ليتك ولد عمي وابوك اغلى عمامي 🖤

بارت ٥

عند ابو محمد الي كان في الصاله :
ابومحمد قال في نفسه:ياربي ليش انا ضاايق ليش فيني هالضيقه ليش انا مو متطمن لحاجه بس مدري وش هي ياربي اول مره احتار هالحيره احس في شي ...(يقطع تفكيره اتصال من [سعد اخوي])
رد عليه:
-ألسلام عليكم ورحمة الله
- وعليكم السلام ورحمة الله وبركاته ابوناصر ارحب
- الله يبقيك ياخوي صل على النبي
- عليه افضل الصلاة والسلام سم تراني متضاااااااايق عساه العلم الطيب
-سلامة قلبك من الضيق وانا اخوك صل على النبي واهدا ولدك انكسرت يده و..
ابو محمد من الصدمه قفل في وجه اخوه واول مره يسويها وقام واخذ مفاتيحه ونزل ركب سيارته ولا ضاق من السرعه الي هو مسرعها لا ضاق من المخالفات ولاضاق الا فولده كان شاك مره بشيء مو بزين لكن ما توقع انه يكون فولده وصل اقرب مستشفى نزل وسأل :
-ألسلام عليكم ورحمة الله جاكم ولد اسمه محمد بن مسفر
-وعليكم السلام ورحمة الله وبركاته لا والله
خرج بسرعه واخذ نفس عميييق ودق على اخوه الي توقع انه بيرفض اتصاله لكن كان سعد متفهم لأموره ورد
-أسمع ياسعد وين المستشفى الي هم فيييييه!
- استهدي بالله ي بومحمد هم في مستشفى ......
- سلمت
-بنتك
-وش فييييهااا؟
- طاحت غشيانه بعد سماع خبر اخوها
- رويدااا؟
-الهنوووف ياخوك خلني اكمل
- كمل اسمعك
- عبد الرحمن ولد حازم مسك رويدا من يدها وخلاها تروح معه غصبا عنها واخذ اختها ووداهم المستشفى
- لا مستحيل مايسويها اعرفه!. ويمكن بس عشان انه خاي..(استوعب كلامه انه كان بيقول انه خايف عليها بس وعلى اي اساس يخاف عليها؟ وكمل كلامه) الخسيسسس على اي اساس
- هذا الي سمعته من ناصر
- وينه ناصر
- لحقهم
-مع السلامه
-ستر عليك
وكمل طريقه وهو يفكر
(كيف يعني غصبها ليش مارحت يا ناصر وكيف بيغصبها ؟ يعني انا اعرفها مستحيل تخلي احد يمد يده عليها اعرفها واعرف عبدالرحمن مستحيل حتى يتجرأ يمسك يدها كييف وش قصد ناااااااصصصصررر ياولد اخوي تكفى لاتخيب رجاي فيك تكفى يولد اخوي تكفى)

(في المستشفى)
سلمان: يادكتور هو خويي اوراقه ماهي معه ولا انا اعرف وينها
الدكتور:لازم الاوراق الثبوتيه ما اقدر
سلمان:يادكتور حالته ماتسمح حرجه
الدكتور:مافيني حيله دور لها تكفى بحاول اساعده

سلمان دور في بوك محمد ولقى اثباته ورقم السجل المدني
سلمان:لقييييتتتهه !
الدكتور دخل محمد الطوارئ بينما رويدا و الهنوف وريوف وطلال وعبد الرحمن في الطرييق:
رويدا تشهق بس بدون ماتبكي او تطلع صوتها وعبد الرحمن يسوق وهو على اعصابه ويقول: جايييك ياخوي جاييك جيتتتك يامحمد مارح اتأخر
الهنوف مغمى عليها مع ان رويدا حاولت ورشتها بالمويه بس مافيييه اي استجابه
طلال شاف سياره ابومحمد بسرعه مرت من جنبهم وقال: وصل العلم يارويدا وصل العلم ابوك جاء
رويدا شهقت بقوه وقالت: ياويليييي
قال عبدالرحمن:ابوحازم اش فيش
رويدا:بيقول ليه ما ناصر معانا
طلال بحده:وليش ماحنا رجال؟ ولا كيف
ريوف:اسفه يا اخوي بس ما انتوا من محارمنا وتعرف عمي مسفر وش بيقول
عبدالرحمن: ناصر ماهو محرم الا لك يا ...وسكت بدون ميقول اسمها
ريوف: ادري بس انه اخوي وولد عمهم
طلال: تطمني يارويدا مايصير الا كل خير
عبدالرحمن: خير ان شاء الله.
ريوف:الله يوفقكم .