ليتك ولد عمي وابوك اغلى عمامي 🖤

بارت ٥٩

بدينا العواصف😉؟ يب
بسم الله الرحمن الرحيم اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم 🖤
....
نبدأ هذا البارت
بيت ابو فيصل |نجران
_____

فيصل تأفف- طيب من وين بتوفر حق الاثاث
قطع كلامهم اتصال من " الجد هذال "
ابوفيصل-عمي هذال يدق اصبر شوي واكلمك
فيصل بضيق وهو يفكر بنفسه " طيب وفرت حق اجار سنه كامله كيف بتوفر اثاث كامل وبسرعه " تنهدبضيق وهو يقوم من عند ابيه الي يكلمه الجد هذال..

سياره عبدالرحمن| القنفذة 
ام عبدالرحمن - بتوقف لنا نصلي العصر يادحوم
عبدالرحمن - ابشري، فيه مسجد قدام شوي
(بعد خمس دقايق)
نزلوا كلهم لصلاه العصر ...!
استغل دحوم الفرصه وفتح جواله وارسل لها "لو كسرتش كني اكسر من مقامي لو جرحتش والله ان نفسي دنيه!"
قفل جواله وخلاه بجيبه
دخل يصلي ..

(فلاش باك قبل لا يسافرون وفالفندق غرفه دحوم  )
اتصل دحوم لفهد :-
- الو فهد ابيك بموضوع سريع
- ياهلا سم !
- سم الله عدوينك،  ابيك تقول كل شيء شفته لجدي بسرعه انا ابي انهي ذي المسخرة طاااااالت!
- ابشر ، بس ايش بالضبط
- قول له عن سيارتي وعن بيت عمي ابومحمد وكلم سعود يحجز طيران ويقابلني بنجران سريييييع !
- تم من عيوني ، تامر شي ثاني؟
- ابطلبك حاجه !
-لو تطلب عيوني وانا اخوك سم
- سم الله عدوك نفداك ، الشي ممكن يكون شوي صعب لكن انت محقق واعرف انك قدها
-بسم الله وش فيك ياولد لا توترني
- لا تخاف مافيه شي بس برسل لك رقم اخت محمد تمام
شهق بصدمه-اخت محمد ! ليش ووش عرفك برقمها رويدا صح؟
بهدوء- ايه هي لكن اسمع مني كل حاجه اول شي انا بغيت اسألها قبل كٍذا لكن تعرف انا لا نيب قريب مره لها ولا شيولا اعرف بالتحقيق حيل ،اتصل لي بدر امس من عندها ووصلني رقمها وانا الي ابيه منك تستفسر منها عن الي قاله لها بن سعيد قبل اجيها
-يعني سالفه التحرش  سيف النذل، اهااه فهمتك فهمتك ابشر ! بس ليش ما كلمتها انت
- اول حاجه رقمها عندي اكيد رقمي عندها وبتعرفني وابيك تجيها من رقم مو مستخدم علشان تضمن كلشي يكون بسريه ليا منك جيت تسلم المحادثات للشرطه تكون محادثه بين المحقق فهد بن محمد بن هذال وبين الضحيه مباشره يعني انت تعرف بذي السوالف اكثر مني لكن
- لكن ايش
- لكن اضمن انها ماتعرف من انت ليا منها قالت لك من انت لا تقول لها وعاد انت تعرف شغلك مايحتاج صح
- ابشر ولا يهمك بس اخاف تعصبني
- كيف ؟
- يعني ليا منها اصرت علي ان اقول لها من انا
- تصرف لكن بهدواه
- تعرفني فهد ما اتحكم باسلوبي ودايم افرض شخصيتي
- تدري سو اللي عليك وخلك في تواصل معي
- تم ابشر ، يلا مع السلامه
- لاهنت
- ولانت
مرت فتره قصيره وقام فهد يرسل لدحوم المحادثات ضحك دحوم وارسل له " تمام تمام حلوين للأن بس كان اسلوبك قاسي شوي"
فهد بضحكه " ياخي ويش اسوي ما اعرف اتعامل مع بنات بذات هي "
عبدالرحمن " على كذا الله يعين العنود ، م علينا خفف من اسلوبك شوي"
فهد"ياخي قهرتني كل شوي تقول بعطيك بلوك"
عبدالرحمن "طبيعي شخص غريب عنها لازم تسأل بذات انك ولد "
فهد بمزح " لا تكفى اول مره اعرف اني ولد منك "
عبدالرحمن ابتسم " اهاه يعني مفكر نفسك بنت؟"
فهد بضحكه " لا كنت مفكر اني شجره"
عبدالرحمن بضحكه "الجول طول شجره والعقل عقل صخره "
فهد بقهر" قلبت السالفه علي وانا نتكلم عن قضيتك"
عبدالرحمن " البادي اظلم"
فهد ضحك " يعني انت ظالم "
عبدالرحمن بهدوء " م علينا من هذا كله ! كمل بس اشوفك مرسل لي بنوجه بعد شوي للديره"
فهد" تمام الله يسهل طريقكم ، بتركب مع محمد؟"
عبدالرحمن " امي وام محمد وبناتها بيركبون معي"
فهد "جبت لي خطه بقول اني اعرف مع مين تركب "
عبدالرحمن " ياليل منك اقول تصرف ابي بس الكلام لكن مثل ماقلت لك خلك هادي وعقب العصر كلم جدي هذال باللي قلت لك وخل سعود يقابلني بنجران مثل ماقلت لك"
فهد" ابشر ولا يهمك، انتبه لطريقك "
(انتهى الفلاش باك )
______