الهَواجس

اقتـباس مستقـبلي

گاعدة بالصالة و عيوني گوة فاتحتها ريموت التلفزيون بأيدي اگلب بيه احاول اضيع النعسة الي جايتني اخر شي مليت رفعت رجليني ع الطبلة الي گدامي اريحهن لأن متورمات واعصابي تلفت واني منتضرته...

الساعة عبرت الـ 12 و هو ماكو صح تعودت بهاليوم يتأخر بس ما اگدر بعد كل شي صار القلق صار مرافقني بكل خطوة بحياتنا..

شوية و حسيت صوت المفتاح صار بالباب وحركة برا عرفته اجه جريت نفس وابتسمت واخيراً هسه ارتاحيت بوجوده..

ضليت گاعدة بمكاني ما تحركت ومتمددة دخل هو شافني بهالوضعية ابتسم وبدأ يغني ويتقرب مني..

-وانتِ يالـ چنچ بطة ويلاد عمچ ورطة يخوفون چنهم شرطة واني الفقير النازك كل عمري ما متعارك حبيني هالگد هالگد حبيني ما گُل لحد وان چان اهلچ سألوچ گليلهم بس هو..

وصل يمي دنگ على راسي وباسني ونزل على بطني باسها حچيت بهدوء واني تايهة بملامحه..

-هاي انت تخاف من ويلاد عمي على گولتك..

-اي اخاف اصلاً شوفي حتى **** رجف بس ذكرتيهم

لميت شفتي لداخل حلگي حتى ما اضحك على سوالفه گعد بصفي حاضني حطيت راسي على كتفه ارتاح شوية حتى ابدي بأسطوانة كل يوم ...

____________________________

شلونهم الحلوين 🥺🖤

اسفة اذا عبالكم بارت بس حبيت اعوضكم بهالتغشوشة علما ينزل البارت 🌚💖

شلونها بالله احزروا لأي ثنائي الاقتباس حاولت اخفيهم بس واضحين من الجمال والحنية 🥺🖤🖤