ليتك ولد عمي وابوك اغلى عمامي 🖤

بارت ٦

عند ناصر:
ابو ناصر: يا ناصر ليش تكذب علي.
ناصر هنا ارتبك: يا ابوي اسمع واستهدي بالله
ابو ناصر: ماتوقعتها  منك يا ناصر ابدا ماتوقعتها!
ناصر: ابوي ترى بيني وبين محمد مشاكل
ابو ناصر:ووش ذنب رويدا وعبدالرحمن؟!
ترووح تعتذر من بنت عمك وانت ماتشوف الدرب وتعتذر من عمك اما خويك تراه مارح يرجع لك بسهوله وعبدالرحمن مايتعوض
ناصر: ابشر يبه من عيوني الثنتين  بس بشرط
ابو ناصر بعصبيه :وعاد لك وجه تشرررط! ترا بس عشانها هي سامحتك ولا كان عقالي ذا متقطع في راسك
ناصر: ابوي ابي اكلم عمي
ابو ناصر:  بأيش علامك
ناصر: ابوي باقي لي كم شهر واصير ١٨ ابي رويدا تكون لي .
ابو ناصر بصدددمه: ياولد وش تكون لك عادها بزر !
ناصر: يبه بس خطبه وملكه واذا خلصت دراستها صارت لي
ابو ناصر: اول شي صلح الي انت اخطيت فيه وبعدين مالك حق عاد اختها اكبر منها
ناصر: اي ادري ان اختها اكبر منها ووومني بعد! بس انا ما ابي الا رويدا يا ابوي تدري ليه
ابوناصر:لا ما ادري قرارك جداا فاجئني
ناصر:لأني احبها وبحطها في عيوني
وابشر اعتذر من عمي
ابو ناصر: واذا ما وافقت البنت عليك
ناصر: لا تخاف بتوافق
ابو ناصر : وانت وش دراك وفرضاً؟
ناصر:اقووولك انت يبه ابشر بالي تبيه بس ابيك تخطبها لي بعد  شهر وانا اقول لك .
ابو ناصر: اذا عدلت امورك فهالشهر فأبشر بعزك واذا رفضت البنت والله ماتمس شعره منها .
ناصر بشعور فوز : تسلم يبه وبتشوف .
ابو ناصر بتحدي : نشوف نشوف .

.......اليوم الثاني يوم خطوبه سلمى..........
الهنوف طلعت من المستشفى وبس كان عندها نقص فالاوكسجين بسبب ضيقتها اما محمد فلا زال تعبان وكسره قوي  ورويدا قررت تجلس معه بعد إلحاح على ابوها وافق ..
سلمى حست براحه كبيره بعد الاستخاره وعرفت ام محمد   بولدها وقالت تبي تزوره بس ابومحمد رفض رفض قاطع وقال انو رويدا لسا عنده  وتهتم فيه فلا تروح ..

وجاء وقت الخطبه وجاء ابوصالح وماجد :
ابوصالح: السلام عليكم ورحمة الله وبركاته
ابو محمد: وعليكم السلام ورحمة الله وبركاته حياكم الله تفضلوا
ابوصالح: الله يسلمك

دخلوا المجلس وقبل لا يتافتحون بموضوع الخطبه تكلم ماجد : وين محمد ماشفته؟
ابو محمد:والله فالمستشفى يده انكسرت
ماجد: اعذرنا ياعم اذا جينا بوقت غلط ولا خلفكم شر ان شاءالله
ابو محمد: الشر مايجيك وجيتك ابرك الساعات.
ماجد :ياعم  سم بالله جيتك اليوم اتقدم لبنتك سلمى على سنه الله ورسوله تمامٍ لنص ديني واحطها بعيوني
ابو صالح: كلم البنت وان شاء الله بالخير  واعطونا شروطكم
ابو محمد: ارحبوا والله وجيتكم على العين والراس واحسن من يتقدم ماجد الله يحفظه بروح اكلم البنت وارد لكم العلم
ابو صالح: خير ان شاء الله .

وعند سلمى:
جاء ابوها وتوجه لها وهي مررره متوتره مع انها استخارت وامها كانت عندها المهم جاء ابوها وقال:
-يابنتي سمي بالله وصلي على النبي
-عليه الصلاة والسلام سم يبه
- ماجد ولد ابوصالح جاء وتقدم لش على سنه الله ورسوله وتراه رجال كفو وطيب وقال تشرطين بالي تبيه
سلمى بأحراج -الي تشوفه يبه 
-يعني موافقه؟
- إذا انت موافق فما رح اقول بعد شورك شي
تقدم لها ابومحمد وباس على راسها وهو مبتسم وقال: الف الف مبروك يابنتي الله يسعدش ويوفقش
- تسلم يابوي بس تكفى  بشرط اكمل دراستي
مع ان ابو محمد عصب سوي بس مايبي يبين : ابشري اكلم الولد .
- الله يبشرك بالخير .
وقامت ام محمد تبارك لبنتها تباريك حاره