ليتك ولد عمي وابوك اغلى عمامي 🖤

بارت ٦٢

بسم الله الرحمن الرحيم اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم نبدأ هذا البارت:-

بيت ابوعبدالعزيز:-
البنات | المطبخ
كانوا البنات يتعاونون بالشغل من والى ، يجهزون للفطور
نسيم- حظ رويدا وفاطمه راحوا لنجران والكرف لنا هنيه
ضحكت الهنوف- لا صدقيني حتى هم بيكرفون
نجد - شرايتس نخليهم يغسلون المواعين بعد الفطور
روان بضحكه- ليش شايلين هم الدنيا ترا حن كثير بيمدينا نسوي كل شيء بسهوله لو نتقسم الشغل
الهنوف - خلاص انا بوزعكم
نوره - لا انا كبيرتكم بوزعكم ع الشغل
الريم - بسم الله عليتس ، يلا الكرف الاكثر لتس لانتس الكبيره بينا
رزان بهدوء - انا وش علي
نوره- رزان والريم تسوون السمبوسه والقطايف، سوير تسوين العصيرات ، الهنوف ونجد تطبخون اللحم ، انا بغسل المواعين واخبز الخبز روان تقطع السلطات وبكذا نكون خلصنا
رزان بضحكه- قدام، طلعت شخصيتس قياديه
نوره- ورثتها من الوالد جعلني قبله
دخلت رويدا وفاطمه وقالو - سبرايييييززز !
روان- ارحبوا وين كنتن
فاطمه-  البقاء يعيوني، بديرتنا نجران ربي يحماها ،وش نساعدكم به
الريم- ابدد انتن اجلسن وحن بنكمل اكيد تعبانين عقب السفر
نجد- ايوه صح حن كثير هم قولن لنا وش صار معكن
رويدا- كسبنا القضايا كلها قضيه زياد وقضية عبدالرحمن وق..(سكتت) وبس
صرخت الهنوف بفرحه- الحمممممدلله ياااارب 
نوره من الفرحه عشان اخوها قامت تصيح وقالت- ويييين جوالللييي اتصلللل لهههه
(راحت نوره تتصل لزياد)

زياد |الليث
_____
زياد- الليث ممكن اكلمك على انفراد شوي
الليث - طيب
" طلعوا برا للحوش"
زياد- ليث وش فيك م انت على بعضك اليوم !
الليث تنهد- وانت وش لك من حاجه؟
زياد نظر له بقوه  - ابد ، كأني اعرف سبب ضيقك !!
الليث رفع حاجبه- مانيب متضايق !
زياد- ايه واضح ، ترا باين فيك ! وانا اعرف السبب ! وانت بتنكر !
الليث ابتسم بسخريه- وش هو سبب ضيقي يزيدان؟
زياد بثقه من اجابته - نوير اختي !
بلع الليث ريقه بتوتر - لا مو هي ! لمعلوماتك انت  وابوك اخر همومي !!
زياد ابتسم بستفزاز - خلاص ، اللي يريحك كنت على اساس بساعدك بس ما رح ارمي اختي لواحد هي اخر همه
الليث نطق بضيييق وانفجر يخرج كل شي كان كاتمه بقلبه - ما قلت اخر همي هي !!!! افهممم
نوره كل همومي لو تدري !! ما بنكر مابنكر يازياد كميه التعب اللي فيني من ابوي والله يازياد ان نوره الوحيده اللي احبها وابيها لي ورويدا ما اعتبرها عندي غير نفس روان اختي ،بس جارت علي دنياي يازياد اذا انا اللي اكبر منك مالي كلمه تنقال عند عمامي انت وش بتسوي
زياد بقهر- ياليث كلنا كنا بصفك انا وعيال عمامي كلهم وعبدالرحمن وفهد بعد ! اخر شي كسرت كلمتنا وجاهنا ورحت لعمي مسفر !!
الليث- يازياد ماعاد لي وجه اكلم ابوك ! مالي وجه اكلمه بعد اللي صار ، ابوك كسرني يازياد وابوي كمل الكسر انكسرت  خلاص ماعاد ودي بشي في ذي الحياه
زياد- ياليث ليه كبرت موضوعك افسخ الخطبه وتقدم لنوره !!
الليث صرخ بوجهه- انت ماتفهمنييييي!!! مسوي فاهم وانت ماعندك سالفه !!
زياد ناظر له بخوف وقال - طيب اهجد !! وخفف صوتك شوي ترا ما انا اصغر اخوانك عشان تكلمني كذا !!
الليث تخطاه بهدوء ولا اعتذر منه من كثر النار اللي بقلبه
___
عبدالرحمن ومحمد :-
خذاه عبدالرحمن بسياره ابوه وراح يتمشى معاه للممشى الضباب كان الضباب نازل والجو يهبل " اجواء ابها دايم حلوووووة! وعلى فكرة اليوم بروح ابها"