ليتك ولد عمي وابوك اغلى عمامي 🖤

بارت ٤٧

ابها| بيت ابوناصر
قام ابوناصر ونادى على ريوف تلبس وتنزل لان سعود ينتظرها ..
نزلت ريوف عقب مالبست فستان وردي فاتح يجننن..وحطت ميك اب نااااعم جدا بس روج بني خفيف وماسكرا فقط ..
استقبلها ابوعبدالعزيز وهو يبارك لها- مبروك يابنتي الله يجعله الف مبروك قره عيوني بشوفش لولدي سعود عروس
ريوف بحياء- الله يبارك فيك ياعم ويقر عيونك دايم (وباست على راسه )
ناصر ناظر للغرفه الي فيها سعود وقال بمزح- النذل بيسرقش مني
ريوف ضحكت بخفوت
ابوناصر- سعود يبي يشوفش
وراح ابوناصر وبيده بنته ثم خرج من عندهم ..
سعود كان جالس على جواله على اساس يبين لها انه مصدوم لكن فعلا انصدم من الجمال وقال - ياهلاااا ويامسهلا
اكتفت ريوف بإبتسامه
قرب منها سعود واختلطت ريحه عطره مع ريحه عطرها الي ذايب فيه سعود وقال وهو يخرج الخاتم من جيبه ويمسك يد ريوف الي ابتدت ترجف ويدخل بها الخاتم
وقال- مبروك ياروحي
ريوف استحت- الله يبارك فيك
شد على يديها- وش فيش خايفه مني والصباح تهاوشين ؟ يالبى المستحيينن
ريوف رفعت عيونها لوجهه تناظر فيه بصدمه وهو ابتسم
بغت ترد عليه ، بس رفع اصبعه على شفتها يسكتها وقال -بعيونش كل الاجابات الي ابيها
زادت رجفه ريوف من قربه ، ابتسم ولا قدر يقاوم وهو يرفع فكها له ويحط يدينه على وجهها ويبوسها على شفتها..
ريوف استحت حييل وقامت تحاول تبعده واستحت اكثر
بعد من عندها وهي قلب وجهها طماطم وقالت- ليه!
سعود- حلالي زوجتي !
استحت وهي تراجع وسحبها سعود وهو يقول- تحبيني؟
ريوف ماقدرت تنطق من شده الحياء
سعود - جاوبيني
ريوف-س.س.سعود
سعود- عيونه !
ريوف ماعاد قدرت تتكلم تلعثمت وهي تقول- ها ءء ءء عيدك مبارك مقدما
سعود بضحكه- باقي عشره ايام يعيوني وانتي العيد والعيد والله شوفتش
ريوف نزلت راسها بحياء ولا عاد قدرت تنطق
دخل ناصر وقال- كنك طولت
سعود بقهر- تبيني اذبحك يالنشبه
ناصر بضحكه- وش مسوي بريوفي
سعود بثقه-صارت ريوفي انا
ناصر وسع عيونه بصدمه من شاف ريوف ترجف- سعود امانه وش قلت لها !
سعود- وش دخلك يالنشبه!!
ناصر- لا بس ان وجهها احمر
ريوف ناظرت في ناصر بصدمه وخرجت بسرعه وهي في نفسها تتوعد فيه ...
