ليتك ولد عمي وابوك اغلى عمامي 🖤

بارت ١١

انتهت الملكه وتمر الاياام شهر حتى يجي قبل الزواج بيوم:-
سلمى متوتره مره وتشيك عالتجهيزات ٢٤ ساعه
رويدا:خليش من القلق وش بتستفيدين كلها يوم وتعدي

تركي:لا شايله هم الدنيا كله فوقها ترا وراش رجال انا ومحمد
سلمى:ههههههههه انت حدك قهوجي

محمد:على الطاري انا وعبدالرحمن ونايف وطلال بنكون القهوجيين
سلمى: محمد يدك معلقه كيف تبي تصب القهوه كلم ناصر

رويدا كرهت اسمه قدامها وقالت في نفسها "ياشين هالطاري ويازين من جابه"
محمد: لا ،مسكين خليه يرتاح ما نبيه

الهنوف: الرباعي ذولا اذا اجتمعوا بتصير وناسه
محمد:بنشقلب الفنجان ونقول لعيون الهنوف
تركي:كيف يعني

محمد:حتى انا ما ادري ههههههههه
تركي:وانا بارتز عند ماجد واجمع الفلوس عاد ماياخذ اختي مني بدون مايدفع لي

الهنوف: وعاد سلفني منها
سلمى:مسكيين زوجي بتخلصوا عليه فلوسهه بقوله لا يعطيكم وجه

تركي:انتي انطمي وارتزي ع الكوشه واسكتي
الهنوف:على الطاري حطيتي الكوشه الي وريتش ؟
سلمى:ايه تهبل فديت الذوييقه

رويدا:اما محمد انا بختار حق زواجهه عاد بدلعك
محمد:الله يستر بس
رويدا كشرت:لييييه؟

محمد: ابد ولا شيء اخاف تلبسيني ثوب اسود وتخلي القاعه كلها اسود
رويدا:صح اني احب اللون الاسود بس مو معناهه انو اخلي لك كل شيء اسود عاد بضبطك

محمد:فديت اختي الي تضبطني
تركي: انا بخلي كل شيء على امي بخلي الزواج نفس حق التسعينات

الهنوف:لا صدقني انت بتشيب عند امي ما بتخليك تتزوج من زود حبها لك

تركي:اي احسن والله وش ابي لي ببنت فيها من الدلع مايكفي قبيله
محمد: هذا يبي له عجوز

تركي يضحك: يازين العجايز لا مكياج ولا دلع وفوق ذا كله عاقلات
الهنوف:شوفوا الي يتكلم عن الدلع اكثر واحد مدلع فالعائله
رويدا:بنشوف ياروحي وش بيصير لك بتتزوج من بنات عمك بعد
تركي: نننننننننن من زين بنات عمي ذولي
رويدا:والله انهم حلوات بس انت ذوقك يصيح فالزاويه
تركي:انطمي وبس
سلمى:هيييه ياعرب زواجي بكره وانتوا تفكروا في زواجاتكم الي بعد سنين.
محمد:خلاص يابنت كل شيء ضابط امي جهزت بوفيه العشاء على ذوقها والهنوف جهزت الكوشه رويدا اختارت الحلا وتصميم الطاولات وقاعه الرجال فيني انا وابوي وتركي وماجد واخوانه انتي بس اختاري فستانك واستانسي يابعد اخوك .
سلمى:فديتكم والله فديتك يا محمد
محمد:مجاره من الفداء ياروح اخوك يبي لي اتبهذل في ماجد لا كان ياخذك كان ياخذ السملق (ويأشر على الهنوف)
الهنوف:كل ***
سلمى:زين اختياره فديته
تركي:يععععع

وكملوا سوالفهم ووناستهم على انه اخر مره تكون سلمى معهم قبل تروح بيت زوجها
..................................
في بيت ابو عبدالعزيز:-
سعود كان جالس هو وعبدالعزيز وابوه:-
ابو عبدالعزيز:ياسعود وش رايك نخطب لك
عبدالعزيز: في من يبه
سعود ببرود:مالك شغل انت .