباوع لوجهه شتت نظري عنه بكل الغرفة عيني تتجول..

-عينچ بعيني لا تتحاقرين..

عگدت حاجبي و وجهت نظري اله

-ما متح...

قطع كلامي باسني بهدوء حطيت ايدي على صدره اريد ادفعه لزم ايدي والأيد الثانية على خصري يسحبني عليه بقوة ومستمر يوزع بوساته على شفايفي حسيت نفسي انقطع لأن كاتمته ولسه التفاجأ من تصرفه مبين عليه..

ابتعد عن شفايفي ولسه حاضني من خصري ومقربني منه انفه يطخ بأنفي يتنفس بسرعة -فتحيه لحلگج انطيني مجال اتصرف بيه براحتي..

فتحت عيوني بصدمة من كلامه شگد سخيف لعد

-شبيچ ضيعتي بين حلگچ وعيونچ