قصتنا تبتدي من حاره في جنوب المملكه...
في بيت ابو محمد::،
ابو محمد بصوت عالي: مممممممحححمممد!!
محمد:لبيه يبه سم وش فيه؟
ابو محمد: شوف يا ولدي انا ابيك بموضوع مهم
محمد:خير ان شاء الله ايش هو يبه
ابو محمد: شوف وانا ابوك انا اعرف انك تبي تكمل دراستك وانا ماعندي مانع من هالشي لكن اختك احس ماعد له داعي بعدين مارح تلقى لها وظيفه..
محمد قاطع ابوه: يبه بعد كل هالتعب! انا عن نفسي لازم تكمل دراستها بعدين الوظائف يبوي كثيره مهيب قليله لا تحرمها يبه من الي هي تبيه ورح ترفع راسك يبه.
ابو محمد: محمد! ماعندنا بنات يتوظفون فاهم انت وبعدين كلمتك على انك ولدي الكبير وعلى بالي انك مثل ابوك لكن الظاهر انك داشر مثل عيال هالزمن الله يستر بس!
محمد:ابوي وش الدشاره الي بيكمل دراسته دشاره! الي يدافع عن حقوق خواته دشاره؟
ابو محمد بصوت حاد:محمد لا تخليني اعصب عليك!!(بصوت عالي) وبعدين وش قصرت على خواتك فيه حتى تقول حقوقهم؟ هاااااا تكلممم!
محمد:يا ابوي وش علينا من الناس يقولون الي بدهم يقولونه عادي وش علينا منهم؟ اختي بتكمل دراستها وتتوظف طرق عن الي وده والي ماوده انا ادري ي ابوي انك ماقصرت عليهم بشي جعلني فداك بس خلها تكمل دراستها وارفع راسك غصبٍ عن القبيله كلها
ابو محمد: ياولد افهمني زين عمرها الحين يمكن عشرين سنه ويتقدم لها اي حد وبنوافق
محمد ببرود: وش علاقه ذا بدراستها
ابو محمد:شوف سلمى لما تتزوج الرجال يبي تقوم ببيته مايبيها تجلس تداوم وتذاكر تفهم
محمد: ويا ابوي برأيك الرجال يكمل دراسته.
ابو محمد: (بصوت عااالي) الرجال اذا توظف يصرف على عياله البنت مكانها البيت تفهم
ام محمد جت :وش علمكم وشذا الصياح عليه ويش العلم؟
ابو محمد:اسألي ولدش ذا!!!
محمد: امي ابوي مايبي سلمى تكمل دراستها!
ام محمد: يابو محمد وراك علم انت مارح نقولها كذا فجأه!
ابو محمد هدا شوي:يا أم محمد بنتش بتتزوج ماله داعي تكمل دراستها!
ام محمد: من قال محد تقدم غير سلطان ذاك ورفضته
ابو محمد: هذا ولد صديقي ابوصالح وتوافق طرق عنها فاهمه!
ام محمد: ممماجد؟
ابو محمد:ايه والخطوبه الجمعه الجايه(بعد ثلاث ايام)بدون مناقشه!
ام محمد: طيب ماجد بيكمل دراسته مو عائق لها!
ابو محمد:اشوف الولد انتو صراحه ماعجبكم العجب ولا صيام في رجب.
.................
في بيت ابو عبد الرحمن ":
عبدالرحمن:يا يمه بروح عند خويي محمد تبين شي
ام عبدالرحمن:سلامتك ياولدي،ابيك بس توصل هذي الهديه مني لأم محمد
عبدالرحمن:ابشري
ام عبدالرحمن: تبشر بجنته الله يوفقك ياولدي
عبدالرحمن:وياش يايمه
ام عبدالرحمن:الله يستر عليك
عبدالرحمن:وعليش
.................
عند الهنوف ورويدا
الهنوف:رويدا اسمعي ابيش بموضوع
رويدا:اسلمي وش علمش؟
الهنوف:ابوي اليوم شفته يصارخ سمعتيه.
رويدا:لا والله،وش كان يقول؟
الهنوف:قال ان اختي سلمى بتتزوج ب ماجد ولد ابوصالح
رويدا:ايه ايه عرفته ذاك المزيون
الهنوف:اخسس ليكون خاقه عليه
رويدا:ياغبيه لا ويين بعدين مارح اتزوج الا بعدش فكري فيها
الهنوف:ما ادري يمكن تتزوجين قبلي
رويدا:يههههه سم الله علي توني بزر
الهنوف:تكفيين لا تصدقين نفسش مو الحين ياثوره بعدين ترا انا صادقه يمكن تتزوجين قبلي
رويدا:هههههههههههههههههههههههه ان شاء الله
الهنوف:بسم الله عليش الصراحه لايكون تحبين ومخبيه من وراي
رويدا:ههههههههه لا والله ما احب حدا
الهنوف: ترا بس اطقطق لا تشدينها
.............
عند محمد
محمد ينادي بصوت عالي رويييدددداا
رويدا:لبيهههه
محمد:لبيتي في بيته، اسمعي جهزي القهوه ونزليها بدري بيجي واحد من اخوياي
رويدا:ابشر بعزك بس من هو
محمد:عبدالرحمن
رويدا:شككييت والله
محمد:ههههههههه يالله جهزي الشاي والقهوه عااد ابي من شاهيش الي دايم تسوينه ماناديت الا انتي لاني احب شاهيش
رويدا:ههههههههه ابشر ولا يهمك
محمد:تبشرين بجنته ياارب
.......
طلعت رويدا تسوي القهوه جهزت القهوه والشاي وكانت مسويه بالصباح حلا بارد اخرجته وقسمته بالصحون وحطت لعبدالرحمن ومحمد منه
وصل عبد الرحمن ورويدا ما كانت عارفه قامت ونزلت القهوه ونادت:يامحمد يامحمد في حدا قدامي
مارد عليها محمد لانه كان بالحوش يستقبل عبدالرحمن
قامت ودخلت القهوه والحلا وماهي الا ثواني وهم على باب المجلس!!
من الخرشه محمد قام يغطي عيونه ههههههههه
لفت رويدا وجهها وشافت عبدالرحمن ومحمد قدامها حمر وجهها كنه طماطم
مابغت تصرخ عشان مايسمعها ابوها قالت:انت وهو لفوا وجيهكم لبين ما اطلع ماني ناقصه احراج
عبدالرحمن غطى عيونه وقال:اعذريني يا اختي وربي ماعرفت انك هنا
رويدا سكتت وقامت تركض ركض متوقفة الا بوجه سلمى وكانت بتصتدم فيها ضحكت سلمى وقالت :علامش يارويدا ليه كذا مفجوعه
رويدا حمر وجهها:قالت ولا شي
سلمى:وجهش احمر ليكون تعبانه شي!
رويدا ارتبكت :بس راسي مصدع شوي وعادي
أنت تقرأ
ليتك ولد عمي وابوك اغلى عمامي 🖤
Poetry عزت علي نفسي ونفسي عزيزه ماهي بترضىّ موقف الذل والهون . _ اول رواياتي كاتبه مبتدئه جداً 🤎. انستقرامي: wrd_516h _
