بسم الله الرحمن الرحيم اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم
نبدأ هذا البارت:
زعلت من تفاعلكم القارئين فوق الخمس ميه والنجوم ماوصلت ١٠٠؟ هالله الله بالتفاعل هالحينه م انا احب اشدد بالتفاعل بس ابي حقي يتقدر😔🤌🏻
ببيت أبوعبدالرحمن:
عبدالرحمن صحى الظهر ، وقام وخذا له شور خفيف ينتعش، رتب غرفته ، لبس ثوبه وشماغه ورش من عطره المفضل له، خذا جواله وكان الاشعارات مكالمتين من محمد ،ضحك وقال - نومي ثقيل !
فتح جواله وبحث عن رقم محمد واتصل له :
- السلام عليكم
- وعليكم السلام هارحب
- البقاء ومن قال يرحب ، اعذرني كنت نايم الا وشبغيت؟
- قال لي سعود انك بتروح للدمام يعني مابتحضر الملكه اليوم
- والله يامحمد الود ودي وانا اخيك لكن والله اخواني لازم اوديهم لأمهم امي هيله ونرجع لكم قريب
- خيره الله ، الله يوصلكم بالسلامه واصلني وانتبه لدربك
- هابشر ، وبارك لسعود نيابه عني
بضحكه- الله يبارك فيك عقبالنا ههههههههههههههههههه
بضحكه- آميييين يييارب
- ودعتك الله
- فمان الله
قفل جواله وتوجه لتحت وكانت شوق تساعد امه وتسوي معها الغداء وبدر كان جالس بالصاله يلعب سوني ، دخل المطبخ وقال - السلام عليكم
ردوا السلام وقال- ابطيت؟
ام عبدالرحمن بضحكه- والله م بغيت اصحيك قلت وراك سفر ولا الصدق تأخرت
عبدالرحمن ابتسم- والله نومه بطله صدق
شوق - نوم العوافي يا دحوم ،متى ناوي نسافر
عبدالرحمن- عقب الغداء نتغداء ونروح امي كلمتي ابوي لأن ممداني اكلمه كنت مع العيال امس
ام عبدالرحمن- كلمته بس خفت عليك يوم رحنا من عند ابوعبدالعزيز وانت مب معنا ، لاتروح مكان بدون م تقول لي
عبدالرحمن ابتسم- حقش علي يالغاليه ..،
..
بيت ابوعبدالعزيز:-
صحيوا البنات سبعه الصباح لأنهم ناموا كويييس بالليل ،وقاموا ورتبوا فراشهم ،وابتدوا صباحهم بإيجابية عدا نسيم
نسيم بضيق- ماجاء على اللي في خاطري الفستان قهر
رويدا- وش فيه طيب؟
نسيم - واااسسسع واللي يقهر اني معطيتهم المقاسات بالضبط
نوره - خيره الله يوخيتي
نسيم امتلت عيونها دموع - بس انه الملكه اليوم
ضمتها الهنوف - ياحبيبتي يانسوم م عليه نروح نشتري لش هالحين شرايش؟
نوره- عاد ابها ملييييانه مولات بنلفها كلها لو تبين بيمديينا بالراحه شوفي الحين الساعه ٧ الصباح
نسيم ابتسمت- الله لا يحرمني منكم
الريم - ولا منتس يروحي بس جد تبون الكل يروح معها؟ من بيودينا؟ اكلم عبدالله؟
نجد - لا بكلم الليث يودينا بالصالون حقه ونروح هناك شششرايكم؟
فاطمه - خلاص نسيم والريم ونجد ونوره والهنوف روحوا وخذوا باقي احتياجاتكم بعد ! وحن بنكمل شغل البيت
ساره زفرت براحه- اهم شي الاكل من برا
الجود بضحكه- على انتس تعنيتي وانتي تطبخين
ساره - هص هص ولا كلمه !
أنت تقرأ
ليتك ولد عمي وابوك اغلى عمامي 🖤
Poetry عزت علي نفسي ونفسي عزيزه ماهي بترضىّ موقف الذل والهون . _ اول رواياتي كاتبه مبتدئه جداً 🤎. انستقرامي: wrd_516h _