انتهى هذا اليوم وابتدا اليوم الثاني
____
وبالطايف| قصر الجد هذآل | الصباح
وعند عبدالرحمن الي راح عند جدته
الجده اسماء- هلا بالمزيون حق آل هذال
عبدالرحمن- هلا بازين جده بالدنيا
الجده اسماء- وش بلاك تعبان يادحوم؟
عبدالرحمن- مانيب تعبان فديت ذالوجه
الجده اسماء- مجار من الفدا وانا امك تبي اكل شيء
عبدالرحمن- تسلمي ياجده قد افطرت
الجده اسماء -نحفان مره
عبدالرحمن ضحك وتكى براسه على كتف جدته وهو يقول " -من بلاوي الزمان
الجده اسماء- بسم الله على قلبك من بلاوي الزمان
عبدالرحمن- اوهه ياجده عندي بلوى تخرج الصدر من بين الضلوع
الجده اسماء قامت تسمي عليه وتقرا عليه
ابتسم عبدالرحمن من حنانها الي دايم يجي بوقته تبسم وهو يمسك يدينها ويبوسهم ويقول- ياجعلني مبكيش يجده
الجده اسماء بحنيه- وش بلوتك ياولدي
عبدالرحمن- طحت ياجده وماحد سمى علّي
الجده اسماء ضحكت وهي تقول- بسم الله عليك من الي طيحتك
عبدالرحمن- اوهه ياجده طيحتني وطيحت غيري وراحت لغيري
الجده اسماء تبسمت بضيق وهي تمسح على راس عبدالرحمن- الله يعوضك ياعبدالرحمن
عبدالرحمن ابتسم بضيق- اوهه ياجده مابعد عيونها عوض
الجده اسماء- ياعيوني انت اكيد انها بنت حلال وقمر دام جابت راس ولدي الثقيل
عبدالرحمن بضحكه- صرت خفيف على جدي ليا منه حبش من صغره
الجده اسماء- طيب خذ لك من بنات عمامك
عبدالرحمن انخطف لون وجهه من قالت له " خذ لك من بنات عمامك "شاف عمته لمياء داخله
وقال بتصريفه- هلا بالعروس هلاا
لمياء- هلا بولد اخويي الححلو
عبدالرحمن- استأذنكم بروح الحوش انتظر عيال عمامي قالوا بيجون يتدربون على الخطوه الجنوبيه
لمياء- لبييه عاد بتفوز عليهم انت ولا ماتعرفها
عبدالرحمن بضحكه- افا سنين في ابها ولا اعرفها
لمياء- بسم الله عليك حصن نفسك ترا عيال اخواني الثانين عيونهم حاره
كان سند جاي ينادي عبدالرحمن- من قصدش ياعمه
الجده اسماء- ياهلا بسند ياهلا بحبيبي ( تقدم سند وسلم على جدته)
عبدالرحمن- ترا اغار ياجده
الجده اسماء- اعقل اعقل ههههههههه
لمياء- هذا ترا عينه حاره
سند- بسم الله علي
عبدالرحمن- توي بنزل
سند- تأخرت قد حن متجمعين حن وغيث وكلنا
عبدالرحمن- اهاه المهم جدي ارسل لي قال يبيني بعدين بجيكم
سند- انشغالات انشغالات اجل !
عبدالرحمن بضحكه- هي الدنيا كذا انشغالات
سند- المهم ننتظرك
عبدالرحمن- يلا بروح لجدي
راح عبدالرحمن عند جده الي قال ان عنده له مفاجأه
قام وباس على راس جده- سمّ يبه شبغيت
الجد هذال بإبتسامه- سمّ الله عدوك، فهد قالي على حاجه وما حبيت اخليها بخاطرك وبحكم انه فيه اجازه عقب يومين تبدأ اجازتك جبت لك هالشي
عبدالرحمن عقد حواجبه بأستغراب- ايش هو؟
الجد هذال- اول شيء حاب اقول لك اليوم فهد بيخطب !
عبدالرحمن- افا ولا قال لي
الجد هذال- ابوه قال مفاجأه له
عبدالرحمن مسك نفسه بخوف انو تكون غير الي يحبها فهد بس ما لاحظ عليه الجد هذال تبسم وهو يقول-ومن هي سعيده الحظ! الي بتفوز بفهودي!
