الهَواجس

الحـلقة الثـالثة والأربعون

أنتِ التفرد بينهُن من قال أنكِ مثلهن

تصويت +تعليق+اضافة للحساب حبايب 🖤____________________________

روند

خفق گلبي بجنون واني اسمع هالجملة وعقلي بدأ يحلل من كيفه النفس ضاق بصدري واني افكر شنو الي ممكن يكون بينهم..

ثواني بس ثواني كانت كفيلة تخليني احرك رجليني وانزل منسحبة واني اسمع صوت ضربة قوية من داخل الغرفة روحي شاغت عبالك الضربة أليه معقول ضربها؟
وليش نزلت الدرج اركض اخاف يطلع ويشوفني ويرجع عليه فتحت باب غرفتي ودخلت الها بدون طلعة خلصت النهار بداخلها...

"التفكير الزائد هو القاتل الأول للسعادة"

اسمع حركتهم بره بس ماعندي الجرأة اطلع و اواجه معقولة اني مخدوعة بمصعب مد ايده عليها وضربها يعني راح يجي يوم ويضربني وكل الي عشته راح ينعاد وعلاقته ويه جيهان اكيد بينهم شي مستحيل تهدده بدون سبب يعني اكو شي بينهم يارب لا تختبرني بمصعب اختبرتني بصحتي واهلي و زواجي الا مصعب يا الهي لا تختبرني بيه احس نفسي هالمرة اذا خسرت مصعب ماراح اگدر اكمل حياتي..

طحنت نفسي بالتفكير لدرجة احس نفسي عشت الأحداث كلها ليگدام تركته وانفصلنا وتدمرت حياتي كل هالأفكار واني گاعدة بغرفتي ما تحركت فجأة اندگ الباب بخفة مرة ومرتين وثلاثة ما رديت اعرفه هو الي بره اخر شي صاح بصوت عالي ويه الدگه..

-روند بيچ شي؟

استمريت بالسكوت وعقلي فصل عن كل شي غير جملتها ترن بأذني بس رجع يدفع الباب بقوة حسيتها راح تنكسر..

-روند راح اكسر الباب

-اجيت لا تكسره

تحركت بسرعة فتحت الباب و هو صافن بوجهي عاقد حاجبه مستغرب عدم فتحي للباب تجاهلته ودخلت للغرفة واضحة حركتي اريده يدخل و هو فهمها ودخل وقفل الباب وراه فوواً بدأ هو الكلام...

-شنو هالحركة الي ما الها اي داعي

باوعتله بحدة -اكو اشياء اريد تشرحلي ياها

-افهمچ ياها ع الراديو لازم من البداية واجهي حركة قفل الباب وتخليني اضرب اخماس بأسداس خاف صارلچ شي بطليها...

-تعال اكفخني راشدي مو احسن...

انكمشت على نفسي من شفته تقرب مني بسرعة لزم حنچي بقوة وتقرب طبع بوسة على خدي وانسحب ضليت صافنة بوجهه مثل الثولة بلعت ريقي وجسمي كزبر من هالبوسة البسيطة بس ماخليت هالمشاعر تسيطر عليه اخذت نفس وگلت...

-اريد اعرف كل شي

-مثل شنو

-مثلاً جيهان

بينت عليه ملامح الصدمة التفت مبعد نضره عني يحك طرف أنفه رجع باوعلي ونطق بهدوء..

-شبيها