ليتك ولد عمي وابوك اغلى عمامي 🖤

بارت ٣٦

اهلين حلويني
رمضان مبارك عليكم جميعا نسأل الله ان يدخل هذا الشهر علينا وعليكُم بالخير واليمن والبركات وان يجعلنا فيه من الصائمين القائمين العتقاء من النار واياكم ان شاء الله
جيتكم متأخر انا والبارت بس يقولون ان تأتي مُتأخراً خيراً من الا تأتي 😭
في شيء احاول انبه عليه الشيلات والاغاني الي احطها ترا بس تقرينها وياليت ماحد يبحث وينزلها ترا ما ابي اكسب ذنوب اللهم بلغت اللهم فاشهد متبريه من ذنوبكم.
( لا تنسوا ذكر الله والصلاه على النبي )
( لا تجعلوا روايتي تلهيكم عن طاعه الله وصلواتكم)

..

نبدأ هذا البارت ..

عند العيال:-
فيصل وهيثم
وعبدالله والليث الي يذبحون:-
عبدالله- الله يا ناس ما توقعت من جاء عمي مسفر لنجران بيلتم الشمل من جديد
فيصل- اي والله والله اني مشتاق لأخوانك بالحييل( يأشر على الليث)
هيثم- وعاد عيال عمتي زينه بيجون؟
الليث ببرود- ايوه قال عمي بيجون خلك بشغلك ياهيثم !
هيثم- وس بك منفس
الليث- مافي شي بس نبي نخلص
عبدالله- يالله نخلص الحين بيجون عمامي جو بالطيارة ماهي ساعتين الا وهم هِنا
هيثم- ياقوم هيا بنا
الليث بنظره حاده- تافه سخيف
هيثم اخذ بخاطره من كلام الليث بس سكت
بعدها قاموا الشباب وكملوا وراحوا للمندي ..

عند سعود وتركي وامجد وناصر:-
تركي وامجد بالوراء ويسولفون وساحبين على سعود وناصر:-
تركي - هيه امجد قرب قرب ابي اقول لك على حاجه
امجد قرب - سّم
تركي- اسمع بما انو احنا بنروح للسوق نشتري لنا كم شيء ايش رايك الليل نحضر فيلم سوا وكذا ونترك العيال
امجد يضحك بسخريه- تصدق ؟ كنت ابي بس وراي دوام اول مره اشوف اخواني كلهم متعطلين عن الدوام كله عشانكم انت واخوانك
تركي- ياليلل الا اسمع يعني بكون معك في نفس الصف
امجد- ايووه يعع
تركي بنظره حاده- ما اليعع الا وجهك خير ان شاء الله؟
امجد- قصدي المدرسه يعع
تركي- يارجال انا متحمس انو نتخرج واخيرا من المتوسط بعدين بثاني ثانوي باخذ رخصه وسياره وحركات
امجد- تدري بشور واسمعني كويس
تركي- هاه
امجد- ندرس الثانويه بس ونسحبها على العسكريه
تركي- فكره حلوه..
قطع كلامه سعود- ايش الي عسكريه انت وهو ؟ وش ذا مالقيتوا الا العسكريه
تركي- عادي جدا يا اخ سعود