الجد هذآل- بنت خالك دهام
اعتلت الابتسامه وجه عبدالرحمن وهو يقول- الحمد لله الله يتمم لهم على خير
الجد هذال- ظنك توافق عليه
عبدالرحمن-اووه ومن بتلقى احسن من فهد
الجد هذال بضحكه- اشوفك فرحان اكثر منه
عبدالرحمن- فرحي من فرحه وحزني من حزنه وعلى شانه يحبها يستاهلها و...( سكت )
الجد هذآل- بسم الله على احفادي طلعوا خفاف
عبدالرحمن ابتسم- على جدهم هذال
الجد هذال بضحكه- ليتني ماقلت لكم
واردف- واخيرا شفتك فرحان من عقب ماجيت
تبسم عبدالرحمن- يابعد حيي ياجد
الجد هذال بصدمه- ارحب طلع العرق الطائفي
عبدالرحمن بضحكه- ههههههههه
الجد هذال - طيب تعال معي
قام الجد هذال ومسك يده وهو يروح قدام فتح اسطبل خيول وقال - اختار الي تبي وسميه بالي تبيه
عبدالرحمن ابتسم وهو يبوس على راس جده- ياجعلني ما نحرم شوفه وجهك يالغالي عنيتك بسبتي
الجد هذآل- قليله ياولدي يالله اختار
قام عبدالرحمن واختار خيل ابيض بلون الغيوم واشر عليه وقال- ابي هذا
الجد هذال كلم المسؤول- لا هنت ابي هذا
قام واشتراه وقام عبدالرحمن يفكر له بأسم
___________
نجران| مدرسه تركي
تركي راح عند خويهم محمد الي تحارشوا معاه امس وقال- ءء حبيت اعتذر منك على الي صار امس واتمنى ماتاخذ فكره سيئه عني
محمد تبسم وهو يقول- معذور
تركي كمل يومه بإبتسامه ما فارقتهه وخلص الفاينال الي عليه ثم اتصل على ابوه يمره
_______
مدرسه رويدا
جت ريما وهيا عند رويدا ويسلمون عليها
ريما- يوهه جيتي بوقت غلط
رويدا بضحكه- ليش؟
ريما- مالقيتي تجي الا بوقت الاختبارات النهائيه
هيا- عادي ان شاء الله نتقابل عقبها
رويدا- ان شاء الله وش بتتخصصون
ريما- حسب النسبه
رويدا- ادري بس وش يعني طموحاتكم
هيا- ابي اصير استاذه كيمياء
ريما-ابي اصير مهندسه معماريه
رويدا- الله يوفقكم، انا ابي اصير دكتوره عام
هيا وسعت عيونها بصدمه- ما تخافين
رويدا بضحكه- لا ليش اخاف
ريما-يعني كذا تقصين الناس
رويدا انفجرت ضحك- وش الي اقص الناس بس اني احب الدكتوراه من شخصيه معينه
ريما- منهي
رويدا بكذب - بنت رجل اعمال معروف
ريما- ياليل كل وحده بتخصص
هيا- يعني مافيه امل نلتقي؟
( دق جرس الدخول لقاعة الاختبار)
رويدا- حن بنجران بنتقابل
الاستاذه قامت تنادي البنات ودخلوا
مسكت رويدا الورقه وهي تبتسم وتسمي بالله وتبدأ الفاينال
________________
نجران| جامعه محمد
الدكتور جاء يكلم محمد شخصيا- انت ماتبي تدرس ولا وش وضعك
محمد- ليش ؟ وش فيه؟
الدكتور- الكل يقول انك دايم تتأخر على محاضراتك
محمد- طيب؟ وش يعني؟
الدكتور- ترا انا كنت ابي اتخصص دكتور نفسي قول الي بقلبك وبساعدك
محمد- وهو اي حدا يضحك لك ويقول لك كلمه كلمتين تكب عفشك عنده
الدكتور- محمد ! افهمني كويس اذا ما عجبك تخصص المحاماه اقدر اساعدك
محمد- ومن قال انه ما عجبني انا اساسا اكره نجران بكبرها
الدكتور- افاا بس عشان انك تكره نجران وليه؟
محمد بضيق- لان من فتره خويي انطعن هنا
الدكتور- ووش ذنب البلاد بمن سكن فيها واساء لها يعني فرضا واحد كافر بين قبيله مسلمه هل بتحكم على القبيله كلها انو هم كفار؟ لا طبعا يعني النذل الي طعن خويك معناه ان كل اهل نجران كذا
محمد- لا محشومين
الدكتور- اجل؟
محمد- يادكتور انت ماتفهمني !
