فالمستشفى:-
عند عبدالرحمن:-
بين الحياه والموت الله عليم بحاله ؛ ثوبه الابيض قلب احمر من الدم💔؛ يحتاج تبرع دم فصيله O+ ؛محمد نفس فصيله دمه ؛ بس للأسف ما درى عنه ؛ ماصحى لسا للأن فاقد للوعي ؛ يستنجد الدكتور يبي متبرع بالدم ؛ الشرطي حاول يتبرع بس للأسف ما طابقت فصيله دمه فصيله دم عبدالرحمن ..فقرر انو يفتح جواله (جوال عبدالرحمن)؛ بس برضو كان عليه رمز ماقدر يفتحه ؛ هنا كان قراره الوحيد....
عند زياد:‐
صحى واخيراً؛ فيصل من الفرحه سجد لله شكر:-
فيصل- يارب يارب يارب لك الحمد والشكر يالله
سعود-الحمد لله على السلامة يازيود
زياد ابتسم- الله يسلمك
ماجد- مين المتسبب بالطعنه؟!
زياد سكت
الدكتور - كلموه بعدين حالته ماتسمح الحين تقدرون ترجعون البيت اعتقد انه لازم يجلس برضو فتره
سلمان- بجلس معاه
زياد-ماله داعي اذا احتجتك اتصلت عليك روح نام مبين انك ما انت نايم كويس
سلمان- والله ما اروح واخليك
الشباب كلهم راحوا ..الا سلمان
..
اتصل على مركز الشرطه وقال:
- سالم جيب اخت عبدالرحمن يحتاج متبرع والمستشفى مافيه ناس كثير وهي اخته بتكون نفس فصيله دمه
- على حسب المعلومات الي عندنا رويدا ماهي اخت عبدالرحمن!
- اووهه والمشكله !
- بس انو هي قالت بتجي تتطمن عليه وتلقى اخيها عندك
- ايش اسم اخيها؟
- محمد مسفر ال سالم
-طيب شكرا يعطيك العافيه
.
كانوا بيخرجوا ؛ استوقفهم الشرطي:-
ماجد- عسى خير
الشرطي (رائد)- خيرا ان شاء الله من فيكم محمد مسفر ال سالم
محمد- انا محمد
الشرطي- ويش يقرب لك عبدالرحمن
محمد- من؟
الشرطي- عبدالرحمن حازم ال هذال
محمد- صديقي المقرب وحسبه اخوي ليه؟
الشرطي- الله لا يوريكم فيه مكروه لكن يا محمد يحتاج تبرع بالدم من فيكم فصيله دمه o؟
محمد- انا وتركي وماجد
الشرطي- اخوك صار عليه حادث طعن !
محمد شهق بقوه- قول لي انك تمزح
وتعدى الشرطي ودخل الغرفه الي فيها عبدالرحمن وهنا كانت الطامه الكبرى
انصدم وصدمته كانت جدااا قويه وصاح بقوه- عبدالرحمممممممممنننننننن!!!!! 💔💔 لاااااا
شاف انه كذا على سرير ووجهه مقتلب وثوبه احمر من الدم ..
دخلوا الشباب وهم مثله في حاله صدمه وتساؤلات غريبه جدا كيف حادثين طعن بيوم ؟ مين هذا المتسلط?..
محمد- لاتموتتتت انا اخوك انا حولك اصحى يادحوممممم اصحى لا تموتتتت
الشرطي- استهدي بالله ياولد ان شاء الله انه بيكون بخير بس بسرعه نحتاج متبرعين
محمد- انا رح اتبرع
سجل اسمه؛ فصيله دمه
واول ما خلصوا سحب الدم منه هنا دمعته نزلت 💔 ماقدر يقاوم - ليه ما اتصلت لي كنت بكون جنبك ؛ ليه يادحوم ؛ مين سوا فيك كذا؟!!!! الله لايوفقه
الشرطي- لا تخاف الي سوا الجريمه هذي سوا جريمتين غيرها اليوم بالضبط غير عن الجرائم الي كان يسويها قبل!
محمد- اييششش؟ من هوووو؟
الشرطي - المعلومات الي معي في غايه السريه
...-تكفى يا محمد قول لي اني احلم !
........
في الشرطه:-
دخلت عند وحده من الشرطيات اعطتها عبايه جديده ونقاب جديد لأن العلم وصلها قبل وهي قامت ولبستها وبعدها:'
الشرطيه هدى- اسمش قلتي لي رويدا مسفر ال سالم ويش هذا الي اسمه عبدالرحمن يقرب لش؟
رويدا- عبدالرحمن حازم ال هذال خوي اخوي
هدى- همم، اشرحي لي كل الي صار معش بالتفصيل وبدون اي تردد
(رويدا تشرح لها ودموعها تنزل💔)
هدى- إذاً عبدالرحمن لحق عليش قبل يسوي فيش سيف شيء صح؟
رويدا تمسك الصيحه- نعم لكن
هدى- عبدالرحمن كان بطل لأنه ساعدش وانتي الثانيه لأنش بلغتي على طول والان يعطيش العافيه تقدري تنصرفي بوديش شخصيا للبيت واذا احتجتش اتصلت لش اتفقنا.
رويدا ادركت على نفسها- ممم عندي ججواالل يويليييي ويش بيسوون اهليييييي كيف بيوصلون لي ياراسيييي
هدى- لا تخافين قدرت اوصل لرقم امش وكلمتها ان ابيش لايدري ونقدر نروح الان
رويدا- بس عبدالرحمن؟
هدى- تبين تشوفينه؟
رويدا- اي والله ابي بس لو خبر يطمن عنه
هدى- خلاص بتوجه للمستشفى ثم اوديش لبيتش تمام
رويدا- تم يعطيش العافيه
خرجت رويدا والشرطيه هدى وشافت رويدا سيف قدامها عليه اصفاد ناظرت فيه بقهر وقالت - لا سامحك ربي انت السبب في كل شيء دمرت حياتي اهلكتني 💔.
سيف بغى يتكلم بس الشرطي ماسمح له- حقش بيرجع لش يابنت الاجواد
أنت تقرأ
ليتك ولد عمي وابوك اغلى عمامي 🖤
Poetry عزت علي نفسي ونفسي عزيزه ماهي بترضىّ موقف الذل والهون . _ اول رواياتي كاتبه مبتدئه جداً 🤎. انستقرامي: wrd_516h _
