ليتك ولد عمي وابوك اغلى عمامي 🖤

بارت ٥٧

بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم..
نجمه للبارت قبل تبدأ:

نبدأ بسم الله..
مكه المكرمه |الفندق |الرجال
أبوعبدالرحمن- والحمدلله على السلامه
محمد- سلمك ربي 
عبدالرحمن غمز لمحمد- تخاويني
بدر- تعتمرون الحين بدوني؟
عبدالرحمن- لا بس بنروح برج الساعه ع الشرفه وانت خواف بتبكي
بدر بكبر- انا مانيب خواف
ضحك محمد- بنشوف ياحبيبي تركي معنا؟
تركي- وش ذي الطاقه ولكم ساعتين بالسياره  مارح اجي
عبدالرحمن بضحكه- وش نسوي حماس
ابومحمد-وجيبوا لنا معكم غداء تمام
عبدالرحمن ابتسم- من عيوني
(خرجوا من الشقه)
محمد- بدران انصحك تجلس
بدر- وانا اخو عبدالرحمن واخاف
عبدالرحمن ابتسم- اطلق اخ !  يلا يرجال من قال لك انه خواف !
نزلوا بهدوء وشافوا الزحمه اللي كانت بالحرم بحكم انه كان فتره حج
الشمس كانت قويه .. قاموا يمشون الى ماوصلوا لباب برج الساعه
رفع بدر راسه بذهول وقال- ماشاء الله
ابتسم محمد- وشرايك وين احسن السعوديه ولا ايطاليا
بدر بسرعه- اكيد بلدنا!
طلعوا للمصعد وضغط عبدالرحمن على الزر اللي فيه الدور اللي يودي لشرفه الساعه

