ليتك ولد عمي وابوك اغلى عمامي 🖤

بارت ٥٥

بسم الله اللهم صل وسلم على نبينا محمد وعلى اله وصحبه اجمعين..🖤
____
الطايف |عبدالرحمن
صحى بضيقه كبيره من تذكر حمدان ، قام من مكانه ناظر لنفسه بالمرايه وشاف انه مازال بلبس الدكتور ،ابتسم ابتسامه وسيعه وقال في نفسه "عقبال ما البسه دكتور ! " فتح جواله وشاف ان الساعه صارت ١١ الظهر وعرف انه تأخر بالنوم ، نزل البالطو وقام على طول وبدل ، لبس ثوب وشماغ وتعطر على انه عنده ضيوف ، توسعت ابتسامته من تذكر ان محمد هنا ، راح وجلس على المكتب وفتح اللابتوب ناوي يشغل له بودكاست وينظف غرفته لانه دايم مايحب احد ينظفها غيره من الخدم وغيرهم ،ارتبك من حس بصوت انين برا غرفته ، قفل اللابتوب وخرج ووقف يسمع عند الباب مادخل مع ان الباب مفتوح ، سمع الصوت وحس نبضات قلبه تتسارع جلس يسمع الين مابان له الصوت
رويدا وهي تغني- آهه ليتك تشوووف..حالي وفيني ترووووف..لا تقول الظرووووف..الحُب مايعرف الخوف
ابتسم عبدالرحمن من صوتها وقال - لبيه ياصوت يرد الروح ياليتني اصبح عليه بكل ايامي
وقف مكانه ونادى بقصد- شوووق شووق في احد معاش؟
رويدا ناظرت للباب وسحبتها الهنوف بسرعه
رويدا وجهها قلب احمممر- وانا اختك يامحمد
الهنوف بضحكه- اششش بس
شوق بنفس النداء -ايه يادحوم عندي بنات عمي مسفر
عبدالرحمن- اخوك نمتوا هنا ولا بس جيتوا
شوق ركضت لعنده - نعم وش تبي وش جايبك
عبدالرحمن بصدمه- انتوا الي وش جايبكم !؟
شوق - يعني انت ما دريت ان حن هنا
عبدالرحمن-لا وربش اني مادريت وش بيدريني
شوق- م علينا شفت شي
عبدالرحمن- كيف
شوق بغمزه- ولا سمعت شيء
عبدالرحمن يسوي ثقيل - لا ولا ابي اسمع اذلفي هناك كان تقولي لي انكم تنامون هنا الحين وش اقول للعيال اقول نمت مع بنات عمي مسفر
توسعت ابتسامه رويدا من قال " عمي" وكان الي ببالها تحقق وقالت في نفسها " لو ان ابوك عمي كان اغلى عمامي" الهنوف لاحظت سرحانها
شوق- امم ياغبي الحين العيال كلهم صاحين !
عبدالرحمن- بسم الله عليش طقت الميانه بسرعه قبل شوي وش جايبك والحين ياغبي !
ماقدرت الهنوف تكتم ضحكتها اكثر وضحكت وقالت - انا امون عليك فما بالك باختك !
عبدالرحمن ادرك على نفسه وقال-السموحه والله مادريت ولا لي علم ان فيه احد هنا الا يوم سمعت ..ءء ولا شيء خلاص
ضحكت شوق وقالت-سمعش يالرويدا
عبدالرحمن سد على فم شوق وقال - يلا مع السلامه انتبهوا لحد يدخل عليكم ..
رويدا وجهها طماطم- الله يقطع ابليسش ياشوق ليه تقولينه انه انا الي يغني
شوق بضحكه -- ولو ماقلت له ، صدقيني بيميز صوتش بين الف
انحرجت رويدا والهنوف ضحكت- شدخلها هي؟
شوق- اوهه ماتدرين انها هي واخوي (سدت رويدا على فمها)
حز كلام شوق بقلب الهنوف مع انها تحبهم الاثنين بس تتذكر خطبه الرويدا ويروح كل سيناريو براسها
ضحكت الهنوف - خلاص رورو فكيها ترا ادري انش تحبيه من زمان
رويدا وسعت عيونها بصدمه وناظرت لشوق- الا ام لسانين ماسكتت
شوق بضحكه- اسفه اسفه
الهنوف - يلا البسوا نروح نفطر
شوق - العيال برا بالمشب ! بيمدينا ناخذ راحتنا !
الهنوف- الحمدلله
...