الهَواجس

الحـلقة الخـامسة والثـلاثون

الكـاتبة شهـد 🖤

أحببتُكَ و أنا أعلمُ أنكَ لست لي ! كُنتُ أخشى أن أتعلقَ بِك ولكن ! تعلقتُ بِكَ بالفعل حنيني إليكَ يقتلني لماذا أحببتُك ؟ لآ أعرفُ الإجابه ! إن قلبي إختاركَ لتكون المالكَ الوحيد له سأكتفي بكَ حُلماً لأن واقعكَ ليس لي ! و واقعي مرَ بدونك وفي النهايه ! سأغارُ عليكَ و أُحبُكَ و أنت لستَ لي .

____________________________

روند

تيبست بمكاني ونشف الدم بجسمي واني عيني على باب البيت شلون تنفتح ويطلع منها غيث..

رجعت عيوني على مصعب الي انتبه بسرعة عليه شلون اباوع للجهتين عيوني غورگت انتهيت خلص انكشفت مابيها مجال..

بلحظة ركض مصعب اليه واني من الرعب متسمرة بمكاني واباوع لغيث الي واكف بالباب ولسه ما انتبه للمكان الي واگفة بيه عينه بموبايله..

بسرعة وگف مصعب مغطنيني عنه بحيث ما يگدر يشوفني الا اذا يتقرب مني ضهر مصعب صار اليه و وجهه لغيث بدون ما يخاف او يتوتر حسدته على هالشخصية القوية الي عنده وسرعة البديهة الي يمتلكها بسرعة يعرف يتصرف ما يوگفه شي وما يهتم ..

نطق بـ برود وعينه على غيث و شوية عينه ع الطريق وگال..

-ارجعي للسيارة

رديت والخوف متملكني -خاف يشوفني مصعب فدوة

باوعلي بطرف عينه -راح يشوف ضهرچ امشي ارجعي اني وراچ

هزيت راسي ما مقتنعة بس ماعندي غير حل لازم انفذ كلامه رجعت بخطوات سريعة للسيارة بدون ما اباوع للخلف او حتى اشوف مصعب اجه وراي..
فتحت باب السيارة وصعدت منزلة راسي بين رجليني نسيت السيارة مضللة وما راح يشوفني من الخوف كل شي طار من راسي ..

دقايق واجه مصعب فتح الباب وگعد بمكانه بمقعد السايق ويباوعلي من المراية..

-اخذچ افرچ شوية بالسيارة

عقدت حاجبي ورديت بعصبية وقهر..

-اني بيا حال وتريد تفرني صدگ تحچي

رد بـ برود نرفزني اكثر ..

-انا بيا حال والدفان يغمزلي

فرفحت اكثر و هو يغمز و مرتاح حقه مو هو الي اذا انكشف ينذبح من القهر صكيت سنوني ورفعت اديني اضرب بيه باكتافه من ورا و هو يضحك بكل دم بارد ما مهتم للضرب مالتي قبل ما ابعد ايدي منه سحبها بسرعة طابع بوسات متفرقة عليها وگال..

-لا تخافين اني هنا حبيبي..

هزيت راسي عيونه بعيوني الابتسامة الى بوجهه تجبرني استرخي و ارتاح حتى لو كنت بأصعب موقف بالحياة ترك ايدي والتفت على باب البيت مالتنا الي لسه غيث متوسطه والموبايل بأيده فجأة اجتني لحظة ادراك وصحت..