ليتك ولد عمي وابوك اغلى عمامي 🖤

بارت ٨١

كل ععام وبناتييي واخوانيي بخيير  بمناسبه عيد الفطر عاد عيدكم حلوين قلبي🤎
عيديتكم، ونتقابل ٧ شوال بإذن الله 🤎
__
رُويدا |

كان كل شيء جداً مُرتب سواء تنسيقات اهلها ، او تنسيقات ام عبدالرحمن  ،رفعت عيونها لتناظر لـ لين وتشوف صدمتها
فرق هائل بينها وبين لين ، ابتسمت بخفه وهي تنطق بالسلام وكل عمات دحوم وبنات عمه يسمون عليها ربي ويذكرونه وبنات عمها كانوا مصدومين انها بمجرد فتره بسيطه عدت من فسخ خطبتها من الليث ،انخطبت لدحوم ، كانت الدنيا ماتشيلها من الفرحه ، مو مستوعبه شيء ،كيف وكيف وكيف ، الف سؤال ببالها اوله ، يارب كيف تم هالحب ؟ويارب وش نهاياته؟ السعاده؟  ولا الشقى ؟
نطقت فاطمه - عليش ذكر ربي يا عروستنا
سلمت ع الحضور ووقفت عند ام عبدالرحمن اللي كان وجهها مقتلب
،
سلمت عليها وقالت - فيش شيء ياخاله؟
نطقت شوق وهي تقاطع ام عبدالرحمن لا تنطق -ياحبيبه عيوني بسم الله عليش ونعم اختيار اخوي
ابتسمت رويدا وضمتها هي بالذات من بينهم كلهم وقالت - احبش ياشوق عيني !
همست شوق بإذنها- وانا احبش يا غيمة دحيم !
__
عند الرجال |
___
قام ابوعبدالرحمن وسلم على ابومحمد وهو يقول - جايين الليله وبحضور الرجاجيل نخطب بنتك لولدي عبدالرحمن على سنة الله ورسوله وشروطها وماتامر فيه من عيوني و امانه لـــــ عبدالرحمن
نطق عبدالرحمن - يشرفني نسبكم ياعم ونعم فيكم يا آل السالم الجميع وبنتك في وجهي وفي وجه ابوي مايمسها باس بإذن الله ، وانت على عيني وراسي وحسبه ابوي ، ومحمد عمري ما اعتبرته الا بمقام اخوي
محَمَد- ياجعلني ماخلا والله من ذا الوجه
ابومحمد - والله ونعم يا آل هذال ونعم في عبدالرحمن وابيه وجده ومن حضر ، والشرف لي ياولدي ، واللي كتبه الله به راضين الله يتمم لكم على خير، وانت رجال ولد رجال واكثر من يشرفني نسبه !
عبدالرحمن ابتسم - ماعليك زود ياعم !
ابوعبدالرحمن- متى تبي الملكه يابومحمد ؟
ابومحمد - اللي يناسبكم وانا والله اشوف ان عقب شهر احسن يمدي الناس تعرف ويمدينا نقوم بالواجب لاحن ولا انتم !
ابوعبدالرحمن- خير شور وانا اخوك
عبدالرحمن ابتسم وهو يقول في نفسه " بعد الثواني والدقايق لين ما ينتهي هالشهر " .
ابتسم وهو يفتح جواله وناظر للرساله من شوق " ياويل قلبك يادحيم لو تشوف اللي انا اشوفه ياحظ قلبك ! صاروخخخ "
عبدالرحمن ابتسم " تدرين ودي اشوفها ؟ "
ردت بضحكه " بدري بدري يمدييك بعدين تشوفها الحين عاد لو تشوفها بتقول العرس بكره ههههههههههههههههههه الفستان الاسود عليهاا مووووت "
عبدالرحمن بضحكه " لا لا مو لذي الدرجه انا ثقيل ، مير انتي ناويه تخليني خفيف !"
ابتسمت وهي تقول " ياجعله الف مبروك سمي بنتك شوق "
رد بهدوء" كنت اشفر اسمها بقصايدي بإسم غيمه ، ولا جاني بنت بسميها غيم ! ولا جاتني بنت ثانيه بسميها عليش"
شوق بضحكه " مسكينه البنت توك خاطب وتبي طفلين"
قام يضحك وهو يقول " عاد شسوي انتي بلوى تجين تقولين اسمي عليش شلون اسمي عليش وماعندي عيال ها؟ "
شوق " ان شاء الله تجيب عشره وراعين واسمع  من يقولي ياعمه شوق الله !!"
رد لها دحوم وقال  بضحكه"وانا متى اسمع ياخال دحوم ؟"
انقلب وجه شوق احمر وهي تقول " لا جتك اخت غيري وجابت عيال وقتها اسمع هالكلمه انا وانت بعد "
دحوم ابتسم وهو يقول " حبيبي ياشوق استأذنك وصل العشاء "
شوق " لا تاكل واجد تمام ؟ عشان لا ضميت رودي ماتكسر ضلوعها سمنه وعضلات بعد وحش مو انسان ههههههههههههههههههه "
دحوم بضحكه " ودي اضمش واكسر ضلوعش عشان تعرفين وقتها متى اكون وحش ، بعدين انا مو متين "
شوق بضحكه " خلاص خلاص روح تعشى ههههههههههههههههههه "
ناظر فالفراغ وهي يقول
فستانك الاسود يضاهي الليالي سواد
من طافته طلتك كل العمر طايفه !"
انشهد ان عمري ما ابتدأ الا فيش !