بعد مرور دقايق وصلوا ، وبدر بدا يرجف من حس بالارتفاع اللي هم فيه وقال- انا خواف تكفون رجعوني
عبدالرحمن بضحكه- لا لا مابتخاف ! انت اهدا وبس مافيه حاجه تخوف ! .
بدر من اول ماشاف الاطلاله الي تقريبا يطل على جزء كبير من مكه رجف وشد على احرام عبدالرحمن
عبدالرحمن- ولد اهدأ
محمد- بدر عادي ترا مابتطيح
بدر صرخ- قلبي بيطيح خلاص رجعونا
عبدالرحمن- ياليل قلت لك اجلس بس مارضيت
محمد بضحكه- حبيبي بدر قلبك بيجلس مكانه تو حن وصلنا .
بدر شد على احرامه وقال -بتنزلون ولا انا بنزل
عبدالرحمن بضحكه- انزل اتحداك بتضيع
بدر-لا لا مانيب ضايع
عبدالرحمن-ياويلك لو تنزل اجلس هنا ( اشر له يبعد شوي عن الاطلالة على شان لا يخاف)
محمد- تعال نتصور
قام محمد وعبدالرحمن واخذوا كم صوره وتصوروا سوا
عبدالرحمن- تصدق كان من امنياتي عمره معك وكل مابغيت يا يجي شي يا ما اقدر اروح بشغل ولا شي بس ربي كتبها على غير موعد لنا
محمد ابتسم-وانا والله،  لنا زمان عن مكه
سحبوها سوالف وبدر كان يرجف من الخوف تذكر يوم قال له دحوم انه يتحداه مايضيع ، قام وتوجه للمصعد
ضغط الزر على اسفل دور ، وصل المصعد للدور الارضي واللي كان عباره عن مواقف نزلوا كثير ناس كانوا بالمصعد وطلعوا ناس ثانين
__
عند الحريم 
كانوا جالسين بالصاله..
الهنوف وشوق ساحبينها نومهه..
تم محمد جالسه بالصاله على جوالها
وام عبدالرحمن نفس الشي
رويدا رفعت جوالها على رساله وبطنها اوجعها من شافت الرقم " الليث"
" السلام عليكم ورحمة الله وبركاته،  كيف حالش، خبرت انش مريضه سلامات والله "
ترددت رويدا وكان تبي تقول الله لا يسلمك بس خافت يرسله لأبوها..
اكتفت برد بارد جدا عليه" وعليكم السلام،  انا الحمد لله بخير"
عرف هو انه قدر يستفزها وضحك  وارسل لها " سمعت انكم بتعتمرون ادعي لي معش"
ردت بقهر" ان شاء الله "
ماكانت تبي تقول بدعي عليك او شي لأن تخاف يوري ابوها الرسايل ويكون يوم موتها حرفيا ، تنهدت وهي ترمي الجوال ع الكنبه بضيق
ام عبدالرحمن- تعبانه يبنيتي؟
رويدا كان لون وجهها مقتلب- لا بخير الحمد لله
اردفت- امي عادي انزل اتمشى لي شوي بالحرم
ام محمد- تتمشين بعز الظهر
رويدا- عادي باخذ جوالي واقابلكم وقت الصلاه
ام محمد- تمام بكيفش
اخذت رويدا فلوسها واخذت جوالها لبست عبايتها ومالبست النقاب لبست "الخمار " بحيث انو هي عاقده الاحرام .. (مع انه يكون الوجه باين شوي بس اتوقع تعرفونه هو يغطي على الوجه لكن بيكون واضح شوي")
نزلت لتحت وقعدت تمشي متوجهه لكارفور تبي تشتري لها فطيره وعصير ع السريع قبل الغداء
كانت تمشي وشافت بدر وهو قاعد يمشي وواضح انه مضيع راحت له وقالت - بدر
التفت بدر ونط يضمها برعب لما حس انه ضايع بحكم انه بين جموع كثيره
بكى ودموعه تجمعت- وين عبدالرحمن ومحمد ؟
رويدا مسحت على راسه بحنية - عادي بدر وش فيك خايف كذا
بدر ببكاء - ابي دحوم بسرعه مابي اضيع
انتبه له واحد من الحراس ونطق- تعرفينه؟
رويدا- ها اي اي اعرفه هذا ولد عمي حازم
الحارس مسك يد بدر- حبيبي لا تبكي عادي هذاك لقيت بنت عمك
بدر وقف بكاء وراح مع رويدا
شد على يدها وهو خايف وقال- ابي دحوم
رويدا- عادي عادي بتلقى دحوم وين كنت انت وياهم
بدر- كنا بهذا البرج الطويل
رويدا زفرت بضيق- تبيه لازم؟
بدر- اي اي ابي اخوي
ابتسمت رويدا من سمعت كلمه "اخوي" وقالت- بنلقاه عادي انا اصلا جايه اتمشى ويمكن نلقاه عادي لاتخاف ياحبيبي
ابتسم بدر وزفر براحه
قالت رويدا - بدر تبي شيء تاكله
بدر كانت شوق تقول له يرفض اي شخص يقدم له اكل لانها كانت تخاف من عيال عمها يعطونه مخدر او شي
هز راسه بالنفي
ابتسمت رويدا وهي تطلع فلوس وعطته وقالت- خذ لك الي تبي هذي بتجيب لك كم غرض
ابتسم بدر وقال- شكرا
تقدمت رويدا وبيدها بدر لبرج الساعه وقالت- وين كانوا بالضبط
بدر- كنا بمكان طويييل ويخوف تحسي انك بتطيحين
فهمت رويدا ان قصده شرفه الساعه وعلى طول راحت للمصعد متوجهه للشرفه توديه
بدر- خايف
رويدا- عادي لاتخاف معك الله ثم انا
___
وعبدالرحمن ومحمد كانو مقضينها سوالف وتصوير وهبال
انتبه عبدالرحمن ان بدر مو بمكانه وحز في قلبه وين هو ووين راح؟
عبدالرحمن بقلق- ولد وينه بدر تشوفه !
محمد- ها (تلفت حوله مالقى احد)والله مو موجود
عبدالرحمن بغضب- اففف وين راح !! ما انا قلت له لا يروح !
محمد- نسيت انك تحديته؟ بزر بيصدق
عبدالرحمن زفر براحه من تذكر انه كتب له بورقه رقم جواله وقال- ما عليه اذا ضاع بيدق علي لكن خلنا ندور