الدكتور-وش بخاطرك
محمد- بخاطري ادرس بأبها
الدكتور - خلاص الاجازه بعد كم يوم وان شاء الله السنه الجايه ترجع ابها بس خلك مجتهد بهذي الايام
ابتسم محمد- مشكور واسف احرجتك
الدكتور - ابد واجبي
_________
( الهنوف عندها اوف)
________
وعند شوق| بيت ابومقبل
جالسه تنظف هي وميرا وهيفاء ومقبل كان يراقبهم
قامت هيفاء واخذت الاسفنجه وعبتها مويه وطشتها بوجه شوق ، شوق دخلت المويه بعينها
صرخت بوجع- ياربييي ماتشوفين
قامت هيفاء تضحك وميرا من الجهه الثانيه
شوق ارتخت فجأه واغمي عليها قام مقبل على طول ومسكها قبل تطيح وصرخ- وشششش تسووننن انتي وهييي ماعاااد فيـــه حيـــــاء يا قليلات الحيـــــاء
هيفاء بخوف - وش صار لها
مقبل- يعني وش تشوفين
ميرا- اسفين بس والله يضحك
مقبل- قطيعة!
قام وشالها بين يدينه تحت انظار اخواته وهم من الخوف ما نطقوا بحرف!
قام ووداها لغرفته وحطها عالسرير قام يتحسس نبضها شاف انها تنبض بقوه قام ورشها بمويه فزت بسرعه ومن شافت الغرفه الي هي فيها جاها رعب مو طبيعي التفت يمينها وشافت مقبل قدامها ناظرت فيه بخوف- وش سويت انت؟
مقبل- ماسويت شي
شوق- وشو ما سويت شيء انا وش جابني لغرفتك !
مقبل وهو على اعصابه- ماسوييت شي !
شوق تجمعت الدموع بعيونها- تكفى قول لي انك م انت مثله تكفى قول لي اني بخير تكفى قول ماسويت شيء
مقبل - والله والله انتي بأمان والله ما سويت شي تطمني وانا اخيش
شوق بهزه- وشءء صاءءر
مقبل- بس كنتي تشتغلين وبمجرد ما ضحكوا عليش البنات انهرتي
جت هيفاء وبخوف قالت- شوق شوق فيش شيء
شوق- ها ءء لا بخير
قامت هيفاء وضمممتها
شوق انصدمت وما كانت اكثر صدمه من مقبل
قامت هيفاء تبكي فجأه وهي تقول- اسفه والله اسفه والله اسفه سامحيني والله اسفه
مقبل- ش صار على الكون؟
هيفاء ببكاء- شوق سامحيني تكفين ياشوق
شوق على ان خاطرها منكسر منهم- الله يسامحش
قامت هيفاء تضمها بقوه وهي تقول- الله يرحم عمي ملهم الله يرحمه
فتحت جرح على قلب شوق وشوق ابتدت بالبكاء ، مقبل ما كان يبي يحرج نفسه بينهم او انه يبكي من بكاهم فقام من عندهم
فتح جواله وارسل على شوق " هلا شوق ، روحي معاي عقب صلاه العصر واشتري لش فستان احلى الفساتين واشتري لش الي تبينه ولا تدمع عيونش بسبت احد، وحاب اقول لش بوديش يوم الجمعه عند ابوش حازم عشان كذا حاولي تستعدي، وبالنسبه لبدر انا بفصل له ثوب على حسابي وكل شيء على حسابي لا تشيلين هم ابدا بس شوفي وش ينقصش وامريني ولا احد يدري ابدا الا اليوم الي بنسافر فيه وكمان ترا اليوم الي بنسافر فيه بيكون فيه زواج عند ال هذال "
__________
الطايف|قصر الجد هذآل |جلسه الشباب
وصل عبدالرحمن مع جده وعقبها وصلت السياره الي بها الخيل كانوا الشباب متجمعين بساحه القصر وانصدموا لما شافوا السياره الي بها الخيل
سند بصراخ لجده - الله ييياججد هذذذذا لمممن ؟؟؟؟!!
