ليتك ولد عمي وابوك اغلى عمامي 🖤

بارت ٤٣

نبدأ هذا البارت من عند شوق |
________________________
صحت من بدري وقامت وصحت اخوها قامت ورتبت اغراضها بشنطه وحطتها بالدولاب عشان لا حد ينتبه لها
بعدها قامت ولبست اللبس كاجوال ( عشان عندها اليوم اوف من الجامعه) حطت عطر خفيف لبست طرحتها ثم توجهت هي وبدر للمطبخ
قامت هي تسوي الفطور على انه اخر يوم بتجلس معاهم وكان بدر موجود
صحى حمد وراح وشاف شوق جالسه تطبخ بالمطبخ
جلس على طاوله الاكل مع بدر
تنحنح- احم
التفت له شوق بعدها صدت وجهها عنه
حمد- زعلان قلبي ؟
ماردت شوق وكانت متقرفه منه
كملت تضبط القهوه والشاي ؛ ضبطت لهم عالفطور جريش وعدس
حمد- الله الله الفطور اليوم من يدينش اكيد بيكون حلو
بدر- ايوه حلو
برضو شوق تتجاهله
قام حمد وقرب منها وبدر كان موجود همس بإذنها - على وين ناويه تروحي؟
شوق هنا انصدمت والتفت له وكان بالحيل قريب منها قالت - وين بروح يعني ؟
تراجعت على وراء وهي تطنشه
بدر قام وجلس حول اخته
شوق تطمنت من جاء بدر وجلس حولها
حمد كان يراقب كل شغل تسويها
دخل ابو مقبل وهو يقول- ما شاء الله صحيتي بدري؟
شوق ببتسامه مصطنعه- ايي
ابومقبل جلس عالطاوله
شوق ابتسمت بالغصب وهي تحضر الاكل - بروح انادي عمتي ومقبل وحزام وهاجم والبنات انتظروني
حمد- لا انا بروح اناديهم انتي اجلسي
شوق ببتسامه مصطنعه- لا لا ارتاح

قامت شوق وراحت لغرفه مقبل اول واحد
دقت على الباب اول مره وثاني مره وثالث مره محد رد قامت وفتحت الباب وشافت الغرفه مرتبه ولا احد فيها خافت شوي وجت تبي ترجع شافت مقبل ( عمره ٢٨ سنه) وهو خارج من الحمام ولاف روب الاستحمام عليه
تراجعت لوراء من الحياء وصقعت بالكرسي حق مكتبه وطاح
مقبل بخوف واضح- بسم الله عليش ! جاش شي؟
استحت تلقائيا حمر وجهها وقالت- ءء اسفه بس بغيت اناديك للفطور وخفت يوم ماشفت احد هنا
ابتسم مقبل وهو يقول - لاا عادي ثواني وبجي معذوره

خرجت شوق ووجهها ضارب بالارض من الحياء
راحت ودقت الباب على غرفه حزام وهاجم
قام هاجم ( ٢٣ سنه ) فتح الباب بقوه وقال- خير جتنا ام دميعه شتبين ؟
شوق تنرفزت- تعالوا افطروا
هاجم- اهاه يلا يلا اذلفي هم بنجي
شوق- ان شاء الله ماعاد تشوفني قدامك
هاجم- على انه من زين شوفه وجهش الي يجيب الصداع
مقبل جاء من وراء شوق - اسكت انت ! فاهم !
هاجم- اشوفك تدافع عنها
مقبل -شيء راجع لي اصحى وبدل بعدين لك وجه تخرج بذي الملابس
هاجم- اقول اذلف بس ( قفل في وجهه الباب)
مقبل- وش قصدش يوم قلتي معاد تشوفني قدامك؟
شوق بهزه'- مم م م مقبل توديني الجامعه
مقبل- ماعندش اوف اليوم؟
شوق- الا بس وديني تكفى ماحد عارف ان عندي اوف غيرك
مقبل- ء ء طيب ليه
شوق وهي تلف انظاره بعيد عنه- بس كذا تكفى طلبتك وبقول لك بالسياره
مقبل - طيب جهزتي بدر لداومه؟
شوق- ايوه جاهز
مقبل- خلاص خلصي فطور والبسي عباتش وتعاليني السياره برا
شوق- سلمت
هيفاء كانت جايه وسمعت تمتمتهم بس مادرت عن شيء- اشوفها عجبتش السوالف مع اخوي
ميرا- خليها بحالها ماسوت لش شيء
هيفاء- يععع متشوفيها مع اخوي
مقبل اعطى هيفاء نظره حاده وقال- وش دخلش انتي
ميرا- شدعوه يا مقبل شي تافه الحمد لله والشكر