ليتك ولد عمي وابوك اغلى عمامي 🖤

بارت ٩١

‏مريتهم عابر . . و ليتني عابر
‏تركت كلي هنّاك وجيت من دُوني .

صلوا على النبي صلى الله عليه وسلم
__

بيت ابومحمد |ابها
__
رويدا ابتسمت- يامرحبا الف يبعدي تنورين بيتنا
نزلت رهف نقابها - الله يسلمش يروحي انتي ،منور بأهله
قامت وسلمت عليهم وجلست تسولف واخذتهم السوالف
رويدا- والله ان ودي انش شفتي البيت يوم خطوبتي بس فرصه تشوفينه اليوم
رهف نزلت هديه جابتها وعطتها ام محَمَد- هديه البيت الجديد ياخاله ، الله يجعله مسكن الخير لكم
ام محَمَد- ياروحي يارهف ماتقصرين ،اللهم امين
الهنوف - رويدا ابوي يدق يقول انه جاي
( سمعت صوت الجرس)
رويدا- رهف حبيبي اطلعي الدور الثاني بتشوفين غرفتي قدامش ادخلي وسكري الباب بروح افتح لأبوي
رهف - تم يالله
توجهت للدور العلوي وكان قدامها غرفتين حول بعض ، غرفه مفتوحه شوي وغرفه مقفله
توجهت رهف الغرفه اللي مفتوحه شوي ومن سمعت صوت ابومحمد سكرتها وراها وهي تتنفس
مسحت على شعرها بهدوء ولفت تمشي تبي تجلس على السرير رفعت نظرها للي كان يناظرها بصدمه
شهقت- يمه يويلي !
نطق - انتي مين وش جابش غرفتي!
لفت عليه  وهي تقول - انا هاه
وقف ينزل من ع السرير
تراجعت على وراء برعب من شافته مضمد يده وكاشف صدره
سمع صوت ابوه ينادي - محمد !
خاف من سمع صوت خطواته توضح انه جاي للغُرفه
دق ابومحمد على الباب
سحب محَمَد رهف ودخلها الحمام ودخل وراها
انخرشت وقامت تبكي ، لف نظره يغمض عيونه وهو يعرف انه مُجبر
نطق وهو يناظر بالجهه الأخرى  - لفي وجهش ما بناظر لش
لفت وهو فتح الدش على جسمه
دخل ابوه - محَمَد!
محَمَد-يبه انا اتروش اخلص واجيك !
ابومحمد- تمام تمام بس بغيت اكلمك بموضوع مهم
محَمَد- ابد يبه تبشر
رهف كانت تتراعد وتبكي بدون صوت من الرعب اللي عاشت،  ماتوقعت بيوم انه ممكن يصير لها موقف زي كِذا بالذات مع محَمَد
لفت ونطقت - هيا طلعني !
فتح الباب بسرعه وضحك من شافها تركض
ماينكر انه خايف مره لما سمع صوت ابوه وانه كان ممكن يفكر فيه بالشينه مع رهف وهو ماوده ذا الشي
لبس ملابسه وطلع والابتسامه اللي بوجهه ماقدر يخفيها بالذات لما سمع رويدا تنادي بإسم " رهف" وهنا تأكد انها ملاك قلبه ! وحبيبه روحه
خرج لأبوه ، وسمع صوت بكاء بغرفه رُويدا
تجاهل الصوت لأنه عرف انه بيجيب العيد لو يدخل
__
غرفه رُويدا |
انصدمت من شافته رهف وجهها احممممممر ودخلت ركض ع السرير تغطي وجهها بمخده وتصرخخ
رويدا بضحكه- بسم الله عليش شفيش ّ ؟
رهف- ليييه م قلتي لي اذا يمين ولا يسار وليه غرفكم جنب بعض
رويدا استوعبت وفطست ضحك- ههههههههههههههههههه دخلتي على محَمَد؟ 
رهف ضربتها على كتفها وقامت تبكي وهي تتذكر- ايوه
ضمتها رويدا من شافت دموعها - افا افاا معليش يابنت كل الناس تغلط ما كنتي عارفه ، بعدين ليه البكي حمودي يخوف لذي الدرجه ؟(وغمزت)
رهف ببكاء- اذلفيي ! بعدين علامه مضمد يدينه
رويدا- هاه يدينه ّ ّ
رهف - كان كاشف كتفه ومضمد من جهه مرفقه لتحت يده من وراء
رويدا- يمه كيف وش صار له ، بعدين دقيقه كيف شفتي يده من وراء
نزلت راسها وقالت- مدري 
رويدا بضحكه استوعبت - يوييل حاليي لو انه انا لأبكي لبكره
رهف ضربتها - وليه تبكين ّ ؟ مو دحيم اللي تبينه ؟
رويدا بضحكه- لو سمحتي ، مايقول له دحيم الا انا !
رهف- دبري لي دلع حلو لولد خالي اسمه راكان
رويدا راحت البسمه من وجهها- كيف ! من راكان وليه ما علمتيني عنه
رهف نطقت بقهر تخفي ضعفها -- ابد خالي كلم امي قال بيخطبه لي حسيت اني موافقه وقلت تم ، بيجي الاسبوع الجاي من حايل يتقدمون لي رسمي
رويدا وقفت من مكانها بصدمه- بس محَمَد
رهف نزلت راسها - علامه محَمَد ّ؟
رويدا - تكفين كيف وافقتي قولي انش تكذبين !
رهف رفعت راسها ودموعها على خدّها- مدري !
رويدا- مجبوره ّ؟؟
رهف - آآآه مدري وش سويت بعمري !
رويدا- بنت تكلمي شفيش !
رهف- شافتني امي الله يسلمش وانا كاتبه اسم ولد وابتسم وليتها والله ماشافت !
رويدا بخوف- يمه مين وش الأسم
رهف - مو مهم الأسم المهم انها قالت لخالي يخطبني لولده لا أسوي فضيحه لهم !
رويدا- امااااااا جددد! طيب محَمَد اللي خذيتي قلبه وين يروح
رهف بحراج-يمه شدخل محمد
رويدا ابتسمت - اشك اشك انه بيخطبش
رهف بأسى- ما بتوافق امي
رويدا- انتي اللي بتتزوجين مو امش !
رهف قامت تبكي بحضنها - والله مدرييي
هدت ثم نطقت- ابي اروح استأذنش
رويدا عرفت انها تبي وقت لوحدها ونطقت- الله يسهل امرش حياتي 
قامت ولبست عبايتها ونقابها