ليتك ولد عمي وابوك اغلى عمامي 🖤

بارت ٢٠

عند البنات:-
سلمى- كنتي بتضحين بنفسش ولولا الله ثم عبدالرحمن كان الله عليم وش بيصير
رويدا- يعني هو شافني بدون نقاب ؟؟

الهنوف- واكثر بعد هو الي طلعش من المسبح وخليني ساكته احسن
سلمى- ليه ساكته قولي شفتش متردده وانتي تتكلمين يوم حن عند البنات

رويدا تذكرت يوم صحت وهو قدامها- لا لا تكفين انطمي خلاص تذكرت
سلمى- قسم لو ما تقولون لي
الهنوف - سوا لها انعاش رئوي ههههههههه

رويدا بقققت عيونها وسلمى فطسسسست ضحك رويدا انحرجت
سلمى-بشويش وجهش كنه طماطم
رويدا- خلاص اسكتوااااا

سلمى- ابوي بيجي بعد شوي يزورش انتبهي تطرين عبدالرحمن او تقولي انه تعبان
رويدا-ليش طيب ماسوا شيء بس ...(سكتت وانحرجت)
الهنوف- الي قالته سلمى وبس

....
في مكان اخر  بنجران-:

فيصل- ابوي هو صدق جاء على عمي ايقاف خدمات
سلطان ابو فيصل- هااه اي وااحدد؟؟؟
فيصل- عمي مسفر سمعت انه جاه ايقاف خدمات والله
ابوفيصل- افا ولا قلت لي!!
فيصل-توها وصلته الرساله امس  على ظنتي
ابوفيصل- اووووووه يالعلم الشييييين كيف عاد بيسوي دق له دق له
فيصل- ابشر
ودق على ابومحمد
...........

الشاليه (الرجال):-
ابومحمد- ياعبد العزيز بتوديني المستشفى عند بنتي
عبدالعزيز- ابشر ياعم تامر امر
ابومحمد- تبشر بالجنه دق على ماجد وقول له جايين بالطريق
عبدالعزيز-ابشر
ابوعبدالرحمن- استأذنكم بروح اشوف لولدي علامه تأخر
ابوعبدالعزيز- اذنك معك
(ترن ترن ترن  جوال ابومحمد يدق ).
ابومحمد اخذ جواله وطلع (سلطان اخوي يتصل بك)
- السلام عليكم
-  وعليكم السلام ارحب ياسلطان ارحب
- الله يسلمك وانا اخوك ايش حالك ايش اخبارك زمان عنك وعن زيارتك ما بتزورونا هذا العيد عندنا عزيمه يوم ١٤ شوال لازم تكونوا حاضرين
- الحمدلله بخير؛ ان شاء الله اذا ربك كتب لكن وانا اخوك (زفر بضيق)
- قد سمعت بأيقاف خدماتك دور لك محامي للقضية معقوله الخطأ عليك
- والله عادنا بنشوف لها ويارب ما يصير الا كل خير
- واذا صار شيء تعالونا هنا وحنا نعين ونعاون ان شاء الله
- منكم الخير الله يسهلها
- المهم لا اوصيك كلكم لا تجلسون وبناتك الهنوف ورويدا لا يجلسون اما ماجد بكلمه انا
- ان شاءالله الله يكثر خيرك يا سلطان بروح الان المستشفى
- سلامات عسى ماشر
- الله يسلمك بس عندي رويدا تعبانه شوي
- الله ينعى وجهي
- ينعى عدوك
-يالله مع السلامة لاعاد اطول عليك سلم على رويدا وطمني عليها ولا عاد تقطعون وصالكم ياخوك
- يالله الله يستر عليك
.......

فالمستشفى :-
عند عبدالرحمن:-
دخل ماجد وسلمان
سلمان- الحمدلله على السلامه يادحوم
عبدالرحمن-الله يسلمك
ماجد غمز له- المنقذ  البطل ههههههههه

عبدالرحمن- لقب جديد ههههههههه
سلمان- ذكي في الاسعاف الاولي
محمد يتذكر وفطس ضحك وسلمان من الجهه الثانيه