(نزل عبدالرحمن من السياره )
راشد- لا لا لا ارجع ابها الله يصلحك
خالد بنص عين- يا ماخذ الدلال ترا الدلال بس للبنات
غيث- ومن متى البنات يركبون خيل
عبدالرحمن- من قبل لا اشوف وجهك
غيث- ياليل عادك زعلان
عبدالرحمن- م انت من الي يستاهل ازعل عشانه
غيث- ايه واضح
طنشه عبدالرحمن وتقدم منه نهيان- يالله علمنا الخطوه وشغل اغنيه على كيفك
ابتسم عبدالرحمن- قدام
قام وفتح جواله وركبه على السماعه حق السياره ورفع الصوت
ابتدت الاغنيه وابتدوا العيال ياخذون اماكنهم والجد هذال يصفق لهم بحراره
وابتدوا العيال يغنوا مع الاغنيه الي كانت على ذوق عبدالرحمن -
تقول الله يطعني واقول الله يسبق بي
عبدالرحمن بصوت عالي - وغربيٍّ ان نثر حُبه على غيمه جنوبيه
أحس أني إذا قالت فديتك ياعرب ربي
تراقص بي جبال ابها مع الريح الشماليه
ولا ادري ليه تسر ي بي هواجيس وتبعد بي
اذا قالت عسى مافيك يالغالي يجي فيه
تباكرني فداياها وتمسي بي وتصبح بي
واقوم ارقص مع نغماتها خطوة عسيريه
بيا انفداك بيا بي عنك ياروحي وياقلبي
تعلقني على بوابة الروح البدائيه
خذت رقة بنات ابها وعطر الساحل الغربي
عسيرية جسد تزهى بلون خدود ورديه
وتفتح داخلي شرفة مناظرها الطبيعيه
وكحل عيونها ليل على متنه يسافربي
ويبني داخل عيوني لها تمثال حريه
تحوديني وتأخذني لدرب ماهو بدربي
اصولية أدب وأخلاق باستايل حداثيه
تغاغي لي تناغي لي تغني لي وترقص بي
تذوقني حليب الصمت من ثغر الشفافيه
تعاقبني على ذنبي وذنب ماهو بذنبي
..
على ايديها شربت المر ياحلوه على قلبي
قبيلية نسب لكن بلا نزعات عرقيه
اذا غابت تغيبني عن العالم وتبعد بي
اذا ردت أحس اني ملكت الأرض بيديه
اداريها تزعلني وازعلها وترفق بي
وتلبسني وراها لين ترضى الف جنيه
ثلاث سنين بي عنها تخافت بي وتجهر بي
وتقول اخشى اجي والقاك ما تتحمل الجيه
يا لا لاه يلا لا لاه يلا لا لاه يالا لا له
عبدالرحمن- وغربي ان نثر حبه على غيمه جنوبيه!!
ولا حست ولا شافت ولا سمعت بلاويه
كثير أحيان تفلتني وبعض أحيان تمسك بي
ألين أبديت سطوتها على قلبي علانيه
وجتني كما الطوفان يغرقني ويغرق بي
محت عني دروب سود ودروب رماديه
همى لاحساسها غيمي نمى بأنفاسها عشبي
ركض لعيونها شعري وسلمته طواعيّ!!
عبدالرحمن على نهايه الاغنيه- وغربي ان نثر حبه على غيمه جنوبيه!
الشباب كلهم قاموا يصفقون له ويضحكون وكان احسن واحد فيهم يعرف الخطوه الجنوبيه