ليتك ولد عمي وابوك اغلى عمامي 🖤

بارت ٧٣

سلطان صفق بيدينه وقال- نذر علي انك ماعرفتني ياولد هذال
عبدالرحمن ابتسم- مايشرفني يامسلط ، وترا على كل شيء جاني لازم تدفع قيمته وتعويضه تفهم ولا ماتفهم ؟
سلطان ضحك -وش جاك ؟ ماجاك الا كل خير
عبدالرحمن- الخير بوجهي ،وانت عارف مقصدي بدون لا اقول لك، المهم ،اذلف انت وياه بنام ، وكرامتك بتنرد لك يامسلط بأحسن منها .
سلطان زفر وهو يطلع زيقاره ويولعها ويدخن ، ورما باقي الكرتون بالأرض  مع انه مليان ، تلفت حوله وخذا جوال عبدالرحمن معه وقفل عليه الباب ، وخرج هو واخوياه ..

___________
بيت ابوعبدالرحمن | ابها
______________ |___
تلفت ابوعبدالرحمن يدور بعيونه ل فهد ولا لقاه ، نادى سعود وهو يقول والتوتر واضح بوجهه- سعود ازهم لي فهد بسرعه
سعود- ابشر ،وش فيك ياعم؟
ابوعبدالرحمن- ابد ، ازهم فهد وتعال معاه ابيكم بشغله مهمه
سعود هز راسه بالإيجاب وقال- ابشر ، على خير إن شاء الله
خرج فهد من بيت ابوعبدالرحمن واتصل على فهد :
سعود -  الوه فهد
فهد - لبيه
سعود - لبيت حاج وينك فيه
فهد - ابد ،جاي بطريقي وعندي لك علوم وابيك تخاويني بسرعه للدمام
سعود - ليه
فهد - ابد، كلام ابيه يكون وجه لوجه
سعود- وعمي حازم قال يبيني ويبيك بنتظرك
فهد- على خير
_____
الدمام | شوق
كانت متوتره وكل حواسها ترجف وقلبها يعورها وخايفة،  وقفت اتصال على عبدالرحمن وقررت انها تكلم رتيل
ردت رتيل :
رتيل- هلا ياشوق ارحبي
شوق- البقاء يبعد عيني ، رتيل ممكن طلب وما ابي تفهميني خطا
رتيل - سمي
شوق- ابي رقم اخوش فهد
رتيل استغربت - وش تبين منه؟
شوق- ابيه بشغله شخصيه يحقق فيها بحكم انه محقق وما عليك عند الثقه
رتيل ابتسمت- ماشكيت بش ياعيني ابشري برسل لش هالحين

