...........................
طبعا نسيت الهنوف :
(كانت لابسه فستان رصاصي رقب قصير ضيق ؛حاطه ميكب ناعم وراسمه عيونها بشكل حلو؛لابسه ساعه سوداء ولابسه خاتم اسود والبنت جد حلوه)
...............
ماجد كان متوسط المجلس مع عمه وابوه وجالسين يسولفون
وصل سلمان وراه محمد و بعد فتره قصيرة عبدالرحمن قام ماجد ورحب بهم والكل يتحمد بالسلامه لمحمد وابو محمد مبسوط ويناظر عبدالرحمن وهو مبتسم
وسلم عليه وقال:اعذرني ياولدي والله اني كنت معصب مره ووصلني علم خطأ
عبدالرحمن:ابد ياعم نفداك معذور
ابومحمد:الله يصلحك والله انك كفو
عبدالرحمن ابتسم: كفوك الطيب .
وقام جلس جنب محمد
محمد وهو يضحك:تراضيتوا؟
عبدالرحمن ابتسم:اي بالله ؛بعدين انت وش دراك ؟
محمد:رويدا قالت لي تتوقع ليه هو كذا؟
عبدالرحمن وقلبه بعععييد عن محمد:طيب
محمد ضربه على كتفه وعبدالرحمن استوعب على نفسه :هاه وش كنت تقول
محمد :ووين عقلك مو معي
فلاش بااك:
فالسيارة
كانت رويدا وراء محمد ومحمد قدام والسواق كان عبدالرحمن نزل محمد وعبدالرحمن طالع في رويدا وعيونها تخليه ينسى الي قدامه والي وراه قال :انا اشهد انه عند عيونها توقف اشعار الرجال ...لبى العيون الي تنسيني همومي
رويدا استحت وقلبها طربق طربق ونزلت عيونها تحت وقالت :محمد نزل مع السلامه يعطيك العافيه
عبدالرحمن استوعب على نفسه وقال: هاه اي يالله الله معك .
رويدا ابتسمت لا شعوريا
وهجججججت وقلبها يدق بقوه
نرجع للوقت الحاضر:
عبدالرحمن:لا بس كنت افكر
محمد:في ايش
عبدالرحمن يجيب سالفه: فالجامعة بتبدأ بعد شهر
محمد ضحك: بعد شهر الله يهديك
عبدالرحمن:الا وش كنت تقول؟
محمد: لا عاد تفهي كنت اقول ان اختي قالت لي بسالفتك مع ابوي يوم صرخ بوجهك تتوقع علامه؟
عبدالرحمن:هي الي قالت لك؟
محمد: ايه ليش؟
عبدالرحمن: لا ولا شيء بس صدق مدري علامه
محمد:يمكن عشان كان معصب
عبدالرحمن :لا هو قال وصله علم غلط ( وقال لمحمد السالفه).
محمد: الله المستعان يسويها ما استغربها منه كان قد بيسوي مشكله بين عمي سلطان وعمي محمد؛ المهم انكم تصالحتوا
عبدالرحمن:اي بالله
وجاء عبدالله وسلم عليهم وجلس معهم
عبدالله: اسمع محمد اختك جات؟
محمد :اي ليه
عبدالله: لا بس كانت ليلى تبي تشوفها وقلت لها ان ماهي موجوده على بالي انك مارح تطلع
محمد:ههههههههه ابشرك هذا انا قدامك
عبدالله بمزح : لا وراي ههههههههه
عبدالرحمن يسوي نفسه ثقيل:سامجين
محمد:اخس يالثقيل
عبدالله:مو ثقيل الا فاضي
عبدالرحمن بهدوء : الحمدلله دامني فاضي
عبدالله:اللهم لك الحمد
محمد كاتم ضحكته:اي قلبنا مصلى
....................................................
عند رويدا وهي طالعه :
ماسكه على قلبها وقالت :اهه يقلبييي يالاحرررااج
.... : من وش تنحرجين؟
رويدا لفت راسها وانصدمت:ناااصر؟؟!
ناصر ببرود:لا جدي ؛من وش الاحراج؟
رويدا تنرفزت من طريقه كلامه:وانت وش خصك؟
أنت تقرأ
ليتك ولد عمي وابوك اغلى عمامي 🖤
Poetry عزت علي نفسي ونفسي عزيزه ماهي بترضىّ موقف الذل والهون . _ اول رواياتي كاتبه مبتدئه جداً 🤎. انستقرامي: wrd_516h _
