ليتك ولد عمي وابوك اغلى عمامي 🖤

بارت ٨٦

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم
__

"يا رب لا تكتب ‏عليّ من الشقى دربٍ عسير
‏ولا تـحمّلـني قـدر ذرَّة .. ولا ‏مـثقالـها". .

_____
رويدا |الهنوف
_______
كانت تتقهوى بأمان الله بعد كرف بالأسواق وكذا  ، ابتسمت من شافت محَمَد مرسل لها  اللوكيشن،  وفاتح التتبع،  فتحت وانصدمت من شافت الإسم "Italy 🇮🇹 "
صرخت بـــ - اعوووذ بالله من الشيطان الرجيم ذا وش موديه ايطاليا !
الهنوف- منو منو حبيب القلب ؟
ابتسمت رويدا من تفكير الهنوف- اييه حبيب القلب والروح بعد
نطت الهنوف وقالت - انتبهي لا يدري ابوي !
ضحكت رويدا وقالت - عادي طيب
الهنوف بضحكه - رايح ايطاليا هاه يجيب لك هدايا مناك ولا وشو ،ولا يجهز لشهر العسل ؟
رويدا بضحكه- اعوذ بالله بدري وانا اختش، بعدين تراه محَمَد
شهقت الهنوف- اما محَمَد! وايطاليا؟ مايجتمعون ههههههههههههههههههه
رويدا بضحكه- وليه ؟
الهنوف- محَمَد ابداً مو من النوع اللي يحب يسافر برا كثير حتى ابوي لما كان يسافر مايروح معه
ضحكت رُويدا وقالت - مانيب خفيفه زيش انتي وتفكيرش بعدين اتفقت مع شوق ماراح يكون بيني وبين دحوم كلام ليوم الزواج
الهنوف -ههههههههههههههههههه الله يسعدش ، بعدين دقيقه،  وش موديه صدق !!
رويدا- علمي علمش برسل له .
رويدا ابتدت ترسله
"محمد"
"حمودي ولد"
" لييه رايح "
" خير من بيجلس معي"
"دقيقه انت قلت بتروح الرياض"
"وش غير الوجهه ؟"
"بعدين ملكتي قربت !"
"وش مهبب فيه "
" اهبدك انت ودحوم لو يصير فيك شي "
" ولد علامك ماترد"
كان قلبها ينغزها  لأن محَمَد مايروح ممكن بدون مايصور لها الا هالمره وحتى كذب عليها!
رد محَمَد وهو مبتسم انها حست فيه وان في شيء صاير له بس مابغى يقلقها " ارحبي ارحبي يامرحبا واعز من يرسل لي وانا اخيش،  ابد،  عندي كم شغله لازم اخلصها هنيا ، وبرجع لا تشيلين هم وانا اخيش ،مابغيت اكذب عليش بس خفت انش تصرين علي واكنسل وانا واعد دحوم امشي ، "

وبضحكه قال " وبرسله كلامش انش بتهبدينه ههههههههههههههههههه "
انصبغ لون وجهها بالأحمر وهي تقول " الشرهه على اللي تخاف عليك ! بعدين دقيقه صور لي وينك بالضبط وليه الموقع يدلني على مستشفى !"
محَمَد استوعب على نفسه وتلعثم وهو يفكر ثم قال"ابد ، ازور واحد من اخوياي ! لا تخافين "
ضحكت رُويدا وقالت " طيب صور لي وجهك ، اشتقت اشوف بسمتك وانا اختك "
محَمَد ارتبك لأنه يعرف حركات رويدا وانها تبي تقفطه بس ارسل لها صوره مصورها قبل وهو بالكوفي وقال " جاتش "
ابتسمت بأمان من شافت وجهه منور وهو مبتسم
وقالت " عسى السعاده ماتفارقك وانا اختك وعقبال مانشوفك عريس واصير عمه "
ضحك محَمَد وقال " وعقبال اسمع اللي يناديش ماما !"
ابتسمت وهي تقول " ايه تبي الفكه مني من الحين !"
محَمَد " افا عليييش ابيش بوجهي دايم "
رويدا " كنت زعلانه بس انبسطت لما كلمتك وتأكدت انك بخير"
__
محمد|
___-'
محَمَد ابتسم يشوف رسالتها بتعب ويستودعها الله ، ناظر له الدكتور وقال له انه خلص يضمد جرحه وانه بإذن الله بيطيب ، اتصل على جمّال واستفسر منه وقال له انهم القوا القبض على المجرم ، استأذن منه محَمَد يشكره على انه وداه المستشفى ، وودعه وهو يوصيه على نفسه وعلى اخته ، وبغى يرجع الفندق