الهَواجس

الحـلقة الثـالثة والعشـرين

الكاتـبة شهـد 🖤

غريبٌ قلب الإنسان، يمكنه أن يكون حزيناً لأنه استطاع أن يكون سعيداً دون الذين يحبهم. 

-ليالي درويش.

____________________________

رونـد

موگف السيارة على جهة حاط راسه ع الستيرن مال السيارة ويتنفس بقوة مرت فترة طويلة وهو على نفس الوضعية لحد ما التفت عليه بسرعة لزگت نفسي بالباب من الخوف توقعت يصيح او يغلط ممكن يضرب كل شي توقعته الا الشي الي سواه...

نزل من مقعد السايق والتف ورا فتح الباب وگعد يمي كزبر جسمي كله ورجفت من حط راسه على رجليني ويهمس..

-يا نور عيوني انتِ

-الله يخليك وخر عني..

بسرعة شال راسه من حضني هز راسه واردف..

-كل شي تريديه يصير ماكو داعي تترجيني ماشي؟

هزيت راسي بخفة ودرت وجهي عنه للشباك ولسه احس نضراته تحرگ وجهي..

شوية وايده نمدت لوجهي لمس خدي گمزت بسرعة وصحت..

-لاااا تلمسسننيي

-اسف اسف اخر مرة ماگدرت اسيطر على نفسي..

ثواني وفتح باب السيارة ونزل رجع لمقعده وبدأ يسوق بالسيارة حطيت راسي ع الجامة ومن حركة السيارة والتعب أثر عليه نمت بدون ما ادري بنفسي..

ماعرف شگد مدة مرت عليه واني نايمة حسيت عليه واگف بـ باب السيارة ويلگزني بأيده ويهمس..

-روند ...أبوية انتِ گعدي وصلنا

فتحت عيوني فزيت من شفته قريب مني عيونه تتجول بوجهي رجعت ليورا صاح ..

-الله الله على كيفچ ما اكل بشر يبه

-صح متاكل بشر بس تغتصب

رفع ايده فرك المنطقة الي بين عيونه بتعب وجر نفس وگال..

-لسان طويل وعيون حلوة شرايد من الله بعد

ضحك بخفة ورجع باوعلي ..

-يلا انزلي حتى ترتاحين شوية ..

نزلت بدون ما اجادله احس خلصت طاقتي ما اعرف شنو منتظرني وياه ..

تعب..عذاب..هم..ويمكن ضرب كل شي ممكن اتوقع بس اريد ارتاح اريد احس نفسي روند القديمة القوية الي تگدر ترد بدون خوف وحالياً بهاللحظة فقدت روند القديمة ولازم ترجع..

نزلت من السيارة تجولت عيني ع المكان الي اني بيه..
يأسر القلب من جماله بستان كلش چبير اشجار عالية ومن كل الانواع كل الفواكه الي يشتهيها الواحد موجودة...

ضليت فترة اتأمل بيه لحد ما هو قطع صفنتي ..

-هنا الجنة مالتي وهسه اكتملت بوجود الحورية تعرفين ماكو جنة بدون حورية...