سعود- امزح معك يارجال بس اني (سكت)
ناصر- انت دخلت علمي وش ناوي تتوظف ؟
سعود ابتسم بخفه- والله مادري ياخوك علمي علمك قد تحيرت
ناصر ابتسم ابتسامه خفيفه وهو يوقف السياره - يلا ياعيال تأخرنا عالغداء خلونا نشتري
سعود وهو يفتش جيبه '- ءء وين جوالي
ناصر ضحك- غبي نسيته يشحن بالمجلس
سعود تذكر- وليه ماقلت لي يا أخ ناصر؟
ناصر- والله مادريت انك بتنساه
سعود- نسيم كانت مرسله لي كل شيء نشتريه الحين البلشه
امجد بتفكير- دقيقه شباب خلونا نتخيل انو احنا بنات بالمطبخ وش بنحتاج
سعود- بنحتاج وصفه عشان نرجع عقلك
امجد- مالت على ذا الوجه
سعود- لا يكثر اتصل على اختك قول لها وش تبي
امجد بحده - فاضي انا
سعود- ايه فاضي امجددددد!!
امجد بخوف- ءء خلاص تمام
قام امجد واتصل على فاطمه :-
امجد- الوو بنت
فاطمه- هلا ولد
امجد- تكفين ماني فاضي
فاطمه- ايوه هلا شتبغي؟
امجد- انتوا الي شتبغون للمطبخ
فاطمه- همم نبغى خيار وجزر وطماطم عشان السلطه
امجد يردد وناصر يكتب بجواله- ايوه جزر خيار طماطم
فاطمه- ونبغي علبه ورق عنب جاهز لضيوفنا وكمان معمول وكمان تشيز كيك وكمان كيكه كبيره وكمان نبي بلح الشام وكمان نبي عصيرات منوعه غازيه وغيرها نبي نسوي ماهيتو
امجد- امما عاد ورق عنب ومعمول وتشيز كيك وكيكه كبيره وعصيرات وبلح الشام وجرجير وزيتون نعنش نعنش نعنش هيا انعش قلبك يا فلفول
فاطمه بضحك- ياشيخ اش فيك تردد وتغني ههههههههه
امجد- عشان يسجلون الي تقولينه؛ ها تبيني افتح السبيكر ويسمعون صوتش
فاطمه- يالبى الغيور؛من هم من اساسا الي معك
امجد- ابد سعود وناصر وتركي
فاطمه- هههههه اساسا كان عادي حن نسولف معاهم حتى؛يلاا امي تناديني
امجد- يالله
(قفل الخط)
ناصر- غيران الاخ ترا ما حن طايرين فيها
امجد- ولا هي طايره فيك
تركي يضحك- ناصر الله يرحمك
سعود- هذي تقريبا بالي في محفظتي كله
ناصر- بحاسب انا
سعود- افاا لا انا بحاسب
ناصر- والله مايحاسب غيري حلفت
تركي وامجد ابتسموا ابتسامه شريره ودخلوا بسرعه
سعود- ابتسامتهم ماتطمن
ناصر بإدراك- ليتني ما حلفت!
سعود يضحك- نعنبوا بليسك تستاااههلل
ناصر بضحك - استاهل استاهل ههههههههه
..
عند البنات:-
ابومحمد جاء ينادي من على الباب - يالهنوووف ياروييدداا
الهنوف- لبيه يبه لبيه
ابومحمد- لبيتي في منى، كلمي رويدا وروحوا نظفوا جهه الرجال طيب
الهنوف- ابششر بس العيال
ابومحمد- ماعاد فيه الا عبدالرحمن بيروح معي بيتنا وانتوا بعدها روحوا نظفوا وحاولوا تخلصون بسرعه بيجي زياد وفهد بعد نص ساعه كِذا
الهنوف- من عيووني
بعدها الهنوف راحت للبنات:-
الهنوف- بنات تكفون ساعدوني بسرعه نبي نخلص جهه الرجال عشان بعدين نضبط القهوه وكذا بيوصلون اعممماامممي وعيال عمامي وعيال ال هذال
نوره- خلاص طيب طيب ريوف ورويدا يساعدونش واما فاطمه ابيها تساعدني هي ونسيم
تالين- اساعدكم؟
نسيم بتسليك- ايووه
تالا- وانا
ريوف - تالين من ذاك اليوم حاقده عليش
ساره بنص عين- لازم تتعودين عليهم حبيبتي
ريوف فهمت و احمّمر وجهها- هاا كيف
ساره- وجهش الاحمر يبيين انش عرفتي شقصدي
ريوف بحرج- من قال وجهي احمر
نسيم- يلااا الشغغلل خلصي قبل يجي عليش سعييددوونن
ريوف- كذا تدلعينه ؟
نسيم- اذا تزوجتيه دلعيه بكيفش
ريوف- اخر من افكر اتزوجه يووو رعبب بس افكر
ام فيصل كانت تسمع - ههههههههه وليه
ريوف بحرج- ها ولا شيء مهم
ريوف تمنت الارض تنشق وتبلعها وقامت على طول تكمل الشغل
بعدها البنات قاموا يخلصون الشغل