ليتك ولد عمي وابوك اغلى عمامي 🖤

بارت ١٠

....................
عند البنات :-
جات رويدا ورهف يسلمون على البنات بعد ما سلموا على الحريم الكبار هيوف (اخت طلال) والهنوف وريوف ونسيم وساره وليلى(اخت عبدالله) وقامت رويدا تضم اختها وتبارك لها واعطتها الهديه

ساره همست في اذن رويدا :كأني شفتش اليوم فالمول مع سلمان ولا اتخيل
رويدا ارتبكت: هاه لا

ساره: لا تخافين ما بقول لأحد تراني عرفتش بس شفتش تطنشين وقلت خلاص بعدين استحيت يوم شفت سلمماان معاش .

رويدا:اي الصراحه بس مابغيت احرج نفسي معاش ولا تخافي ماسويت شي بس اخوي طلبه يوصلني
رهف:وش تتهامسون فيه
ساره بكذب: لا بس قلت لها انو رحت الراشد مول اليوم
رهف:اهاه الا اسمعي ياسارووونههه كيف سويتي رسمه الايلاينر حقش يهبل
ساره ابتسمت وقاعده تقول لها الطريقه

نسيم: الله يارورو زمان عنكم والله نفسي تجون بيتنا
رويدا: اي بالله حتى انا ان شاء الله بنزوركم وتزورونا كيف عمي وعمتي وسعود وعبدالعزيز وحور ايش حال بناتها

نسيم:الكل بخير ياعسل انتم ايش اخباركم
رويدا :الي يسرك
الهنوف: الا ليلى مررهه اشتقت لش واشتقت لكم يابنات مررهه
ليلى:ياقلبي انتيي والله حتى انا اشتقت لش ولكم الجميع
هيوف:دورو لنا فعاليات

وطبعا سوالفهم ماتخلص من الفله والطقطقه والوناسه
...............................................

اعرفك من تكونن.. ماهقيتك تخونن
كل شيء يهووون...غير طعن الجفاااء
- عبدالله ال فروان

عند عبدالرحمن ومحمد:-
محمد: يكذب مايقدر يسوي شيء
عبدالرحمن: اعرف
محمد يضحك:والله وطلعت صادق تحب اختي
عبدالرحمن:ههههههههه ياليت وه...لا انسى
محمد: ههههههههه حتى انا احسها تبادلك
عبدالرحمن:ما اعتقد
محمد:علي انا اوريك ،وابشر عبدالرحمن لـ رويدا ورويدا لـ عبدالرحمن هههههههههههههههههههههههه
عبدالرحمن:الا انت اسكت وبس الله يصلحك
محمد:ماتمون علي اجل هههههههههههههههههههههههه
عبدالرحمن ابتسم:ليتك ما كنت موجود
محمد: ههههههههه اهم حاجه كنت موجود ياكل ** هذاك الخسيس الكريه
عبدالرحمن:ابي اسألك ليه تكرهه كل ذا الكره اكيد مو عشان الي قبل فتره
محمد ضحك: لا تقلب فالماضي
عبدالرحمن:تكفى قول
محمد:الرجال ينهز من كلمه تكفى اجل ابشر

فلااشش باااااااااك لللماضي:
فالثانويه :- قبل سنه

كان على محمد مخالفه في السياره ٣٠٠٠ الف ريال بسبب حادث بسيط وكان ناصر معاه
محمد: تكفى تكفى ياناصر لا تقول لأبوي بدبرها انا
ناصر بابتسامه ماتبشر:ابد ولا عليك

فالبيت
ابومحمد:وين كنتوا وعلامكم تأخرتوا
ناصر:ابد ياعم بس ولدك سوا مخالفه وتأخرنا شوي
ابومحمد : امانه عليك
ناصر:والله اني نبهته بس الجوال ذا عله ٢٤ ساعه وهو في يده
ابو محمد على جيه محمد قال :هات جوالك
محمد:ليه وش صار؟
ابو محمد بصوت عالي :هااااااتت
محمد اعطى ابوه جواله وهو من العصبيه رماه فالجدار وهو يقول:ما جتنا الحوادث الا من يوم عرفنا هالجوالات !
محمد:والله يابوي ؛مابتدفع ولا ريال اقدر ادبر نفسي
ابو محمد:ماضقت فالفلوس مثل ماهمني أرواحكم يامهابيل كل واحد يضف وجهه