ليتك ولد عمي وابوك اغلى عمامي 🖤

بارت ٢٩

عند العيال:-
بعد ما وصلوا الشباب سلموا على زياد و عبدالرحمن :--

سلمان - وحياكم الله ياعيال العم
عبدالله- الله يسلمك
سعود- ووييينن مطوليين الغيبه
هاشم- والله على خبرك دوامات وشغل مانفضى
امجد- كبرت مره ياهاشم صرت طوييل
هيثم- انت الي كبر يا الله صرت رجال
امجد - رجال قبل اعرفك

هيثم- ههههههههه ماتوقعت تعصب
تركي- مسوي لي فيها اني الي واوو
امجد- كل سلح
فيصل- ياقليل الادب انت وهو! بدأتوها هواش

سلمان يكلم عبدالله- افطرتوا طيب؟
عبدالله- لا والله
محمد- ههههههههه مثلنا بس على فلافل بس من صبح ربي
هيثم- ليش وين كنت؟
زياد- كانوا معانا هو وسلمان بالمستشفى
فيصل ابتسم - فوتوا فطور يجننن من يدين خواتي
سعود وتركي- وخواتي

عبدالله يضحك- ادري ما انتوا ما منكم فايده غير تقييم الأكل
تركي- اووووهه عااد الغدااء بيكون بطلل لانه ذبايح
سعود- قد ودانا عمي سلطان من فجر ربي عشانكم يا ماعادني بقايل
هاشم- عبدالرحمن وش فيك ساكت
عبدالرحمن- بس اتأملكم يا وناسه لما يجتمعوا عيال عمامك كلهم
محمد- اي اشهد لو عاد عيال عمي جابر هنا
تركي- الا انتوا الثلاثه وش جابكم بس كذا؟
عبدالله- آسف نسيت اجيب لك الجود طويله لسان مثلك
تركي ضحك بخفه وسكت وطلع عند عمامه ركض
سعود ناظر في عبدالله بصدمه وفطسسس ضحححك- شكله يضحك وهو مستحي
محمد يضحك- غريبه منه ههههههههه
زياد- ياناس ملللللل فالمستشفى مره
هيثم- اشهد يوم انكسرت رجلي كرهت عيشتي فالمستشفى واكله يجيب المغص
هاشم- متعود على اكل اختي
عبدالله- اشهد ان أكلها ماشاء الله
سعود- اي انت وهو مافايدتكم الا تقيمون
عبدالرحمن كان شارد الذهن فجأه قال بصوت عالي -جوالييييي
محمد- بسم الله مالنا فتره من يوم بدلتاه وينه فين ليكون مضيعه؟
عبدالرحمن- بسيارتي بتكون امي تتصل ولا انا بداري
امجد- عطني مفتاح سيارتك بروح اجيبه كيف شكله
عبدالرحمن- ايفون اسود
امجد- يالله ابشر
راح امجد
...........
عند الحريم:-
ام محمد- ترا زياد وعبدالرحمن قد جو
ام عبدالرحمن- اقلقني عليه كيف حاله اتصل عليه مايرد!
ام محمد- ابشرش بخير
ام عبدالرحمن- الله يبشرش بجنته واعذرونا يامنيره مانثقل عليكم ان شاءالله
ام فيصل- الله يحييكم يالجوهره واعز من جاء والله ولا مثقلين ولا شيء
ام عبدالرحمن- الله يسعدش
ساره جت- ياعمه بتكون الذبايح فالمندي ولا فالبيت؟
ام فيصل- لا ابشرش فالمندي بس كلمي البنات يضبطون السلطات والايدامات
ساره- من عيوني
ام محمد- ياسوير كلمي الهنوف خلاص تطفي الفرن بتحرق خليه النحل ولا دريتوا عنها
ساره- لا ابشرش قد طفينا وطلعت تهبل صحت يمنيش يام عبدالرحمن
ام عبدالرحمن- يمينش ماتعطب
ساره-بروح عند البنات
ام فيصل- الله معاش

نروح شوي للرياض وعند ماجد وسلمى:-
بعد ماوصلوا قامت سلمى ترتب اغراضها وتجهز لها هي وماجد :-
- يالله استعدي الرحله بتبدأ بعد ساعتين
- كل شيء تمام وجهزت لك ملابس وكل الي تبيه
- ويلوموني فيشش
- اول رحله اركبها معاك وانت الطيار
- وان شاء الله افضل رحله بحياتش
- تدري اني ماقد سافرت بالطيارة من يوم انا اعرف اسمي الا بشهر العسل يوم سافرنا دبي
- يعني خواتش ماقد راحوا ابد
ضحكت- لا وعاد رويدا تخاف من المرتفعات اذكر يوم ودانا ابوي السوده اخذني محمد انا والهنوف ورويدا نروح نركب تلفريك والله انها تبكي من اول ما ركبنا حتى رجعنا
- ههههههههه لازم تواجه خوفها
- لاصدق طلعت خوافه
- ههههههههه مسكينه؛المهم يالله بسرعه نروح بنتأخر
-كم عدد الساعات
-سبع ساعات
كشرت- سبع ساعات بدون ما اشوفك؟
قام وضمها- مايمديش تشتاقين لي
- الا ببكي
- تصدقين احبش مرهه واحمد ربي عليش والله انش نعمه من الله وان شاءالله ما افرط فيش الكل كان يقول الحب صعب وانا كنت اشوفش وانتظر اللحظه الي تجي وتكونين فيها لي ماتصدقين كيف تغيرت نفسيتي يوم تقدم لش سلطان وكنت احس بضيااع واحس اني خلاص رح اموت من القهر وفعلا مثل ماتوقعت الحب كان جدا صعب لكن الحمدلله كانت نهايه حبي حلوه ورزقني الله بأجمل حبيبه في حياتي