ليتك ولد عمي وابوك اغلى عمامي 🖤

بارت ١٥

عدا اليوم على خيرر ورويدا تقول الحمدلله انها افتكت من ناصر وناصر الي مقهور جالس بسيارته ولا عاد طلع منها:-
عبدالرحمن جاء عند ناصر:-
- السلام عليكم

-عليكم السلام وش تبي  خلاص انتهى الي بيني وبينها ارتحت خلاص؟
- ماقد تكلمت اصبر شوي

- كله بسبب محمد !!!كله منه!
- يمكن محمد رد لك الثار؟
- وش تقصد ؟

- لما قلت لأبوه بالمخالفه يوم كان بالثانويه
- رجاء خاص يادحوم لا تتدخل

- مايصلح ياناصر كل شيء لا تتدخل وكذا بتهلك نفسك ياخي خلاص البنت راحت عليك ماعاد فيه امل
- ايه ايه ادري انك تبيها

- واذا انا ابيها وين المشكله؟
-تدري بشيء لاعاد تكلمني

- ياناصر اعقل ترا ماعادك بزر ياخي انت كيف بتفهم البنت راحت عليك لاعاد تفكر فيها ومشاكلك مع اخوياك حلها مايصلح انو تجلس كذا

- هم الي يجنون على نفوسهم
- محد جنى على نفسه غيرك ياناصر
- طيب يالطبيب النفسي وش تبيني اقول لك

- اولا انا تخصصي طب عام وليس طب نفسي ثانيا انا وصلت نصيحتي لك انك تعدل حياتك تراك استفزيتني بحركاتك الفتره الاخيره لكن والله ياناصر انا عاد عدتها ماتمضي لك على خير اذا عطيتك وجه لا تفكر اني  بعطيك مره ثانيه واذا جيت تتكلم تكلم بأسلوب ترا سعود قد قال لي من زمان لأنه يدري اني احبها وانك تحبها والله العالم من بتكون له وعلمني محمد عن اسلوبك معاه ياخي تعدل لاتخلي الناس يكرهونك
- اقول تراني مضغوط حاليا وما ابي احد يتكلم معي عشان كذا تكفى روح
- خلاص ابشر وياليت تفكر في كلامي كويس
(راح عبدالرحمن يقرأ كتابه في زاويه بعيده عن التخييم شوي)
...

عند البنات:-
ريوف والهنوف وسلمى بجهه:-
ريوف-بنات بقول لكم شيء بس بيني وبينكم
سلمى- ايوه سمي يريوف
الهنوف-هااه وش علمش
ريوف- تعرفون المعقد سعود ولد عمي
الهنوف- ايه وش فيه
ريوف- تخيلوا قال بيخطبني
سلمى- وبتوافقين؟؟؟؟؟
ريوف- مااا ادري صرررااحه مرره وترني بطريقه كلامه والغازه
الهنوف- تتوقعين هو يحبش
ريوف- حبته القراده
سلمى- والله ان شخصيته حلوهه حرام عليكم
الهنوف- بالله عليش شلون شخصيته حلوه احسه معقد ونفسيات
سلمى- بالعكس لما كنا صغار كان مره طيب وشخصيته حلوه وكان اكثر واحد مثقف بيننا كان بس يسأله عمي ولا ابوي ويجاوب بجواب نموذجي
ريوف- كان فعل ماضي مبني على كلام فاضي
الهنوف- ياريوف تراه واضح انش تحبينه من بعد ذاك اليوم جيتنا ووجهش كانه طماطم
سلمى- هيييه وش السالفه ومتى اي يوم
الهنوف-اليوم الاول برمضان في بيت عمي عبدالله
تخيلي تصادفت مع سعود وعرفها
ريوف ووجها طماط- ياكل مع اني بقايله ذاك المعقد
الهنوف- طيب هو مزيون اكتشفي شخصيته
ريوف- اذا انتي خاقه عليه روحي له ما ابيه
الهنوف بثقه- لا انا خاقه لي على واحد ثااني
سلمى مصدومه-اخسس تحبين من وراي
ريوف بفضول- من هوووو؟؟؟؟؟
الهنوف تضحك- لا تخافي مو سعوديي حقش
ريوف- يازفت مو بحقي
الهنوف- مالكم دخل
سلمى- قسم انش بتقولين 
الهنوف ابتسمت-واحد من عيال عمامي
ريوف-ياكثر عيال عمامي
الهنوف- يالله مع السلامة (وقامت من عندهم وهي تضحك)
سلمى-  مدري كأني عرفت
ريوف- منهو؟
سلمى- احس سلمان ولد عمي
ريوف-الله الله وشدراش
سلمى- بس احساس
ريوف- الله يرعاش ماعندش ماعند جدتي
سلمى تضحك-الظاهر
...
جاء الليل والرجال قاموا وذبحوا ذبيحة ويشوونها وكذا
المكان كان ظلام بس انوار جايبينها معهم فكان البنات عادي مو متغطيات
لجين تغطت ولبست نقاب  وقامت كلمت عبدالرحمن الي كان جالس عند جبل بعيد عن المكان شوي  :-
- دحوم دحوم
- بسم الله لا اله الا الله
- وش شايف انت!
- استغفر الله وين ما جيت ملاحقتني على بالي بسم الله فجعتيني
- بسم الله عليك ابيك تجيب لي كوفي في هذاك الي بالعلب تعرفه
- حد يشرب كوفي فالليل؟
- ايه انا وبلا تحقيق دحومميي
- قال في نفسه(استغفر الله العظيم وشذا) ايه ايه طيب
-تسللممم يولد العم اذا جبته ناديني بتلقاني اتمشى مع اختي هناك ولا تخاف مافي احد
- تمام  ابشري.
....
رويدا كانت تتمشى هي والعنود يتعرفون على بعض بعدين جات لجين:
لجين- العنود ياقلبي ممكن تروحين ابي اكلم رويدا بشيء
العنود-افا تخبون علي
لجين- لا ولا عليش امر بس ابيها بكلمتين
العنود- يالله تمام (وراحت )
رويدا ايوه هلا بغيتي شي ي عيوني
لجين- ايه خلينا نتمشى واقول لش
رويدا -سمي
لجين- سم الله عدوش،وش كنتي تسوين مع ولد عمي؟
رويدامين ولد عمش هذا
لجين- دحوم وش كنتي تسوين معاه
رويدا عصبت-ماسويت شي !
لجين- لا لا ابد ماسويتي شي
رويدا بحده-يالله  سترك عسى ماشر وش عندش
(قامت لجين توريها الفيديو)
رويدا بكذب- بس سألني عن حاجه رفض محمد يقولها له
لجين- رويدا قولي الصدق لا تخليني اسوي شي مايعجبش
...- وانتي وش حشرش شي مايخصش لا تتدخلين فيه فاهمه
رويدا قامت وتغطت بسرعه  ولجين ماتغطت شهقت رويدا وقالت-خير وين حن مفروض عالأقل تقول انك بتجي
عبدالرحمن يوجه نظره حاده لـ لجين - اعذريني بيني وبين بنت عمي كلام
رويدا بعصبيه - اذا تبي تكلمها كلمها بعيد عني مو على اني عطيتك وجه تسوي الي مايتسوى انت وبنت عمك
عبدالرحمن- يمكن انك فاهمه غلط
رويدا - لا والله ماني فاهمه غلط الله لا سلمكم لا انت ولا بنت عمك  (وراحت)
عبدالرحمن- وش قلتي لها؟
لجين- وش عليك انت منها؟