الهَواجس

الحـلقة التـاسعة عشـر

الكـاتبة شهـد 🖤

مع امرأة مسكونة بالحدس مثلي يولد الحب مكللاً بالفراق....

____________________________

حمزة

طلعت روند من المطبخ واني عيني وراها دائماً تصرفاتي وياها احاول اخليها طبيعية واخليها تتعود على وجودي بحياتها اتقرب منها بالتدريج ماريد اضلمها وياي..

صح الحب ما موجود بينا بس ماريد اخليها تحس بنقص اكثر من الي حسته قبل ..

احياناً ما اسيطر على نفسي واحاول اتقرب منها مجرد رغبة مو اكثر بحكم علاقتي ويه الينا كانت جسدية علاقة كاملة قبل الزواج وهذا الي زاد اصراري على الزواج منها هي كانت مقتنعة بهالشي وبأرادتها وبطلب منها...

فكرة تاخذ فكرة واني على نفس الوگفة الينا الي طالعة من الصبح واتصل وما ترد وقصة رقية الي خلتني انسى هالشي ...

طلعت من افكاري على رنة الموبايل بجيبي وكل فكري الينا الي اتصلت انتبهت ع الرقم رقم غريب ما اعرفه..

اول ما فتحت خط اجاني صوت شخص غريب اول مرة اسمعه وهو يگول...

-مرحباً استاذ حمزة..

-مراحب تفضل

-اني احب ادخل بالمفيد ماحب الحچي الزايد

-ويعني المطلوب مني شنو اصفگلك؟

-بنت عمك عندي

تصلب جسمي ضغطت على الموبايل بقوة ورديت..

-منو انت وليش خطفتها

-اريد مقابل

-شگد

-عين خضرة

حچيت بتوتر -مافهمت شنو عين خضرة

-مرتك

صعد الدم لراسي وهو يحچي بـ برود صحت بصوت عالي وتمنيت لو هو گدامي واطلع نار گلبي بيه...

-انننت نفسكك الي تراسل وتدز صور موو والله اشرب من دمك وانعل سلالتك واحد واحد ياك***

-تؤ تؤ اعصابك حمزة باشا اعصابك

-رجلي*****وب*****يا****

-هسه تفشر تغلط تضرب راسك بالحايط ما يهمني احچيلك الي يهمني شنو؟

سكتت اتنفس بقوة وما جاوبت روحي لايبة متمني يصير بأيدي رجع حچه بأستفزاز..

-اسبوع واحد المهلة تجيني روند للمكان الي اقرره غير هالشي كل يوم تلگون بالباب مال البيت عضو من اعضاء بنتكم لحد ما اخليكم تجمعونها تجمع وها شي ثاني دير بالك تفكر تلعب وتتشاطر بالشرطة والدولة وهالسوالف اني الدولة واني الشرطة واني الشعب... استودعناك حبيبنا الغالي...

سد التليفون بوجهي الدم يغلي بجسمي احس نفسي واگف على سچاچين وصوت واحد يصيح براسي هي تدري هي مخططة وياه هي تعرفه...