ليتك ولد عمي وابوك اغلى عمامي 🖤

بارت ٩٠

لا تنادي للمقفي.. ولا تهيم بكل وادي
القلوب اللي تحبك ماهي بحاجة عزيمه.
__

عبدالرحمن ومُلهم |الفندق
___
عبدالرحمن - يابوي ملهم ،جتني فكره ،وبنفذها،  لأن مافي حل غيرها ،
مُلهم ابتسم- وشنهي؟
عبدالرحمن- طال عمرك بعزمك انت وشوق وابوي وبدر على قهوه ، بخليك بطاوله لوحدك وانا لوحدي انا وياهم
مُلهم عقد حاجبينه-وبعدين؟
عبدالرحمن بقلة حيله - بعدها اللي يصير يصير
رفع راسه مُلهم ونطق- تم
ابتسم دحوم بذهول- وافقت !؟ توقعت تغير رأيك !
مُلهم- شوف ، اهم من الصدمه انك تواجهها لأنه بكلتا الحالتين مصيرهم يعرفون
اردف - بس دقيقه؟!
عبدالرحمن استغرب- وش في ؟
مُلهم- وأُمك؟
نزل راسه وتنهد ونطق- الله يشفيها . بخليها بالبيت مع الخدم .
مُلهم- تأمنهم؟
عبدالرحمن- ميمي ولونا خادمات عندنا من ١٢ سنه كيف ما آمنهم
مُلهم ضحك - تصدق يادحوم معاد صرت انا آمن احد وانتبه زيين، الغدره بتجيك من أقرب صاحب .
عبدالرحمن بتوتر من كلامه ونظرته اللي كلها نصيحه لدحوم ونطق - كيف ،محَمَد قال لك شيء؟
مُلهم- محَمَد رجال ماينخاف عليه ، اكلمك عني انا قبل ثمان سنوات تعرفت على شخص اسمه مونولو،  وصرت انا وياه اخوياء لمده اربع سنين، واشركته معي ثم بعده استقل بنفسه واختفى فتره ، ثم بعدها هو اللي سوا فيني كل شيء خلاني اوصل للي وصلته اليوم اني اتخيل  كيف بتكون رده فعل عائلتي على لقاي ، حسبي الله عليه !
عبدالرحمن نزل راسه وقال- آسف لك يبه ينعى وجهيييي فيك
مُلهم ابتسم وربت على كتفه - مالك ذنب ،بس ابيك تتعلم كم شيء لأني احسك تثق بسرعه فأول شخص قدامك !
ضحك دحوم بذهول ونطق-كيف تعرف كل شيء عني وانت توك شفتني!
ضحك مُلهم ونطق- موهبه ربانيه ههههههههههههههههههه. 

شوق|بيت ابوعبدالرحمن
____
اخذت  تتلفت بين الفساتين اللي شرتهُم، وترجع للفستان الأصفر، ابتسمت بفرحه عمييقه واصله لأقصى مراحل فرحتها لأخوها،  تمايلت بالفستان اللي هي حلته طبعاً ،ابتسمت وهي تتذكر ابوها وتمسك على قلبها " ليته يشوف شلون دحوم كبر واليوم صار عريس ، وليته حيّ يشوفني شلون تغييرت عن قبل ، الله يرحمك ياروح شوق"

مسكت دموعها لا تنزل وقامت تتصل على المصوره والارتست والهير ستايل تتأكد معهم من موعدها ، اخذت نفس بتعب وهي تتأمل اختيارها للمسكة ،وتسوي بروفة الزفه بغرفتها وتتخيل الحضور وتحس بتوتر رُويدا! ،
دخل بدر والابتسامه شاقه وجهه ونطق- شوق شوووق!
عزمني دحوم على كوفي وقال بيأخذ لي مشروبي المفضل !
ابتسمت شوق وهي تضمه وتقول - ياحبيبي انت ودحوم عقبال ماتصير عم لأجمل ولد بالحياه !
بدر- الله يعني رُويدا اللي ساعدتني بمكه هي نفسها زوجة دحوم اخوي
ابتسمت شوق ونطقت- وش السالفه ؟
بدر ابتسم  و هو يشرح لها السالفه - كنت طالع لمكان طوييل(برج الساعه) انا ودحوم ومحمد ، بعدها خفت وبغيت انزل وقال لي دحوم اتحداك،  زعلت منه ونزلت لوحدي بس ضعت  خفت وجلست ادور بالحرم ادور مكان فندقنا وضيعته،  ثم جت ومسكتني واتصلت من عندها على دحوم ! بعدها شرا لي دحوم شريحه عشان ما اضيع مره ثانيه ، وبس طلعت مره طيبه ! احبها مره ! احسن وحده اختارها دحوم !
ابتسمت شوق بضحكه - ياحلوها صدق دامها سوت كذا ! والحين انت باقي زعلان على دحوم
بدر ضحك - لا لا نسيت اصلاً
ابتسمت شوق تبوس خده وتنطق- البس ثوبك وتجهز وروح لحلقه التحفيظ ومع المغرب بمرك وترجع البيت تاخذ شور و  تلبس ثم بعدها نروح انا وانت وابوي حازم للكوفي اللي عزمنا عليه دحوم !
بدر حب على راسها ونطق- ابشري !
شوق- الله يحفظك ياحبيبي واول ماتخلص تبشر مني بهديه اللي تبيها نروح ملاهي ولا اشتري لك ثوب ولا اي شيء تبيه تمام ياحبيبي
بدر دق تحيه - ابشششري!
لف بسرعه يروح غرفته يدور بين ثيابه عشان يلحق على السواق يوديه التحفيظ !
وابتسم من شاف ام عبدالرحمن جت  وبيدها بوكس اكل ونطقت - يلا حبيبي بدر هذا اكل لك تمام واي شيء تبيه من عيوني
نطق بدر - شكراً ماما !
ضمته بقوه من قال " ماما" وهي تبكي وتتمنى انها عندها ولد ثاني من ابوعبدالرحمن لكن شافت الحب ببدر وشوق ،