ليتك ولد عمي وابوك اغلى عمامي 🖤

بارت ١٩

فالشاليه:-
الهنوف قامت بهدوء من مكانها تحاول تستوعب الي شافته قدامها مشت ركض للدور العلوي وراحت عند البنات

العنود- تكفين قولي وش صاار وكيف غرقت؟
الهنوف- ما ادري ما ادري بس اني نزلت وشفتها غرقانه وقمت اصرخ

سلمى- كملي كملييييي!
الهنوف- بعدين سمعت ضرب قوي على الباب ورحت اشوف مين طلع عبدالرحمن

لين بقهر- انتي تتغطين منه؟
الهنوف- اي اي اتغطا رحت وتتخبيت على طول وعبدالرحمن نقز المسبح  (وقفت تتذكر بصدمه)

لين مبققه عيونها بغيره- اي كملي اش فيش
الهنوف- بنات شوي شوي توني طلعت خلوني اتنفس
اردفت مكمله كلامها- بعدين جاء اخوي وولد عمي سلطان

سلمى- سلمان؟؟
الهنوف- اي مافي الا هو من عيال عمي سلطان هنا ؛ وبعدين عبدالرحمن طلع وجلس يحاول يطلع المويه بعدين(سكتت)

سلمى-  قد سمعت صوت صراخ بس ما فكرت كثير وقلت عادي
الهنوف ابتسمت- بعدين جاء الاسعاف وقام محمد وعبدالرحمن دخلوها الاسعاف
رهف جات من عند الحريم وهي في حاله صدمه- شفتوااااا؟؟
الهنوف تغمز لها- اي الله يردها بالسلامه
رهف فهمت- اميين يارب
.....
عند الحريم :-
كلهم خايفين من الي صار لرويدا:
ام محمد- يارب خير يارب خير
ام عبدالعزيز- تواصلي معهم
ام محمد- ادق على محمد مايرد !
ام عبدالرحمن- ادق على دحوم مايرد !
ام لين- بسم الله ياربيي
ام عبدالرحمن كانت متفاجئه من الي شافته بالذات يوم ضمها .

فلاشش باااااك:-
سمعوا الحريم صوت صراخ الهنوف قامت ام لين تشوف من الشباك وقالت '- ميين الي في المسبح؟
كلهم قاموا من اماكنهم وتكلمت ام محمد بخوف- ههه..ذيي..بنتييي
ام عبدالرحمن- لا تخافين جاء دحوم
ام محمد- يارب سلم يارب سلم
شافوا عبدالرحمن يوم طلعها ويوم شال لثامها ام محمد ام عبدالعزيز رنا ام عبدالرحمن ام لين والكل يناظرون بصمت يوم قام يسوي لها تنفس صناعي شهقت ام محمد
ام عبدالرحمن- لا تخافين بس عشان تتنفس
ام محمد - ياربيييييي
ام عبدالله- قطييعه مايستحي!
حور- الله يهديش؟ياجده بس يحاول ينقذها
يوم شافوه ضمها هنا ام محمد بدت تصرخ-ويش صار لهااا وليش اخوها متكتف
اخر شي يوم جاء الاسعاف زفرت براحه وشالت عنها التفكير السوداوي.

نرجع للحاضر وفي الاسعاف:-
كان الدكتور يقيس الاوكسجين عندها وقال- الحمدلله الاكسجين طبيعي غريبه ؟؟ بس يمكن تحتاج اكثر حالتها تعبانه
محمد كان ساكت بعدين قال- دحوم تدارك الوضع
عبدالرحمن سكت  وناظر في محمد ؛محمد ابتسم
الدكتور- انت لازم تتأكد عندنا فالمستشفى لان وجهك مقتلب وملابسك كلها غرقانه (يأشر على عبدالرحمن )
عبدالرحمن ادرك على نفسه وقال - محمد جبت جوالك؟؟؟؟
محمد- لاااااا عند العياالل
عبدالرحمن- جوالي راح فيهاا
محمد- ياليللللل تحفظ رقم ابوك؟
عبدالرحمن- ايي
محمد- خلاص وصلنا المستشفى
...
شقه الرجال :-
عند العيال الي اجتمعوا بعدها بغرفه :-
فهد-ياليلل محمد نسى جواله
ماجد- خليه صامت
خالد- شباب تتوقعون وش صار طلعت
تركي- اختييي الي غرق
سعود- ان شاء الله انها بخير
تركي ماسك دمعته - الله لا يبتلينا!
فهد- اول شيء ايقاف خدمات وديون وثاني شيء بنت بتغرق لكن من وين صار ايقاف الخدمات ؛ويش عمي مسفر يشتغل فيه
تركي- ابوي كان يشتغل في منصب عالي فالشرطه وقبل سنه تقريبا تقاعد
فهد- وكان فيه احد يعاديه ؟
ماجد- بالعكس كان الكل يشهد له بالطيب
راشد- اسكت يالمحقق خلاص ابلشتنا
فهد ابتسم- مالك شغل بتصير هذي قضيتي
ماجد - اغلب العائله قانون محمد دخل في الشرطه وزوجتي محاماه البنت الي بعدها(الهنوف) تدرس لغات اعتقد  ومحمد يدرس قانون بعد اعتقد مجال عام ؛ البنت الصغيره لسا بثالث ثانوي  وتركي في ٣ متوسط
تركي- والله لو ذكرت اسم وحده منهم ماسلمت
( الشباب كلهم قاموا يضحكون )
فهد يحاول يرفع ضغط تركي- ترا اعرف اسم البنت الصغيره؛ "وهمس في اذنه بخفوت "(رويدا )
ناصر يناظر فيه بصمت ولاعاد يبي يتذكرها
فجأة نقز تركي فوق فهد - والله لا تقول اسمها والله مايصير خاطرك طيب
سعود يضحك- عادي كله اسم  ترا اعرف اسماء خواتك كلهم
تركي- وجع ادري انك تعرف لانك ولد عمهم بعدين عمي عبدالله قال بيخطبك للهنوف
سعود سكت واعطى تركي نظره حاده
الشباب كلهم ضحكوا
تركي- علامكم؟؟؟ 
فهد- قلت اسمها الهنوف  والثانيه انا اعرف اسمها
تركي- انت انطم ياخي انطمممممم
وقاموا كلهم يطقطقون على تركي
  ..................