الهَواجس

الحـلقة الثـالثة والثلاثـون

الكـاتبة شهـد 🖤

"أودُّ لو أنسى هذا العالم
‏وأتلاشى
‏كموسيقى بدأت بقوةٍ
‏ثُم أنتهت
‏بترنيمة هادئة."

____________________________

روند

دائماً الحياة تلعب لعبتها وياي لعبة تحتاج قوة ومحاربة وانا ماعندي هالصفتين ابداً..

فاتحة عيوني بصدمة اباوع لبابا وغيث شلون فتحوا الباب وفاتوا من الصدمة دفنت راسي كاتمة صراخي بصدره واني اگول...

-قفلووو البااااب مصعب قفلوهااا..

يمسح بخفة على راسي يتنهد بصوت مسموع ويهمس..

-اشش لاتخافين اني موجود ما اخلي احد يأذيچ

رغم ضل كل شوية يگلي كلمة تهديني بس ضليت ارجع الخوف متلبسني شلون افوت وشلون اذا حسو بغيابي وشلون اذا انتبهوا من ادخل الف فكرة اجت بـ بالي..

مرت ربع ساعة تقريباً ومصعب ما يقبل ننزل مادري شنو منتضر لحد ما مليت من الوضع وحچيت..

-متتحرك شبيك الا تخليهم يكشفوني يعني..

-مدلي راسه گبال وجهي وگال ..

-هاچ اصفگيني راشدي حتى ترتاحين

-ما حچيت شي ترا شبيك

عض شفته وهز راسه متحلف..

-بس لو ما الوضع الي انتِ بيه چان هسه عرفت شسوي بيچ..

درت وجهي عنه صخنت من نضراته اخذ فترة خمس دقايق وگال..

-يلا حبيبي انزلي

التفت عليه شفته نازل وفاتح الباب...

-وين انزل

-للعلوية تسويلنه حرز لحبنا

عقدت حاجبي واحد صافن بوجه الثاني لا هو حچه ولا اني نزلت واني اتأفأف..
امشي گدامه واسولف ويه نفسي ما عبالي يسمعني..

-هسه انت شجابك حظي اجيتني تركض ما مصدگ

-سمعتچ ولچ شلون تريدني ارجع للسيارة واخليها وحدها

التفتت عليه بسرعة ورفعت اصبعي بوجهه..

-مصعب لا تهدد مثل ما ورطتني تخلصني..

-هاي اصبعچ ليش هيچ

باوعت على اصبعي وگلت ..

-شبيه

-اعوج

-يااا

-دمشي مخلصتها عليه يااا ويااا

خزرته والتفتت اكمل مشي عبرت الشارع بسرعة واني عيوني هنا وهنا اخاف اشوف احد و هو ماخذ خطوات بعيدة شوية عني لحد ما وصلت لـ باب البيت مقفول همست بعصبية واني عيوني بعيونه..

-يلا حلها شلون افوت هسه

باوع ع الجهتين قرب وجهه مني ونطق..