عند فهد | ابها
________
بعدما ارسلت لها رقم فهد وشوق على طول فتحت رقمه وارسلت " السلام عليك ورحمة الله وبركاته، كيف حالك ، معك شوق بنت عمك،  اسمع يافهد انت تعرف انا وعبدالرحمن وبدر رحنا للدمام ،ودحوم اخوك والله انه من العصر مارد لا على جواله ولا شي وبيني وبينك خايفه من عوال عمي اللي هنيا وظني تعرف مايحتاج بعد اقول "
رد فهد   " حياش الله، طيب دامكم عيال عمي    ابشري  باللي يسر الخاطر ،وبجيكم بالدمام ان شاء الله واحقق في شرطه الدمام ، وم عليك فعولهم انا ادرى بها وتكرمين عنهم يالله انتبهيلش تامرين على شي ؟"
شوق " انتخيتك يافهد فاخوك عبدالرحمن والله اني خايفه عليه مره وما ابي عمي حازم يدري بلغ خالي هايل كل الشرطه اللي هنا "
فهد" ابشري وانا اخوش ، وبتواصل مع شرطه الدمام بطريقي وبعطيش الاخبار اتفقنا على كذا؟"
شوق" تم جزاك الله خير ي فهيد ومشكور والسموحه اذا ازعجتك "
فهد " مابه خلاف ."
تلخبط فهد من العلم اللي جاه وما بغى يوتر شوق وماراح يقول  ل عمه اتصل له سعود ورجع على طول عند بيت عمه وكان سعود ع الباب :
سعود- ارحب
فهد-بقيت وسلمت اسلم وش علمك
سعود- عمي حازم يبينا بالمجلس
مشوا عند ابوعبدالرحمن:-
ابوعبدالرحمن- ياعيالي دقيت على دحوم من شوي
توتر فهد وقال- ايه وش قال؟
ابوعبدالرحمن- قال ان عنده مشروع بالدمام ، ويحتاج شيك فلوس وابيك توديه له يافهد
فهد - مشروع بالدمام وشو؟
سعود  فهمها على طول وقال- ايي فهمتك م عليك قد قالي به قبل يمشي من هنيا متى تبينا نروح الدمام
فهد حاول يسوي نفسه فاهم - اي م عليك ياعم امورك فالسليم كم قيمه الشيك
ابوعبدالرحمن- 600.000 الف ريال !
فهد - اما ، وبتعطيه؟
ابوعبدالرحمن- بعطيه واضمنه ولدي 
سعود- تمام بنروح الدمام عقب شوي بأقرب طياره
فهد سحب سعود وقال له - ورع السالفه مب سالفه مشروع وش تهبد فيه انت
سعود- ادري والله ادري شفت قال دحوم قبل فتره يوم حن بالطايف انه معه وعد هو وعيال ال عدي فالدمام ف هذا اللي فهمته
فهد - واخته شوق كلمتني وقالت لي انه مختفي من العصر ولا يرد على جواله بس عمي تو دق عليه
سعود- بما ان دحوم قال لعمي يكلمك اعرف ان السالفه اكبر من كذا وانا اخوك
فهد - مافي طيارات بتوصلنا الحين بيكون الحجز متأخر !
سعود - م عليك زهب اغراضك والطياره علي
فهد- طيارة جدي بالطايف شلون تبيهم يجون ؟
سعود- مب طيارة جدي م عليك خلها علي الطيارة والحجز وكل شي  بس كيف بناخذ لنا س.لاح وحن  بنروح بطياره؟
فهد- م عليك بتواصل مع شر.طة الدمام بخصوص الس.لاح لا تشيل همه  .
سعود -يلا تمام
ونادى- حاتم حاتم ! Come here
حاتم- what do you want?
سعود- I want my computer,can you go to my mom and give me it?
حاتم - ok,saud
فهد بضحكه - يعنني تشفرون حن ندري ههههههههههههههههههه
حاتم -I know, but I like to talking with my brother like that.
فهد  - ok,no problem that's fine
__________
عند البنات :-
رويدا - بنات نقوم نساعد ام عبدالرحمن 
لين - بيساعدونها الشغالات مايخصش انتي
رويدا بضحكه- اوفر ، بروح اشوف لها
الهنوف- تراها مره عمش مفروض تساعدينها ليه التكفي
ايلان بتعزيز لبنت عمها- وهي صادقه الحمدلله فيه شغالات ليه العناء تحبون بس تبينون نفسكم سنعات
رويدا ضحكت بسخريه وقالت- لا بس لأنك م تعرفين تسوين شي قلتي الشغالات يكفون المهم م علي منش انتي وهي
وقامت وراحت للمطبخ اللي كان مليان  الحلا والمعجنات والشغالات كانوا يوزعون وام عبدالرحمن مصدع راسها من الشغل وانو هي بعد تساعد الشغالات بحكم انه بيتهم ملياااان ضيوووف
رويدا- ياخاله وش تبيني اساعدش فيه ؟
ام عبدالرحمن ناظرت لها وقالت بتعب- مابه شي ارتاحي ياعيني
رويدا- ما عليه ارتاحي انتي وانا بقسم للشغالات اللي يوزعونه
ام عبدالرحمن بدون ادراك كانت بتطيح ،شهقت رويدا ومسكتها بسرعه وقالت- بسم الله عليش ياخاله ارتاحي انتي دايخه ودوري اليوم اساعدش
خذت كوب مويه وخذت كروسان وقالت -كلي لش شوي لازم تأكلين
ام عبدالرحمن- الله يسعدش والله اني من الشغل ماعاد انتبهت ومن عشاء امس ماعاد كليت شي ويومي نصه نوم ونصه شغل
رويدا- ينعى وجهي ياخاله م عليش روحي للحريم وانا بساعدش ومايصير خاطرش الا طيب
ام عبدالرحمن ابتسمت- بجلس حولش م عليش
رويدا - اطلق من يجلس معييي
قامت توزع الفطاير بالصحون وتعلم الشغالات وش يحضرون وش اللي م يحضرونه
التفتت لأم عبدالرحمن وقالت- خاله هذا الحلا ماراح اوزعه نخليه مع العشاء افضل
ام عبدالرحمن- اي سوي اللي تبينه
