ليتك ولد عمي وابوك اغلى عمامي 🖤

بارت ٧١

اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين لا تجعلوا روايتي تلهيكم عن طاعه الله وصلواتكم نبدأ هذا البارت:

الدمام | غرفه عبدالرحمن وبدر
____________________
صحى عبدالرحمن وقعد يستوعب وينه فيه لأن النوم نساه ،
استوعب وقام وشاف الساعه الا هي ١٠ الصبح
،انصدم من شاف بدر صاحي وعلى جواله
،التفت له وقال -صح النوم
عبدالرحمن ابتسم-صح بدنك ، ليه ماصحيتني يبدر؟
بدر بطفوليه -ما دريت خفت تعصب علي اسف !
عبدالرحمن بضحكه- لا ماعليك ، كم لك جالس ع الجوال؟
بدر- شوي بس شوي
عبدالرحمن بنظره حاده- بدر عيونك بتتعب !! لا تجلس ع الجوال كثير هات جوالك اباخذه
بدر- اسف يادحوم
عبدالرحمن ابتسم وهو يمسح على راس بدر وقال - بدر لا تتأسف على كل شي ترا عادي انا بس خايف عليك
بدر - ابشر انا ادري انك كفو
عبدالرحمن ابتسم- م عليك زود ،الا بسألك قد صحت شوق؟
بدر- والله ما ادري
عبدالرحمن- روح شوف لها وصحيها وانا بجيب الفطور من برا لا تطلع من الشقه طيب ؟
بدر- على خشمي
عبدالرحمن- عليه الشحم ، هاك جوالك ، ولا عاد تجلس عليه واجد لو تدري امك زعلت
بدر- بس انكم كلكم نايمين ما عرفت وش اسوي
عبدالرحمن بضحكه- يالله بالخير بتأخر انتبهلك!

خرج بدر من الغرفه رايح لغرفه شوق وعبدالرحمن نزل للسياره وفتح الدرج وخذا سلاحه، تحرك لين ماوصل عند مطعم وجلس ينتظر الطلب بالسياره ، اخذ تنهيده طويله وهو يتصل على سلطان آل عدي
رد عليه بنفس اللحظه كانه كان ينتظره وقال ..... ،

..
في ابها |شقه محمد آل هذال " ابوفهد"
_________________________

الساعه ١٠ الصبح :
رتيل - يمه بنات عمي بيطلعون للمول عادي اطلع معاهم؟
ام الوليد- اطلعي بس من بيوصلك
رتيل- بطلب سواق
فهد ببرود- انا بوصلش !
رتيل ابتسمت - الله خلاص تمام اجل بروح مع فهد !
فهد - خمس دقايق وانتي عندي تحت
رتيل- ابشر
نزل فهد وتنهد وهو يفكر " ان رحت لنجران رجع للطايف وان رحت للطايف رجع لأبها وان رجعت ابها ، راح للدمام ، صدق معاناه"
ضحك من تفكيره ونزل للسياره
انتظر اخته ونزلت عقبها وداها للمول مع بنات عمها ، كان موجود بعد خالد ، وموجودين خواته وسند جايب اخته
ابتسم فهد وقال - جابكم الله اجل خلونا نفطر سوا
سند - ونخلي البنات يتمشون ع كيفهم لا والف لا
فهد بعصبيه - طرق عن خشمك تفهم ! ، اذا مالك صده اختي لا اسمعها تشكي منك وروح الحق وراهم جبناهم يتسلون ولا وجينا نطارد وراهم ؟ !
خالد بهدوء- خلاص اهدوا مايسوى الموضوع
سند - بتفهم كلامي بعدين يافهد وقول سند ما قال
فهد - وش اللي بفهمه ياسند وش تحاول توصل؟ اختي قد الثقه
سند بضحكه مستفزه - اهم شي انك عرفت مقصدي بدون لا اقول لك
سفهه فهد وهو يقول -خالد وش تبي من قهوه
خالد بهدوء- ابطلب لي موكا لاتيه وانت؟
فهد- اطلب لي على ذوقك
سند انقهر من سفهه فهد وقال -ابطلب لي ايس امريكانو.
----
____________________
ابها | بيت ابوناصر
________
كانت ريوف جالسه تتأمل صورها للملكه وتتبسم كانت فعلا مصدومه من فعل سعود وانه خطبها بنفس اليوم اللي اعترف لها فيه بس ماتنكر انه بهاللحظه دخل قلبها ، ماكانت تشوف سعود سوى اخ ، وكانت تشوفه للهنوف من قبل، تبسمت من تذكرت موقفها معه بالمجلس؟ ضحكت وقالت - كبرنا وطحنا ياريوف
خرجت من غرفتها للصالة اللي كانت مليانه هدايا من ليله البارحه نزلها ناصر وهو في نفسه يقول " كيف بعيش من دونش يروفي ؟"
_____________________
عبدالرحمن | الدمام
_______________
اخذ تنهيده طويله وهو يدق على سلطان آل عدي، رد عليه بنفس اللحظه كانه كان ينتظره وقال- ارحب يولد هذال
عبدالرحمن ببرود - السلام عليكم
سلطان - وعليكم السلام، وش تبي مني ياعبدالرحمن داق بهالصبح
عبدالرحمن ببرود- والله ظني من ردك السريع انك متوقع اتصالي وعارف ليش ابدق عليك ، ماتوقعت توصل فيك الدناءه ياسلطان لدرجه انك تراقب جوالي وش بعد تبي من فهد ومحمد ، ابفهم شغله وحده انت وش هدفك من ذا كله