رويدا بخوف- ياخاله متأكده انش بخير ؟
ام عبدالرحمن- باخذ لي دواء وبرجع عندش
رويدا ابتسمت- خذي راحتش
مرت نصف ساعه ورويدا خلصت تقريبا توزع الشغل وبدت تشتغل مع العاملات اللي كان جايبهم ابوعبدالرحمن يساعدون زوجته بحكم انه ماعنده بنات
دخلت ام عبدالرحمن وقالت- ماشاء الله عليش خلصتي  ثلث الشغل تبارك الرحمن
ابتسمت رويدا ابتسامه خفيفه وقالت - باقي تعبانه ياخاله؟
ام عبدالرحمن- والله قلبي ناغزني احس انه في شي
رويدا- في منو؟
ام عبدالرحمن- في ولدي قلبي ناغزني عليه
رويدا- ءء عبدالرحمن؟ 
ام عبدالرحمن - ايوه راح للدمام من امس ملكه سعود ما حضرها
رويدا- اما ؟ طيب اتصلي له
ام عبدالرحمن- اتصلت ومايرد
رويدا بتفكير قالت - م عليه إن شاء الله بيكون بخير وادعي له معش وان شاء الله انه طيب لا تخافين رجال
وفاهم وم عليش بيكون طيب ان شاء الله ،وصحيح خلصت نص التقسيم تقدرين تقولين ان الباقي يخليه ع العشاء وخلينا ندخل للحريم وان كانش تعبانه فانتي معذوره ياخاله
ام عبدالرحمن مسكت يدها وقالت - تمام بنروح
دخلت وناظرت في بنات عم عبدالرحمن وابتسمت ، جلست رويدا حول امها وجلست حولهم ام عبدالرحمن 
وكان لين لأبعد حد منقهره
____________
الدمام| هايل خال شوق 
______________
وصل للشرطه وبلغهم ان عبدالرحمن بن حازم ال هذال مفقود في الدمام
الشرطي- همم اللي وصلنا بلاغه عن سلطان آل عدي وشلته يوم عرفه ؟
الشرطي ٢- اي نعم وصلنا البلاغ بتاريخ ١٢/٩
الشرطي وجه سؤال لهايل- متى جاكم متى وصل للدمام ومع مين ؟
هايل - امس وصلوا للدمام واخذو لهم شقه هم اليوم جو ومن بعد العصر مايرد على جواله ولا له اثر
الشرطي - ابحث عن اخر مكالمتين بجواله كانت مع مين !
الشرطي ٢- المكالمتين الاخيرتين مع سلطان آل عدي ومع ابوه
الشرطي- طيب ، هايل تقدر تنصرف حن بنتولى امره 
خرج هايل
الشرطي ١- شرطه نجران جاها بلاغ حريق سياره عبدالرحمن وشرطه ابها ارسلت لنا بلاغ عن شله سلطان انهم بالدمام بس مانقدر نحدد مواقعهم
الشرطي ٢- حددت موقع اخر مكالمتين
مكالمه ابوه كان ابوه في ابها في قريه ال سالم وهو كان في مستودع الاجبان طريق الدمام اللي يودي للرياض
واما مكالمته هو مع سلطان ف كان عبدالرحمن في مطعم ،وسلطان كان في بيت في طريق الدمام اللي يودي للرياض نفس المكان تقريبا ببعد ٨ كلم فقط
الشرطي ١ - اجل عرفنا كل شيء اليوم وعدك ياسلطان انت واخويااااااك !!!!
جهزوا الطاقم عندنا مداهمه بكره الصباح !
الشرطي- امرك ياحضرة النقيب وائل !
_______________
سعود وفهد ..،
___________________
سعود التفت لفهد- ولد لقيت حجز قريب
فهد-الساعه كم ؟
سعود - ٦ الصباح
فهد - ولد انت صاحي الحين الساعه ٢ وماني نايم وانا اذا ركبت الطياره مايجيني نوم وتبيني اروح ست الصباح ؟
سعود -وليه ما تقدر تنام بالطياره؟ ههههههههههههههههههه
فهد - هو مب سالفه اني اخاف او شي لأنه فهد ينخاف منه مو هو اللي يخاف ، بس اني احب اتوقع في طريقي كله
سعود - ولد عمنا بخطر
فهد -ثواني بتصل له
اتصل لدحوم ومارد
ضحك فهد وقال -بتصل على شوق
اتصل على شوق وردت على طول وقالت - هلا فهد
فهد-هلا شوق هاه طمنيني جاكم علم عن دحوم؟ 
شوق واضح بصوتها الهزه والتعب- والله ماجاني عنه علم الا ان خالي بلغ ومن امس ما وصلنا علم ! وانت بشر كيف الامور؟
فهد-شوق بجيكم انا وسعود بكره ابيش ترسلين لوكيشن بيت خالش وتتواصلين معي اول بأول ودحوم طيب ان شاء الله
شوق مامسكت نفسها لأنها حملت بقلبها حيل تعب وانفجرت تبكي وهي تقول - يافهد حمد اللي رد علي يوم اتصلت يافهد !
فهد انصدم وهو مايعرف يتصرف - ها منو حمد ذا وش فيش شوق ؟
سعود سحب جواله من يده وقال- بنت فيش شي ؟
شوق كانت تبكي وتقول - الله يااااخخخخخذذذذه اهخخخخخخخخ
سعود - شوق انتي اختنا كلنا وبوجيه رجال انتي بنت ال هذال قبل ال عدي قولي لنا وش السالفه
شوق بشهههقات- سعود ءء مم ءء اققدر ررد علي من جوال عبدالرحمن ويقول لي ام ولدي ما اقدر اتحمل والله اننننن يننندممممممم
سعود - يندم هو وسابع جد لا تخافين بوجيه ال هذال كلهم ياشوق
شوق- السالفه اكبر مني يااافهدددد! اكبر مننييي
وقفلت الجوال
انكسر خاطر فهد مرررره ولا عرف كيف يتصرف وقال -سعود
سعود - لبيه
فهد-ويش اسوي انكسر خاطري! وش اقولها م اقدر اجلس كذا ولانيب عارف ايش علمها !
سعود تنهد- ماعليك ، كلها ٣ ساعات ارقد وبكره يصير خير
انسدح سعود ونام وجنبه فهد اللي غلبه التفكير عن ايش وكيف رح يسوي ...،

..
بكمل الروايه هذي واحتمال اعتزل،احبكم بناتي 🖤